1 Baami 8:9 - Baibo Busansulushi Bwa Libuku Ili

⁹ Mukati muLibokoshi lya Cipangano mwakalingabo mabwe obilo apampamene alya Mose ngaakabikaamo kuKalundu ka Sinayi, Lesa ndyaakapanga cipangano abene Isilaeli palya ndibakalinga kuswa kuIjipiti.

1 Baami 8:9 Marejeleo ya Msalaba

1 Baami 8:21

Ndakabamba amusena muŊanda yakwe Lesa wakubikaawo Libokoshi lya Cipangano ilyo licite mabwe a cipangano ico Lesa ncaakapanga abamashali besu bakulukulu ndyaakabakusha muIjipiti.”

2 Makani 5:10

Mukati muLibokoshi lya Cipangano mwakalingabo mabwe obilo apampamene alya Mose ngaakabikaamo kuKalundu ka Sinayi. Uko Mwaami Lesa wakapanga cipangano abene Isilaeli ndibakalinga kuswa kuIjipiti.

2 Makani 5:9

Kweela kwa shisamu shakunyamwisha kwakalinga kukonsha kuboneka kumuntu uli woonse weenga weemikana kunembo kwiine kwa Musena Usalalite Wiindaawo kuleka lubasu lumwi luli loonse. Ishi shisamu mposhili abobulya.

Kulonga 13:21

Ciindi ca malumwi, Mwaami Lesa wakalinga kubatanjilila kwiinda mulicincilo lya likumbi ayi babone kabotu nshila, ingayi ciindi ca mashiku wakalinga kubatanjilila kwiinda mulicincilo lya mulilo kwaamba ayi ubamunikile, ayi banokweenda malumwi alimwi amashiku.

Kulonga 14:24

Ingayi macuunsacuunsa, Mwaami Lesa wakalanga pabashilumamba bene Ijipiti kuswa mulicincilo lya mulilo alikumbi, abafulunganya.

Kulonga 16:10

Ono Aloni ndyaakalinga kwaamba, bene Isilaeli boonse bakacebukila muluyanga. Paciindi ceenka ico, bakabona bulemu bwa mwaami Lesa mulikumbi.

Kulonga 16:33

Mpomunyaawo Mose wakaambila Aloni ayi, “Bwesa kangomo, ubikemo mana akumana malita obilo akukabika pameenso a Mwaami Lesa kwaamba ayi tukaboneshe bamulunyungu lwesu.”

Kulonga 25:16

Kuswawaawo mukabike mulibokoshi mabwe obilo apampamene ayo ngweshi nkamupe. Pamabwe obilo ayo, mpopalembetwe milawo.

Kulonga 25:21

Lyalo ukabikemo mabwe apampamene ayo obilo akufwekawo cifwekesho peculu.

Kulonga 40:20

Kuswawaawo wakabwesa mabwe apampamene obilo akwaabika muLibokoshi lya Cipangano. Wakenjisha shisamu shakunyamwisha munkobeko sha Libokoshi lya Cipangano, akubika cifwekesho ca nkumbu pali ndilyo.

Esekelo 10:4

Lyalo mumuni utowa uyo utondesha bulemu bwa Mwaami Lesa wakanyamuka akuya mwiculu kuswa pabakelebu kumwinjililo wa Ŋanda yakwe Lesa. Likumbi lyakesusha Ŋanda iyi. Alwalo lubansa lwa njiyo loonse lwakesulabo mumuni wa bulemu ubo.

Bene Lefi 16:2

Wakaamba ayi, “Lwiita mukwanu Aloni ayi teelete kwiinjila muMusena Usalalite Wiindaawo uli kwisule lya cisani cakushitilisha kulilabo na wayanda, mukwiinga umo moombonekela mulikumbi peculu lya cifwekesho ca Libokoshi lya Cipangano. Na akabule kunyumfwila, ulaakufwa.

Shakubelenga 17:10

Kuswawaawo Mwaami Lesa wakaambila Mose ayi, “Boosha nkoli yakwe Aloni kunembo lya Libokoshi lya Cipangano. Ilyeelete kubikwa ayi njakucenjesha bene Isilaeli abo beshikubukila bamatanjilili ayi balaakufwa na kutongooka kwabo kubule kumana.”

Shakubelenga 9:15

Ono pabushiku Tente ya Cipangano ndiyakayakwa, likumbi lyakesa akwiifwekelesha. Kuswa macolesha kushikila amacuunsa, likumbi lyakalinga peculu lya Tente lyakalinga kuboneka anga ngumulilo.

Dutolonomi 31:26

“Amubwese Libuku lya Milawo ili akulibika lubamba aLibokoshi lya Cipangano ca Mwaami Lesa, Lesa wanu. Uko, lilaakunooli bukamboni bwakushinina bantu bakwe boonse.

Dutolonomi 4:13

Wakamulwiita ncemweelete kucita mukulama cipangano ncaakapanga amwebo. Mulyeelete kukonkela Milawo ili Likumi iyo njaakalemba pamabwe obilo apampamene.

Bene Ebulu 9:4

Mucipinda ici, mwakalinga cipaililo ca golodi apo pakalinga kutentelwa tununkila kabotu alimwi aLibokoshi lya Cipangano ilyo lyakalinga lya mukuba peculu. MuLibokoshi ili mwakalinga mungomo wa golodi umo mwakalinga mana, inkoli yakwe Aloni iyo yakalinga yasonsa matewu alimwi amabwe obilo apampamene apo pakalinga kulembetwe Milawo.

Ciyubululo 15:8

Lyalo Ŋanda yakwe Lesa yakesula bwiishi buswa kubulemu bwakwe Lesa alimwi ankusu shakwe. Taaku nabi womwi wakakonsha kwinjila muŊanda yakwe Lesa kushikila ndiyakamana myaalu ili yosanwe ayobilo yakaleta baanjelo bosanwe abobilo abo.