1 Baami 9:8 - Baibo Busansulushi Bwa Libuku Ili

⁸ Iyi Ŋanda yangu ilaakuba litongo alimwi muntu woonse weshi akeendileeko ulaakukankamana abuumbi cakufwa aboowa akwiipusha ayi, ‘Ceebonshi Mwaami Lesa wakacita bobulya cishi ici aŊanda yakwe iyi?’

1 Baami 9:8 Marejeleo ya Msalaba

2 Baami 22:17

Bakankaka alimwi bakalinga kubenga milambu kubalesa bamwi, ono bulya basonkomona bukali bwangu ceebo ca shintu nshebakacita. Bukali bwangu pandabala ya Jelusalemu mbunene abuumbi alimwi teshi bukamaane.

2 Baami 25:9

Mpeeke wakatenta Ŋanda yakwe Lesa, ŋanda ya bwaami alimwi amaanda oonse a bacinenenene muJelusalemu.

2 Makani 29:8

Mpeeke bukali bwa Mwaami Lesa bwakaselukila bene Juda abene Jelusalemu. Isho nshaakacita pali mbabo shakakankamika akuyoosha bantu boonse. Cikani ici mwebo mulicishi kabotu.

2 Makani 36:19

Wakatenta Ŋanda yakwe Lesa akupwaya lubumbu lwa Jelusalemu. Wakatenta amaanda abwaami oonse akunyonyoola shintu shoonse shamakwebo.

2 Makani 7:21

“Bulya Ŋanda yakwe Lesa ilalemekwa abuumbi, sombi bantu boonse beshi bakanokwiinda pafwaafwi anjiyo balaakunookankamana akwiipusha ayi, ‘Ceebonshi Mwaami Lesa wakacita bobulya cishi ici aŊanda yakwe iyi?’

Isaya 64:11

Ŋanda yanu isalalite alimwi yabulemu umo bamashali besu mobakalinga kumulumbaishila, yapya kumulilo. Misena yoonse njetwakalinga kusuni yanyonyoolwa.

Jelemiya 16:10

“Bantu aba waakubaambila maswi aya oonse, abalo baakukwiipusha ayi, ‘Ino ceebonshi Mwaami Lesa waamba ayi swebo tupolelwe mapensho a mushobo wooyu? Ino swebo twakabishanshi? Anu ncibiibinshi ncetwakacitila Mwaami Lesa, Lesa wesu?’

Jelemiya 18:16

Cishi cabo cilaakunyonyoolwa. Cilaakuba cintu ceshi cikanoosekwa kwalyoonse alyoonse. Boonse beshi bakanokwiindila nkuko, balaakunookankamana alimwi akunoopukumunabo mitwi.

Jelemiya 19:8

Lyalo ndabala iyi ndakwiinyonweetabo limwi akwiilensha nsoni. Lyalo boonse abo beshi bakanokwiinda pafwaafwi balaakunookankamana akucobola ceebo ca mapensho oonse a njiyo.

Jelemiya 22:28

Nebo ndaamba ayi, “Sa muntu uyu Jeoiyakini waba nongo ipwaikite ee, cintu bantu ncebatasuni? Sa nceceeco lakwe abana bakwe nceshi bakawaalilwe mucishi ico ncebateshi?”

Jelemiya 25:9

ndaakwiita bantu ba kumatwa amusebenshi wangu Nebukadinesa mwaami wa bene Babiloni. Ndaakubalengesha kulwana cishi ca Juda abantu boonse bekalaamo pantu pomwi amishobo yoonse ibashingulukite. Ndaakubanyonyoola cakumaninina akubalengesha kuba cintu ceelete kuloondwa, kushibulukwa alimwi akunyonyooka kwamuyayaya. Nebo neMwaami Lesa ndaamba.

Jelemiya 44:8

Ino ceebonshi mutoosonkomona bukali bwangu ceebo cakulambila shibumbwabumbwa akunootenta tununkila kabotu kubalesa bamwi ba muIjipiti umo momwakesa mukwikala? Mutoolinyonyweshabo nobeene akulilengesha kuba cintu ceelete kushinganwa akusekwa pakati ka mishobo yoonse ya mucishi ca panshi.

Jelemiya 49:17

“Cishi ca Edomu cilaakuba cintu ceelete kuloondwa. Boonse abo beshi bakanokwiindaamo balaakucatabo pamilomo akuseka ceebo cakunyonyoolwa uko kweshi kukacitike.

Jelemiya 5:19

Ono na bantu bakeepushe ayi, ‘Ceebonshi Mwaami Lesa, Lesa wesu ncaacitila bobulya kuli ndiswe?’ Ukabalwiite ayi, ‘Bweenka mbomwakansuula akusebensela balesa beensu mucishi canu, mbweeke ubo mbweshi mukasebensele beensu mucishi citeshi canu.’ ”

Jelemiya 50:13

Ceebo ca bukali bwangu nebo neMwaami Lesa, taaku weshi akekale mundabala ya Babiloni tubili. Sombi ndabala ilaakubeta limwi matongo. Boonse abo beshi bakanokwiindaamo balaakuloonda akuseka pamapensho oonse eshi akacitikeemo.

Jelemiya 52:13

Mpeeke wakatenta Ŋanda yakwe Lesa, ŋanda ya bwaami alimwi amaanda oonse a bacinenenene muJelusalemu.

Malilo 2:15

Bantu boonse beenda kufwaafwi andiwe balakukankamuka. Balakuseka akupukumuna mitwi yabo akwaamba ayi, “Sa iyi njendabala inene ilya yakalinga kwiindaawo kubota? Sa njendabala iyo yakalinga kusangalasha cishi coonse?”

Danyelo 9:12

Mwakacita nshemwakaamba ayi mulaakucita pali ndiswe abaleli besu mukutuletela mapensho ayoosha. Mwakapa ndabala inene ya Jelusalemu mulandu kwiinda ndabala inene imwi ili yoonse mucishi ca panshi.

Dutolonomi 28:37

Mumishobo yoonse umo Mwaami Lesa mweshi akamupalanganishishe, bantu balaakukankamana pakubona sheshi shikamucitikile. Balaakunoomuseka akumuweluluka.

Dutolonomi 29:23

Cishi canu coonse cilaakubabo luyanga, cilaakunoolibo ncikula. Taaku ceshi cikanoomenaawo nabi bwiisu boonse. Cilaakuba anga ngamandabala anene aSodoma aGomola, Adima alimwi aSeboyimu, ayo ngaakanyonyoola Mwaami Lesa ndyaakakalala abuumbi.