1 Baami 8:6 - Baibo Busansulushi Bwa Libuku Ili

⁶ Lyalo bapailishi bakanyamuna Libokoshi lya Cipangano akulitola muŊanda yakwe Lesa akulibika muMusena Usalalite Wiindaawo muunshi lya mapapaminwa a bakelebu.

1 Baami 8:6 Marejeleo ya Msalaba

2 Samwelo 6:17

Mpeeke bakashisha Libokoshi lya Cipangano akulibika mumusena wa ndilyo mutente yakayaka Defedi ayi likakaleemo. Lyalo Defedi wakabenga milambu yakutenta aya bwanabwankashi kunembo lya Mwaami Lesa.

2 Samwelo 6:2

Defedi wakanyamuka abashilumamba boonse mbwaakalingaabo akuya kuBaala muJuda ayi bakaleteeko Libokoshi lya Cipangano ca Mwaami Lesa. Libokoshi ilyo lyeenka ndyeliitwa liina lya Mwaami Lesa Shinkusu shoonse uyo ukala pakati ka shintu shicite mapapaminwa shiitwa ayi bakelebu peculu lya ndilyo.

1 Baami 6:16

Cipinda ca mukati mwiine ico cakalinga kwiitwa ayi Musena Usalalite Wiindaawo cakalinga kwisule lya Ŋanda yakwe Lesa. Mubulaamfu cakalinga kulaampa mamita ali 9 alimwi cakapansaanishikwa ashipulanga sha sida kuswa panshi kushika peculu.

1 Baami 6:19

Mumusena Usalalite Wiindaawo momwakabikwa Libokoshi lya Cipangano lya Mwaami Lesa.

1 Baami 6:27

Shintu ishi shakabikwa lubamba muMusena Usalalite Wiindaawo, cakwaamba ayi mapapaminwa a nshisho obilo kaakumyana pakati ka cipinda ico. Amwi kaakumya kulubumbu lwakalinga kulubasu kwakalingila comwi acomwi.

1 Baami 8:3

Bamatanjilili boonse ndibakabungana bapailishi bakanyamuna Libokoshi lya Cipangano

1 Baami 8:4

akulitola kuŊanda yakwe Lesa. Bene Lefi alimwi abapailishi abalo bakanyamuna Tente ya Cipangano ashitabatisho sha moomo shoonse akushitola muŊanda yakwe Lesa.

1 Baami 8:7

Mapapaminwa a bakelebu abo akafwekelela Libokoshi ili alimwi ashisamu nshebakalinga kulinyamushaako.

1 Makani 22:19

Ono bulya amusebensele Mwaami Lesa, Lesa wanu amyoyo yanu yoonse alimwi abuumi bwanu boonse. Amutalike kuyaka Ŋanda yakwe Lesa kwaamba ayi mukabikemo Libokoshi lya Cipangano ashimwi shintu shisalalite isho shakusebensesha pakumulambila.”

2 Makani 5:7

Lyalo bapailishi bakanyamuna Libokoshi lya Cipangano akulitola muŊanda yakwe Lesa akulibika muMusena Usalalite Wiindaawo muunshi lya mapapaminwa a bakelebu.

Kulumbaisha 80:1

Amutukutike noBeembeshi ba bene Isilaeli, nomutanjilila bene Isilaeli anga nimbelele. Ee, mwebo nomwikala pakati ka bakelebu,

Kulumbaisha 80:2

amuliyubulule kumukowa wakwe Efuleemu, Benjameni awakwe Manase. Amutuboneshe nkusu shanu, amwise kwaamba ayi mutupulushe.

Kulumbaisha 99:1

Mwaami Lesa ulalela, bamumishobo yoonse abatutume. Ulishiite pakati ka bakelebu, cishi ca panshi acitenkaane.

Kulonga 37:9

Shilyeelete kulangana pacifwekesho, cimwi kweela acimwi kweela, ono mapapaminwa a nshisho alyeelete kunoofungulukite peculu lya cifwekesho.

Isaya 37:16

“NoBaami baLesa beShinkusu shoonse, baLesa ba bene Isilaeli, ee, nomucite cuuna ca bwaami pakati ka bakelebu, mwebo nweenka ndimwe baLesa abo balela malelo oonse a pacishi ca panshi. Mwakalenga liculu acishi ca panshi.

Esekelo 10:5

Ono coongo ca mapapaminwa a bakelebu cakalinga kunyumfwika akulubansa lwa kunsengwe. Cakalinga kunyumfwika anga ndiswi lya Mwaami Lesa Shinkusu shoonse.

Esekelo 41:4

Lyalo wakapima cipinda ciine akucana ayi cakalinga kucite mamita ali 10 mumbasu shoonse. Mpeeke wakandwiita ayi, “Uyu nguMusena Usalalite Wiindaawo.”

1 Samwelo 4:4

Mpeeke bakatuma bantu kuShilo ayi bakalete Libokoshi lya Cipangano ca Mwaami Lesa Shinkusu shoonse, uyo ucite cuuna cakwe ca bwaami pakati ka shintu shicite mapapaminwa shiitwa ayi bakelebu. Ofini aFineyasi bakesa abalo pantu pomwi aLibokoshi lya Cipangano.