1 Bene Kolinto 1:7 - Baibo Busansulushi Bwa Libuku Ili

⁷ Paceebo ceeco taaku cipo nabi comwi ca Mushimu ncemutacite bulya ndimutoolindilila kupiluka kwa Mwaami Jesu Klistu.

1 Bene Kolinto 1:7 Marejeleo ya Msalaba

Matalikilo 49:18

“Ono oMwaami Lesa, ntoolindilila lupulusho lwako.

Mateyo 25:1

“Pabushiku ubo bwakwisa MwanaaMuntu, Bweene bwa kwiculu bulaakukoshanya abamyooye likumi abo bakanyamuna malampi akucinsha shibwiinga.

Luka 12:36

Amube mbuli basebenshi batoolindilila mwaami wabo utooswa kubwiinga kwaamba ayi apo poonse mpweshi ashite akukonkoonsha, beendililebo kumucalwita.

Luka 17:30

Kulaakuba bweenka ubo pabushiku MwanaaMuntu ndyeshi akayubululwe.

Bene Loma 8:19

Shintu shoonse Lesa nshaakalenga shitoolindila abuumbi kuyubululwa kwa bana bakwe.

Bene Loma 8:23

Ono teeshibo shilengwa sheenka shipenga boobo, sobwe. Sombi aswebo sotucite aMushimu Usalashi uli ncecipo citaanshi ico Lesa ncaakatupa, tulapenshekwa abuumbi mumyoyo. Lyoonse tulalangila ayi Lesa akatutambule mbuli bana bakwe alimwi akupulusha mibili yesu.

1 Bene Kolinto 4:5

Aboobo mutoomboloshi muntu nabi womwi kushikila Jesu Klistu akese mukoombolosha. Lakwe aakwisa ulaakuyubulula shabushishi bwa mumunshinshe alimwi ulaakubika patuba miyeeyo ya mumyoyo ya bantu. Lyalo Lesa ulaakulumbaisha muntu woonse kweelana ambwaaelete.

2 Bene Kolinto 12:13

Sa kuliiwo cintu cimwi ncendakacita kushoonde shimwi ico ncitakwe kucita kuli ndimwe, kulekabo cakwaamba ayi nshikwe kumupensha pashintu nshendakalinga kuyanda? Nobamakwesu amundekelele na nkokulubya uko.

Bene Galatiya 5:5

Sombi kwiinda muMushimu Usalashi usebensa mulushomo lwesu, swebo tutoolangila kwaamba ayi Lesa ulaakutululamika.

Bene Filipi 3:20

Swebo ncakwiila kumisheesu kwiine kwiine nkwiculu alimwi tulalangila Mupulushi wesu Mwaami Jesu Klistu kuswa nkomunya uko.

Bene Kolose 3:4

Klistu mbobuumi bwanu, ono na akaboneke, amwebo mulaakuboneka pantu pomwi anguwe mubulemu bwakwe.

1 Bene Tesalonika 1:10

Peculu lya waawo mutoolindilila Mwanaakwe kuswa kwiculu wiitwa ayi Jesu, uyo Lesa ngwaakabusha kuswa kubafu. Jesu uyo ngootufuna kuswa kubukali bwakwe Lesa.

2 Bene Tesalonika 1:7

alimwi ulaakulengesha mapensho anu amapensho esu kumana. Lesa ulaakucita boobo na Mwaami Jesu akaboneke kaaswa kwiculu abaanjelo bakwe bacite nkusu shiinji.

2 Timoti 4:8

Bulya mushini wa bululami utoonindilila uyo Mwaami Lesa, moomboloshi ululeme, ngweshi akampe pabushiku ubo. Nakubi boobo teshi ukapekwebo ndime, sombi abaabo boonse balindila kwisa kwakwe mulusuno.

Taitasi 2:13

Bulya nditutoolindila bushiku bwa coolwe, ubo bulemu bwakwe Lesa munene alimwi aMupulushi wesu Jesu Klistu, ndyeshi bukaboneke.

Bene Ebulu 9:28

Mbweeke ubo alakwe Klistu wakabengwa ayi acaikwe linkanda lyomwibo ndondoli kwaamba ayi shibiibi sha bantu baanji shilekelelwe. Ulaakuboneka lwabili, ono teshi akeshiite kulekelela shibiibi sha bantu, sombi ulaakwisa mukupulusha baabo batoomulindila.

1 Pita 1:13

Aboobo amulibambile mumiyeeyo yanu alimwi mulicaate mushoonse. Kulangila kwanu koonse akubebo paluse ndweshi mukatambule pabushiku Jesu Klistu ndyeshi akayubululwe.

1 Pita 4:13

Sombi amusangalale mukwiinga mutoopenga bweenka mbuli Klistu kwaamba ayi bwaakuboneka bulemu bwakwe, mukasangalale abuumbi.

1 Pita 5:4

Ono na Mweembeshi Munene akese, mulaakutambula mushini wa bulemu uyo weshi ukabule kumana.

2 Pita 3:12

Mutoolindilila Bushiku bwa Mwaami Lesa alimwi musebense cankusu kwaamba ayi bufwambaane kwisa. PaBushiku ubu, liculu lilaakupya akunyonyoolwa, ashalo sha kwiculu shilaakusunguluka kucikasaashi ca mulilo.

1 Joni 3:2

Nobeensuma, bulya tuli bana bakwe Lesa, sombi tacishibikitwe kabotu mbweshi tukabe. Sombi tulishi kwaamba ayi na Klistu akaboneke, tulaakuba bweenka mbuli nguwe mukwiinga tulaakumubona bweenka mbwaabete.

Judi 1:21

Amwikale mulusuno lwakwe Lesa pakunoolindilila buumi butamaani Mwaami wesu Jesu Klistu mbweshi akatupe munkumbu shakwe.