1 Baami 9:9 - Baibo Busansulushi Bwa Libuku Ili

⁹ Bantu balaakunookumbula ayi, ‘Mukwiinga bakafutatila Mwaami Lesa, Lesa wabo uyo wakakusha bamashali babo bakulukulu kuswa muIjipiti. Bakatalika kulemeka balesa bamwi akubalambila. Nceceeco Mwaami Lesa ncaalengeshela ayi kunyonyooka uku kucitike pali mbabo.’ ”

1 Baami 9:9 Marejeleo ya Msalaba

1 Baami 18:18

Lyalo Elija wakakumbula ayi, “Nshiciti shifulunganya nebo, mwebo ndimwe abamuŋanda ya baishiwanu. Mutookaka kunyumfwila milasho ya Mwaami Lesa akunoolambila shibumbwabumbwa shakwe Baali.

2 Baami 22:17

Bakankaka alimwi bakalinga kubenga milambu kubalesa bamwi, ono bulya basonkomona bukali bwangu ceebo ca shintu nshebakacita. Bukali bwangu pandabala ya Jelusalemu mbunene abuumbi alimwi teshi bukamaane.

2 Makani 29:8

Mpeeke bukali bwa Mwaami Lesa bwakaselukila bene Juda abene Jelusalemu. Isho nshaakacita pali mbabo shakakankamika akuyoosha bantu boonse. Cikani ici mwebo mulicishi kabotu.

2 Makani 7:22

Bantu balaakunookumbula ayi, ‘Mukwiinga bakafutatila Mwaami Lesa, Lesa wabo uyo wakakusha bamashali babo bakulukulu kuswa muIjipiti. Bakatalika kulemeka balesa bamwi akubalambila. Nceceeco Mwaami Lesa ncaalengeshela ayi kunyonyooka uku kucitike pali mbabo.’ ”

Jelemiya 2:19

Bubi bwanu nobeene butoomupa mulandu. Kumfutatila kwanu kutoomuletela bukali bwangu. Lyalo mulaakwishiba mbocibica alimwi mbocilubite kusuula ndime nebo neMwaami Lesa, Lesa wanu akucileka kushomeka kuli ndime. Nebo neMwaami Lesa, Lesa Shinkusu shoonse ndaamba.”

Jelemiya 22:8

“Lyalo bantu ba mumishobo imwi beshibakanokwiindaamo balaakunokwiipushanya ayi, ‘Ceebonshi Mwaami Lesa wakacita cintu ca mushobo uyu kundabala inene iyi?’

Jelemiya 44:23

Ceebo mwakatenta tununkila kabotu kubalesa bamwi akubishisha Mwaami Lesa, kutamunyumfwila nabi kukonkela milawo amilasho yakwe, nceceeco mapensho aya nceesita pali ndimwe kweelana ambomubwene bulya.”

Jelemiya 5:19

Ono na bantu bakeepushe ayi, ‘Ceebonshi Mwaami Lesa, Lesa wesu ncaacitila bobulya kuli ndiswe?’ Ukabalwiite ayi, ‘Bweenka mbomwakansuula akusebensela balesa beensu mucishi canu, mbweeke ubo mbweshi mukasebensele beensu mucishi citeshi canu.’ ”

Jelemiya 50:7

Ncakwiila uyo woonse wakabacana wakabanyonyoola. Balwani babo bakalinga kwaamba ayi, ‘Swebo tatucitewo mulandu ceebo bakabishisha Mwaami Lesa uyo wakalinga kubalama, ee, Mwaami Lesa uyo bamashali babo bakulukulu, ngobakalinga kucinkitemo manungo.’

Malilo 2:15

Bantu boonse beenda kufwaafwi andiwe balakukankamuka. Balakuseka akupukumuna mitwi yabo akwaamba ayi, “Sa iyi njendabala inene ilya yakalinga kwiindaawo kubota? Sa njendabala iyo yakalinga kusangalasha cishi coonse?”

Dutolonomi 29:23

Cishi canu coonse cilaakubabo luyanga, cilaakunoolibo ncikula. Taaku ceshi cikanoomenaawo nabi bwiisu boonse. Cilaakuba anga ngamandabala anene aSodoma aGomola, Adima alimwi aSeboyimu, ayo ngaakanyonyoola Mwaami Lesa ndyaakakalala abuumbi.