1 Bene Kolinto 14:3 - Baibo Busansulushi Bwa Libuku Ili

³ Sombi waamba maswi akwe Lesa ulaambila bantu kwaamba ayi bayuminishikwe, bacafwikwe alimwi akubakalika myoyo.

1 Bene Kolinto 14:3 Marejeleo ya Msalaba

Luka 3:18

Joni wakashimikila bantu Makani Abotu munshila shiinji shiinji shimwi.

Milimo ya Batumwi 13:15

Ndyaakamana kubelengwa maswi amwi a muMilawo yakwe Mose, alimwi amumalembo a balaluki bakulukulu bamwi, beendeleshi ba coonde bakatuma maswi akwaamba ayi, “Nobamakwesu, na mulicite maswi akuyumya bantu kuno, twamusenga ayi mwaambe.”

Milimo ya Batumwi 14:22

Mpeeke bakayuminisha bashomi kwaamba ayi batolelele kushoma cankusu muli nguwe lyoonse. Bakalinga kubalwiita ayi, “Swebo soonse tulyeelete kwiinda mumapensho aanji kwaamba ayi tukenjile muBweene bwakwe Lesa.”

Milimo ya Batumwi 15:32

Judasi aSailasi balo bakalinga mbalaluki, bakayumya bashomi amaswi aanji akakalika myoyo yabo.

Milimo ya Batumwi 4:36

Anu kwakalinga musankwa umwi wiitwa ayi Josefu, mwine Lefi wakashalilwa kucishi ca Saipulasi, uyo batumwi ngobakalinga kwiita ayi Banabasi, (nkokwaamba ayi, “Injuminishi”).

Milimo ya Batumwi 9:31

Muciindi ici, bashomi mushishi shoonse sha Judeya, Galili alimwi aSamaliya bakalinga muluumuno. Bashomi aba bakalinga kucatene pantu pomwi, bakafulilaako kwiinda mukuyuminishikwa aMushimu Usalashi alimwi bakalinga kulemeka Mwaami.

Bene Loma 12:8

Na nkuyumya bashominyineesu, tulyeelete kucita bweenka ubo. Uyo woonse uteemi, ulyeelete kwaaba amoyo womwi. Na uli mutanjilili, ulyeelete kutanjilila cankusu alimwi na uli shinkumbu, ulyeelete kunyumfwila nkumbu cakusangalala.

Bene Loma 14:19

Anu lyoonse tulyeelete kucita shintu shileta luumuno pabantu alimwi akucafwa bene Klistu kuyuma mulushomo.

Bene Loma 15:2

Sombi uli woonse pakati kesu ulyeelete kukondelesha muKlistunyina akumucitila shintu shibotu kwaamba ayi amuyuumye mulushomo.

1 Bene Kolinto 10:23

Bamwi balaamba ayi, “Shintu shoonse shilasuminishikwa.” Sombi teshi kwaamba ayi shintu shoonse nshibotu. “Shintu shoonse shilasuminishikwa,” sombi teshi shoonse shicafwa.

1 Bene Kolinto 14:12

Ono ceebo cakwaamba ayi mulisuni abuumbi kutambula shipo sha Mushimu Usalashi, mulyeelete kweelesha kusebensesha bunene isho shicafwa bamucoonde kukula mulushomo.

1 Bene Kolinto 14:17

Nakubi kwaamba ayi walumba kabotu, taaku muntu umwi ucafwikwa.

1 Bene Kolinto 14:26

Ncentokwaamba nobamakwesu nceeci. Ndimubungana ayi mulambile, womwi inga kaacite lwiimbo, umwi cakwiisha, umwi kaacite maswi akamuyubulwita Lesa, umwi maswi mumilaka yeensu aumwi kaacite busansulushi bwa milaka yeensu iyo. Ono shoonse shilyeelete kusebenseshekwa kwaamba ayi shicafwe coonde kukula mulushomo.

1 Bene Kolinto 14:31

Noonse inga mwaamba maswi akwe Lesa kulilabo na kamwaamba womwi womwi kwaamba ayi noonse mwiiye akuyuminishikwa.

1 Bene Kolinto 8:1

Ono kweelana amwiipusho ngomwakalemba pashakulya shipekwa kushibumbwabumbwa, ndushinisho kwaamba ayi soonse tulicite lushibo. Ono lushibo ulo lweenka lulalengesha bantu kulisumpula, sombi lusuno ndoluyaka.

2 Bene Kolinto 1:4

Ulatucafwa mumapensho esu oonse kwaamba ayi tukonshe kucafwa bamwi bacite mapensho amushobo uli woonse, kwiinda mulucafwo ulo ndotwakatambula kuswa kuli Lesa.

2 Bene Kolinto 2:7

Ono bulya mulyeelete kumulekelela akumuyumyayumya kwaamba ayi atoongumani bunene.

Bene Efeso 4:29

Mutabi beshimyaambo ibiibi, sombi kamwaambabo maswi acafwa, akonsha kuyaka akuleta ciyandika kwaamba ayi boonse batoonyumfwaako bacanemo bubotu.

