1 Bene Kolinto 1:5 - Baibo Busansulushi Bwa Libuku Ili

⁵ Ceebo cakuba muli Klistu, Lesa wamupa bubile boonse bwa muMushimu mukwiinga mulishi Makani akwe Lesa alimwi mulakonsha kwaashimika.

1 Bene Kolinto 1:5 Marejeleo ya Msalaba

Milimo ya Batumwi 2:4

Mpeeke boonse bakesushikwa Mushimu Usalashi akutalika kwaamba mishobo imwi, kweelana ambowakabatanjilila Mushimu uyo.

Bene Loma 11:12

Ceebo cakubisha kwa baJuda, bantu bamucishi ca panshi bakatambula shoolwe. Ceebo cakwaalilwa kwa baJuda, baswamashi bakunsengwe bakatambula shoolwe. Ino cilaakweela kuli na baJuda boonse bakasalwa, bakasenkane abashomi?

Bene Loma 15:14

Nobene Klistuma nebo ndishinishite kwaamba ayi mulicite buumi bubotu alimwi mulishi shoonse nshemweelete kucita akulwiitana nobeene.

Bene Loma 15:4

Mukwiinga shoonse shili muMalembo akwe Lesa, shilatwiisha ayi tunoolangila kwiinda mukukalika myoyo alimwi akuyuminishikwa kuswa muMalembo.

1 Bene Kolinto 12:10

Mushimu ulapa umwi nkusu shakucita shaankamiko, umwi ulamupa nkusu shakwaamba maswi akwe Lesa. Umwi ulamupa nkusu shakwishiba bupusano bwa shipo shiswa kuMushimu Usalashi ashimwibo. Umwi ulamupa nkusu shakwaamba milaka yeensu, sombi umwi ulamupa nkusu shakupandulula milaka iyo.

1 Bene Kolinto 12:8

Mushimu Usalashi ulapa muntu umwi cipo cakwaamba cabusongo, sombi Mushimu weenka uyo ulapa muntu umwi cipo cakupanda maano bamwi.

1 Bene Kolinto 13:2

Na kaancite cipo cakwaamba maswi akwe Lesa, akwishiba lushinisho lushisitwe akuba alushibo lwa shintu shoonse alimwi na kaancite lushomo lukonsha kutuntulusha kalundu, sombi kaantacite lusuno, ingayi taaku mboombete.

1 Bene Kolinto 13:8

Lusuno ndwamuyayaya, sombi cipo cakwaamba maswi akwe Lesa cilaakweela, kwaamba milaka yeensu kulaakumana alwalo lushibo lulaakuloba.

1 Bene Kolinto 14:26

Ncentokwaamba nobamakwesu nceeci. Ndimubungana ayi mulambile, womwi inga kaacite lwiimbo, umwi cakwiisha, umwi kaacite maswi akamuyubulwita Lesa, umwi maswi mumilaka yeensu aumwi kaacite busansulushi bwa milaka yeensu iyo. Ono shoonse shilyeelete kusebenseshekwa kwaamba ayi shicafwe coonde kukula mulushomo.

1 Bene Kolinto 8:11

Paceebo ceeco uyo ucite lushomo luniini, mukwabesu uyo Klistu ngwaakafwita, ulaakunyonyooka ceebo ca lushibo lwako!

2 Bene Kolinto 4:6

Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.

2 Bene Kolinto 6:10

Tulaboneka anga tulyuungumene, sombi tulakondwa lyoonse. Tulaboneka anga mbakandu, sombi tulalengesha bantu baanji kubila. Tulaboneka anga taaku ncetucite, sombi shintu shoonse shili mumaanseesu.

2 Bene Kolinto 8:7

Mbuli mbomwiindawo bamwi mushintu shoonse, mulushomo, mukushimikila, mulushibo, mukuyandishisha kucafwa alimwi amulusuno ndomucite pali ndiswe, ndisuni kwaamba ayi mwiindeewo bamwi amukucita mulimo uyu wa luse.

2 Bene Kolinto 9:11

Ulaakumubilisha cakwaamba ayi lyoonse mwebo nkunoocitabo milimo ya luse. Aboobo bantu baanji balaakulumba Lesa ceebo ca shipo nshetutoobatolela.

Bene Efeso 1:17

Ndaseenga Lesa uyo Jesu Klistu Mwaami wesu ngwaakalinga kulambila, Ishiwesu shibulemu, ayi amupe Mushimu uyo weshi ukamupe busongo akumuyubulwita Lesa ayi mukamwishibe.

Bene Efeso 2:7

Wakacita boobo kwaamba ayi amushiindi shitoosa shoonse akanooboneshabo luse lwakwe lutana kubonekaawo, ulo ndwaakabonesha kuli ndiswe kwiinda muli Klistu Jesu.

Bene Efeso 3:8

Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.

Bene Efeso 6:19

Anebo kamumpaililaako kwaamba ayi andwiite maswi ngoonjelete kwaamba pakushimikila, ayi nshibishe bantu isho shakalinga kushisitwe paMakani Abotu cakutaloonda.

Bene Filipi 1:9

Ndapaila ayi mukomene mulusuno, lushibo lwancinencine alimwi akunyumfwishisha kwanu kwa shintu shoonse,

Bene Kolose 2:3

Muli nguwe momushisitwe bubile boonse bwa busongo alimwi alushibo.

Bene Kolose 3:10

akwinjila mubuumi bupya. Buumi ubu Mulengi wanu utoobubotesha lyoonse mucikoshanyo cakwe kwaamba ayi mumwishibe kabotu.

Jemusi 3:13

Ino ngani musongo ucite lushibo pakati kanu? Aatondeshe kwaamba ayi uli boobo mubwikaalo bwakwe bubotu amumicito iyo iswa mukuliceesha.

2 Pita 3:18

Sombi mwebo amutolelele kukula muluse alimwi alushibo lwa Mwaami Jesu Klistu, Mupulushi wesu. Bulemu bube kuli nguwe bulya alimwi amuyayaya! Ameni.