1 Bene Kolinto 15:24 - Baibo Busansulushi Bwa Libuku Ili

²⁴ Lyalo mamanino alaakushikila, Klistu ulaakupa bwaami kuli Lesa Ishi aakumana kunyonyoola bweendeleshi boonse, buleelo boonse ankusu shoonse.

1 Bene Kolinto 15:24 Marejeleo ya Msalaba

Danyelo 7:27

Nkusu shoonse abulemu boonse bwa malelo oonse a mucishi ca panshi shilaakupekwa kubantu basalalite bakwe Lesa wa kwiculu Wiindaawo. Bulelo bwabo bulaakuba bwalyoonse alyoonse alimwi baleli boonse ba mucishi ca panshi balaakunoobasebensela akubanyumfwila.’

Danyelo 7:14

Mpeeke wakapekwa nkusu, bulemu abwaami kwaamba ayi bamumishobo yoonse, bashikanda shipusenepusene abamumilaka yoonse ayi bamulambile. Bulelo bwakwe teshi bukamaneewo alimwi Bwaami bwakwe teshi bukanyonyoolweewo.

Mateyo 28:18

Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.

Mateyo 11:27

“BaTa bakabika shintu shoonse mumaansaangu. Taaku muntu ushi Mwaana, sombi baTa beenka. Taaku muntu ushi baTa, sombi Mwaana eenka alimwi awooyo Mwaana ngwaasala ayi ayubulwite.

Danyelo 2:44

“Muciindi ca bamaami abo Lesa wa kwiculu ulaakuleta bwaami ubo bweshi bukabule kumana. Teshi bukakomweewo, sombi bulaakunyonyoola malelo amwi ayo oonse akulela kwalyoonse alyoonse.

1 Timoti 6:15

Lesa ulaakumulengesha kuboneka paciindi ceelete, Lesa shicoolwe uli ngomweendeleshi eenkabo, mweendeleshi wa beendeleshi alimwi Mwaami wa baami.

Joni 13:3

Jesu wakalinga kwishi ayi wakapekwa shintu shoonse mumaansaakwe. Wakalinga kwishi alimwi ayi wakaswa kuli Lesa alimwi ulaakuboolela kuli nguwe.

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Joni 3:35

Ishi ulimusuni Mwanaakwe alimwi shintu shoonse wakashibika mumaansaakwe.

Mateyo 24:13

Sombi uyo eshi akayuminine kushikila kumamanino a mapensho aya, ulaakupulushikwa.

Luka 10:22

“BaTa bakabika shintu shoonse mumaansaangu. Taaku muntu ushi Mwaana, sombi baTa beenka. Taaku muntu ushi baTa, sombi Mwaana eenka alimwi awooyo Mwaana ngwaasala ayi ayubulwite.”

Mateyo 10:22

Bantu boonse balaakumupata ceebo ca ndime. Sombi uyo eshi akayuminine kushikila kumamanino a mapensho aya, ulaakupulushikwa.

1 Pita 4:7

Ono mamanino a shintu shoonse ali pafwaafwi. Paceebo ceeco, kamulitibuka alimwi mucenjele, kwaamba ayi mukonshe kupaila.

Danyelo 12:13

“Ono webo Danyelo, koshomeka kushikila kumeelelesho aciindi. Lyalo ulaakufwa, sombi ulaakubuka alimwi akutambula cilambu cako kumeelelesho aciindi.”

Danyelo 12:9

Alakwe wakakumbula ayi, “Danyelo, nyamuka unooya. Maswi aya ngabushishi alimwi alyeelete kunooli abushishi kushikila kumeelelesho aciindi.

Bene Loma 8:38

Ceebo ndishinishite kwaamba ayi taaku nceenga catupansaanya alusuno lwakwe Lesa pali ndiswe. Lufu nabi buumi, baanjelo nabi beendeleshi ba kwiculu, shintu sha cecino ciindi nabi shintu sheshi shikaboneke,

Danyelo 12:4

Kuswawaawo wakandwiita ayi, “Ono webo Danyelo cala libuku ili akalamatila wakeshibilo kushikila kumeelelesho aciindi. Baanji balaakuya uku akooku kuya mukufusha busongo.”

Bene Efeso 5:20

Kamulumba Lesa Ishiwesu muliina lya Mwaami wesu Jesu Klistu ceebo ca shintu shoonse.

Bene Kolose 2:10

alimwi muli nguwe, mwebo mulicite buumi bwancinencine. Lakwe uleendaawo pabamaami alimwi abeendeleshi boonse.

Bene Kolose 2:15

Pamucilingano mpomunya, Lesa wakamanisha nkusu sha bamaami abeendeleshi boonse kwiinda muli Klistu. Wakabakoma patuba ndyaakabatondesha nkusu shakwe.

2 Pita 1:11

sombi ulaakumucalwita mulyango wa muBweene butamaani bwa Mwaami Jesu Klistu Mupulushi wesu.