Bene Efeso 6:22

Nceceeco ncentoomutumina kooko kwaamba ayi amulwiite mbuli mbotubete alimwi akwisa mukumuyumya.

Bene Kolose 4:8

Nceceeco ncentoomutumina kooko, kwaamba ayi ese amwishibishe mbotutookala alimwi akumuyumyayumya.

1 Bene Tesalonika 2:11

Mulishi kwaamba ayi womwi awomwi pakati kanu, twakalinga kumucitabo anga ngumushali musankwa mbwaacitila bana bakwe mwiine.

1 Bene Tesalonika 2:3

Nditwakalinga kumushimikila Makani Abotu, tatukwe kusebensesha miyeeyo imwi ibiibi nabi kubeca bantu.

1 Bene Tesalonika 3:2

Twakatuma Timoti mukwabesu muli Klistu, uyo ngotuli akwe pantu pomwi mumulimo wakwe Lesa wakushimikila Makani Abotu aamba pali Klistu. Twakamutuma kwaamba ayi ese amuyumyeyumye akushimpya lushomo lwanu,

1 Bene Tesalonika 4:1

Cakweelaako nobamakwesu, mwebo mwakeeya kuswa kuli ndiswe makani aamba mbomweelete kwikala buumi bukondelesha Lesa alimwi ncakwiila mbomwikala. Ono bulya twamusenga camaansa obilo muMwaami Jesu kwaamba ayi mwiindilisheewo apo

1 Bene Tesalonika 4:18

Ono aboobo amuyuminishanye mumaswi aya.

2 Bene Tesalonika 3:12

Bantu abo tutoobaambila akubacenjesha muliina lya Mwaami Jesu Klistu ayi bacileeke kwikala buumi bwa kunyonyonganya, akutalika kulisebensela beene.

1 Timoti 1:4

Ubalwiite batanoobika maano kutushimi ameena a bamashali bakulukulu ateeli. Ishi shilaletabo kupikishanya kwiinda kusumpula mulimo wakwe Lesa uyo ucitika kwiinda mulushomo.

1 Timoti 4:13

Kushikila nkese, ulyeelete kulyaaba mukubelengela bantu Malembo akwe Lesa, kushimikila alimwi akwiisha.

1 Timoti 6:2

Basha bacite bamaami babo bashomi, tabeelete kutanoobapa bulemu ayi mukwiinga mbashominyinaabo, sobwe. Sombi balyeelete kubasebensela kabotu abuumbi ceebo abo bacana mpindu mumilimo yabo mbashominyinaabo basunikwi. Ulyeelete kwiisha akushimikila shintu ishi.

2 Timoti 4:2

unooshimikila maswi akwe Lesa, muciindi bantu ndibasuni kukutika nabi tau. Kobalulika, kubakalalila alimwi akubayumya mukubeeisha camoyonteeka.

Taitasi 1:9

Ulyeelete kucata camaansa obilo kumakani ashomeka kweelana ambwaakeeishikwa, ayi ayumyeyumye bamwi kwiinda mulushinisho alimwi akululika baabo balupikisha.

Taitasi 2:15

Koiisha shintu ishi alimwi akusebensesha nkusu nshoocite mukuyuminisha akululika baabo bakukutika. Kutabi muntu ukunyanshilisha.

Taitasi 2:6

Mbweeke ubo abalo basankwa bacanike kobayuminisha kuba bantu balitibuka.

Taitasi 2:9

Basha balyeelete kunyumfwila bamaami babo akubakondelesha mushintu shoonse. Tabeelete kupikishanyaabo,

Bene Ebulu 10:25

Anu tutacileeki kwishibila kwesu kwakubungana pantu pomwi, mbuli butoocita bamwi. Sombi twiindilisheewo kuyuminishanya, mukwiinga twaboona ayi Bushiku bwakwisa kwa Mwaami Jesu bwasenena.

Bene Ebulu 13:22

Nobamakwesu, ndamusenga kwaamba ayi mutambule camoyonteeka maswi aya akumuyumyayumya, nceceeco ncendamulembelabo mukufwiimpyafwiimpya.

Bene Ebulu 3:13

Sombi cinene ncemweelete kucita nkuyumininshanya inshiku shoonse kwaamba ayi kutabi nabi womwi eshi abecekwe kwiinda mukubisha akuba shicimpamya, kulilabo liswi lya kwaamba ayi, “Sunu,” muMalembo akwe Lesa kalicitubikaako aswebo.

1 Pita 5:12

Nkalata ifwaafwi iyi, nguSailasi wanembelaako, uyo mukwabesu ushomeka. Ndisuni kwaamba ayi muyumyeyumye akumulwiitilisha ayi ulu ndoluse lwakwe Lesa lwiine lwiine. Lyoonse kamushoma muluse ulo.

Judi 1:20

Sombi mwebo nomusunikwi, amuliyaake mulushomo lwanu lusalalite abuumbi. Munoopaila munkusu sha Mushimu Usalashi.