1 Bene Kolinto 15:2 - Baibo Busansulushi Bwa Libuku Ili

² Mulapulushikwa kulilabo na mwacatisha Makani Abotu ayo ngondakamushimikila. Cabula boobo ngayi lushomo lwanu taaku mbolubete.

1 Bene Kolinto 15:2 Marejeleo ya Msalaba

Tushimpi 23:23

Lushinisho, busongo, kulilemeka amaano akunyumfwisha shintu nshamakwebo abuumbi alimwi shilyeelete kuulwa, sombi tasheelete kuulishikwa.

Tushimpi 3:1

Omwanaangu utanoolubaako nsheenkwiisha. Kolama milawo yangu mumoyo wako.

Tushimpi 4:13

Uyumininebo kwiisha, kutakufutatila, sombi ukakulaame kabotu ceebo mbobuumi bwako.

Luka 8:13

Isho mbuto shakalokela pabulongo bwa mabwe shileemikanina baabo banyumfwa maswi akwe Lesa akwaatambula cakusangalala. Sombi taanjili cankusu mumyoyo yabo, balashoma ciindi ciniini, aboobo na basunkwa balawa.

Milimo ya Batumwi 2:47

Bakalinga kulumbaisha Lesa, mpeeke abantu boonse bakakondwa ndibakabona ncito yabo. Alakwe Mwaami wakalinga kuletelamo bantu abamwi inshiku shoonse mulikoto lyabo, abo bakalinga kupulushikwa.

Milimo ya Batumwi 8:13

Alakwe Simoni wakashoma akubombekwa. Lyalo wakalinga kweendabo aFilipo ceebo wakakankamana ndyaakabona shitondesho sha nkusu sha kwiculu ashaankamiko nshaakalinga kucita.

Bene Loma 1:16

Ndashoma amoyo woonse muMakani Abotu ceebo nshenkusu shakwe Lesa shakupulusha bantu boonse bashoma, kutaanguna baJuda, pesule baswamashi bakunsengwe.

Bene Loma 11:22

Ono mulyeelete kwishiba ayi Lesa ngushinkumbu alimwi ngumukali. Ngumukali kubaabo bakabisha, sombi ulicite nkumbu kuli ndimwe, kulilabo na kamucita sheesho nsheenga shaleta nkumbu shakwe. Sombi na mwabula kucita boobo, Lesa ulaakumutyola amwebo.

1 Bene Kolinto 1:18

Makani aamba shalufu lwakwe Klistu pamucilingano taaku mbwaabete kubantu basowekete, sombi kuli ndiswe sotuli munshila yakupulushikwa, ninkusu shakwe Lesa.

1 Bene Kolinto 1:21

Ceebo Lesa mubusongo bwakwe mwiine wakalengesha kwaamba ayi bantu baalilwe kumwishiba kwiinda mubusongo bwabo. Sombi kwiinda mumakani ngotushimikila ayo bantu ngobabona ayi taaku mbwaabete, Lesa cakamukonda ayi apulushe bashoma kwiinda muli ngawo.

1 Bene Kolinto 11:2

Ndamulumbaisha ceebo lyoonse mulanjeeya alimwi mulakonkela nshendakamwiisha.

1 Bene Kolinto 15:14

Na Klistu taakwe kubushikwa, ingayi kushimikila kwesu alushomo lwanu taaku mboshibete.

2 Bene Kolinto 2:15

Ceebo swebo tuli anga mbweema bwa tununkila kabotu pakutenta uto Jesu Klistu ntwaabenga kuli Lesa. Bweema ubo bwanyumfwika kubaabo beshi bakapulushikwe abaabo batoosowekwa.

2 Bene Kolinto 6:1

Kweelana ambotusebensela pantu pomwi aLesa, twamusenga kwaamba ayi nomwakatambula shoolwe sha luse lwakwe Lesa mutakashinyonyoolibo.

Bene Galatiya 3:4

Sa shoonse shintu shibotu shakamucitila Lesa taaku mboshibete? Nshintooshoma boobo.

Bene Efeso 2:8

Mwakapulushikwa aluse lwakwe Lesa kwiinda mulushomo. Teshi munkusu shanu nobeene, sombi ncipo kuswa kuli Lesa.

Bene Kolose 1:23

Mulyeelete kukalika myoyo akutolelela kushoma kweelana amatalikilo anu ancinencine alimwi mutaswi mukulangila uko nkomwakabaako ndimwakanyumfwa Makani Abotu. Lesa wakampa nebo nePaulo mulimo wakushimikila Makani Abotu aya, ayo ashimikilwa bantu boonse mucishi ca panshi.

2 Bene Tesalonika 2:15

Ono aboobo nobamakwesu, amutolelele kushoma shalushinisho isho nshetwakamwiisha nditwakalinga kushimikila, nabi munkalata njetwakamulembela.

2 Timoti 1:9

Wakatupulusha akutwiita ayi tube bantu bakwe basalalite, kuteshi ceebo ca ceeco ncetwakacita, sombi kwiinda mukuyanda kwakwe mwiine alimwi aluse lwakwe. Luse ulo wakabaalo pali ndiswe kwiinda muli Klistu Jesu ciindi kacitana kutalika.

Bene Ebulu 10:23

Atutolelele mukulangila nkotucite uko nkotushimikila, mukwiinga Lesa wakatushomesha, ulashomeka.

Bene Ebulu 2:1

Nceceeco ncetweelete kwiindilaawo kubikaako maano kushalushinisho isho nshetwakanyumfwa kwaamba ayi tutakasoweki.

Bene Ebulu 3:14

Mukwiinga soonse tulasebensela pantu pomwi aKlistu kulilabo na twatolelela mulushomo ndotwakatalikaalo kushikila akumeelelesho a buumi bwesu.

Bene Ebulu 3:6

Sombi Klistu mukuba Mwanaakwe Lesa, ulashomeka mukweendelesha bantu bakwe Lesa boonse. Nkokwaamba ayi swebo tuli bantu bakwe Lesa na twatolelela kutaloonda alimwi akulisumpwita mushintu ishi nshetutoolangila.

Bene Ebulu 4:14

Anu atuyuminine akutolelela mulushomo ndotushimikila. Mukwiinga tulicite Mupailishi Munene wiindaawo, uyo wakenjila kwiculu kubete Lesa. Uyu nguJesu, Mwanaakwe Lesa.

Jemusi 2:14

Ino nimpindunshi icite muntu waamba ayi ulicite lushomo, sombi taaciti micito ibotu? Sa lushomo lwa mushobo uyo inga lwamupulusha?

Jemusi 2:17

Mbweeke ubo lushomo lutacite micito lulifwite.

Jemusi 2:26

Ono aboobo bweenka mubili utacite muuya mbotwaamba ayi ulifwite, alwalo lushomo na talucite micito lulifwite.