1 Baami 9:4 - Baibo Busansulushi Bwa Libuku Ili

⁴ Na ukanoonsebensela cakushomeka alimwi cakubula kampenda mubuumi bwako mbuli iso Defedi, alimwi na ukanookonkela milawo yangu akucita shoonse nshendakwaambila,

1 Baami 9:4 Marejeleo ya Msalaba

Matalikilo 17:1

Abulamu ndyaakaba amyaaka ili 99, Mwaami Lesa wakaboneka kuli nguwe akwaamba ayi, “Ndime Lesa Shinkusu shoonse. Nyumfwile alimwi kocita shiluleme lyoonse.

Matalikilo 20:5

Abulaamu mwiine wakandwiita ayi ngunankashi yakwe alakwe mwiine Saala wakasuminisha. Ici ndakacicita amiyeeyo iluleme alimwi taaku cibiibi ncendacita.”

2 Samwelo 22:22

Ncakwiila ndakonkela nshila sha Mwaami Lesa, nshikwe kubisha kwiinda mukufutatila Lesa wangu.

1 Baami 11:38

Na ukanoonyumfwila camoyo woonse akukonkela milawo yangu alimwi akunsangalasha mukucita kweelana amilasho yangu bweenka bwaakacita Defedi musebenshi wangu, ndaakuba awebo kwalyoonse. Ndaakukupa bwaami bwa bene Isilaeli akulengesha bamulunyungu lwako kupyana bwaami bwako bweenka mbondakacita pali Defedi.

1 Baami 11:4

Paciindi ndyaakacembela bakamulengesha kulambila balesa beensu. Taakalinga kulemeka Mwaami Lesa, Lesa wakwe mbuli bwakalinga kucita Defedi ishi.

1 Baami 11:6

Wakabisha kuli Lesa alimwi taakalinga kushomeka kuli nguwe cakumaninina mbuli bwakalinga Defedi ishi.

1 Baami 14:8

Ndakanyaya bamulunyungu lwakwe Defedi bwaami akupa ndiwe. Sombi webo tookwe kushomeka mbuli musebenshi wangu Defedi, uyo wakalinga kunyumfwila cakumaninina alimwi wakalinga kucita nshendaamba asheeshobo sheenka nshendamusuminisha.

1 Baami 15:5

Mwaami Lesa wakacita boobo mukwiinga Defedi wakacita shakamukonda alimwi taakwe kupwayaawo milawo yakwe, kulekabo cikani cakwe Uliya mwine Iti.

1 Baami 3:14

Ono na awebo unoonyumfwila akukonkela kwiisha kwangu amilawo bweenka bwakalinga kucita iso Defedi, ndaakukupa buumi bulaamfu.”

1 Baami 3:3

Solomoni wakalinga kumusuni Mwaami Lesa alimwi wakakonkela kwiisha kwa baishi baDefedi. Sombi alakwe wakalinga kubenga milambu akutenta tununkila kabotu pashipaililo shipusenepusene.

1 Baami 3:6

Solomoni wakakumbula ayi, “Lyoonse mwakalinga kutondesha lusuno kuli bata baDefedi basebenshi banu mukwiinga bakalinga babotu, bashomeka alimwi baluleme mubushicibusa bwabo amwebo. Mwatolelela kubatondesha lusuno lwanu lunene alimwi lutamaani kwiinda mukubapa mwaana uyo utoopyana bwaami bwabo sunu.

1 Baami 6:12

“Ono Ŋanda yangu iyi njootooyaka, na unookonkela milawo, milasho ansheŋamba, ndaakukucitila isho nshendakashomesha iso Defedi.

1 Baami 8:25

Ono bulya noBaami baLesa, baLesa ba bene Isilaeli, ndaseenga kwaamba ayi mucite acalo cimwi cilya ncemwakashomesha bata ndimwakabaambila ayi bamaami ba bene Isilaeli lyoonse bananooli bamulunyungu lwabo kulilabo na kabamunyumfwila cakukonkotanya mbweeke mbobakalinga kucita balo.

2 Baami 20:3

“NoBaami baLesa, amwiingashile kwaamba ayi ndakalinga kumusebensela cakushomeka alimwi camoyo woonse. Lyoonse ndakalinga kucita shintu nshemwakalinga kusuni ayi ncite.” Kuswawaawo wakalila abuumbi.

2 Makani 17:4

Wakasebensela Lesa wa baishi akukonkela milawo yakwe. Taakwe kukonkela bwakalinga kucita bene Isilaeli.

Kulumbaisha 101:2

Ndaakukonkela nshila shitacite kampenda. Ino mwebo mulaakwisa lili kuli ndime? Ndaakwikala muŋanda yangu kaantacite kampenda,

Kulumbaisha 128:1

Balicite coolwe abo banyumfwila Mwaami Lesa, ncakwiila abo beenda munshila yakwe.

Kulumbaisha 15:2

Ncakwiila ngooyo weenda cakubula kampenda, uyo ucita shintu shiluleme lyoonse akwaamba lushinisho luswa kumoyo wakwe.

Kulumbaisha 26:1

NoBaami baLesa, amutondeshe kululama kwangu mukwiinga ndacita shiluleme mubuumi bwangu, alimwi ndicinkite manungo muli ndimwe noBaami baLesa cakutatonsha.

Kulumbaisha 26:11

Sombi nebo mubuumi bwangu nshicite kampenda, amunangilishe cakunyumfwila nkumbu akumpulusha.

Kulumbaisha 78:72

Lyalo Defedi wakabeembela ca moyo womwi, akubatanjilila abweendeleshi bwakwe bwa busongo.

Tushimpi 10:9

Muntu ushomeka uleenda cakubula kulisukama, sombi uyo ucite nshila shipilingene, ulaakushibikwa.

Tushimpi 20:7

Muntu ululeme taacite kampenda mubuumi bwakwe, balicite coolwe bana bakwe bakonkela bwikaalo bwakwe.

Tushimpi 28:18

Uyo weendabo kwakubula kampenda ulaakupulushikwa, sombi uyo weenda munshila shipilingene ulaakuwita mucilindi cakuteengashila.

Esekelo 18:9

Muntu wa mushobo uyo ulakonkela milasho yangu akulama milawo yangu cakushomeka. Muntu uyo uliluleme, ndushinisho ulaakuba abuumi. Nebo neMwaami Lesa Shinkusu shoonse ndaamba.

Sekaliya 3:7

“Mwaami Lesa Shinkusu shoonse waamba ayi, ‘Na ukanokweenda munshila shangu akucita nsheensuni, ulaakunokweendelesha Ŋanda yangu amansa shangu. Lyalo ndaakukupa musena pakati ka baanjelo aba beemfwi waawa.

Luka 1:6

Boonse bobilo bakalinga bantu baluleme pameenso akwe Lesa, abo bakalinga kukonkela Milawo asheesho shoonse Lesa nshaakalinga kuyanda ayi bacite.

Dutolonomi 28:1

“Na munoonyumfwila Mwaami Lesa, Lesa wanu alimwi akunookonkela kabotu milawo yakwe yoonse iyo njentoomupa sunu, ulaakumusumpula kwiinda mishobo yoonse ya mucishi ca panshi.