1 Baami 8:53 - Baibo Busansulushi Bwa Libuku Ili

⁵³ Mwakabasala pakati ka bantu bamwi boonse kwaamba ayi babe bantu banu, bweenka mbuli mbomwakabalwiita kwiinda muli Mose musebenshi wanu, ndimwakakusha bamashali besu bakulukulu kuswa mucishi ca Ijipiti.”

1 Baami 8:53 Marejeleo ya Msalaba

2 Samwelo 20:19

Ndabala yesu ino nindabala inene abuumbi, ndabala icite luumuno alimwi icite bantu banyumfwila bweendeleshi muno muIsilaeli. Ino nceebonshi mutooyanda kwiinyonyoola? Sa mutooyanda kunyonyoola buboni bwa Mwaami Lesa?”

Kulonga 33:16

Ino bantu bamwi inga beshiba buyani ayi mulikondetwe mubantu banu alimwi anebo na mukabule kuya aswebo? Mukwiinga na mukaye aswebo, bantu boonse mucishi ca panshi balaakwishiba ayi tulipusene ambabo.”

Jelemiya 10:16

Lesa wa bamulunyungu lwakwe Jakobo taaeleneewo ambabo ceebo lakwe ngowakalenga shintu shoonse. Wakasala bene Isilaeli ayi babe bantu bakwe. Mwaami Lesa Shinkusu shoonse ndyeliina lyakwe.

Shakubelenga 23:9

Ndababona kuswa peculu lya tulundu twa mabwe. Ndababona kuswa peculu lya tulundu tulaamfu. Ngumushobo wikalabo weenka, balishi ayi balicite coolwe kwiinda mishobo imwi yoonse.

Bene Efeso 1:18

Ndaseenga kwaamba ayi munyumfwe shalushinisho isho shiswa kuli nguwe, kwaamba ayi mwishibe sheesho nshaakamwiitila, akwishiba kubota kwa shoolwe shabulemu Lesa nshaakashomesha bantu bakwe.

Dutolonomi 14:2

Mwebo muli bantu ba Mwaami Lesa, Lesa wanu. Wakamusala ayi mube bantu bakwe mwiine kuswa pamishobo yoonse ya mucishi ca panshi.

Dutolonomi 32:9

Ceebo cipansha ca Mwaami Lesa mbantu bakwe, ncakwiila bamulunyungu lwakwe Jakobo ncipansha cakwe.

Dutolonomi 4:34

Sa kuliiwo lesa wakayeeyaawo kuya mukubwesa bantu kuswa pakati ka mushobo umwi akubaalula kuba bantu bakwe mbuli bwakamucita Mwaami Lesa, Lesa wanu muIjipiti? Mumeenso anu wakasebensesha nkusu shakwe shinene. Wakaletela bene Ijipiti myaalu ankoondo, wakacita shaankamiko ashitondesho sha nkusu sha kwiculu alimwi akulengesha shintu shiyoosha kucitika.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.