1 Baami 8:44 - Baibo Busansulushi Bwa Libuku Ili

⁴⁴ “Na mwaambila bantu banu kuya mukulwana balwani babo, na kuli koonse nkweenga kababete bapaila kuli ndimwe, kabalangite ndabala inene iyi njemwakasala, aŊanda yanu njendakamuyakila,

1 Baami 8:44 Marejeleo ya Msalaba

2 Samwelo 5:19

Mpeeke Defedi wakeepusha Mwaami Lesa ayi, “Sa bene Filisiti nje nkabalwaane? Sa mutoobaaba mumaansaangu ayi mbakoome?” Mwaami Lesa wakakumbula ayi, “Koya, mukwiinga bene Filisiti ndushinisho ntoobaaba mumaansaako ayi ubakoome.”

2 Samwelo 5:23

Ono Defedi wakeepusha Mwaami Lesa alimwi, alakwe wakakumbula ayi, “Ee, sombi mutabalulami. Mubeende kwisule akubashinguluka, lyalo mubalwaane kunembo lya shisamu sha balusamu.

1 Baami 8:16

‘Kuswa bushiku ndindakakusha bantu bangu muIjipiti, nshina kusalaawo ndabala imwi mucishi coonse ca Isilaeli umo mweenga mwayakilwa ŋanda yangu ayi munoonambililaamo. Sombi ndakasalabo ndiwe Defedi ayi ulele bantu bangu.’ ”

1 Baami 8:45

amukutike mipailo yabo. Amubakutike kwiculu uko akubalengesha kukoma.

2 Makani 18:31

Lyalo ndibakabona mwaami Jeoshafati, balo boonse bakayeeya ayi ngomwaami wa bene Isilaeli. Lyalo bakapiluluka akuyanda kumucaya. Sombi ndyaakoolobesha, Mwaami Lesa wakamufuna akubasoonosha kuli nguwe

2 Makani 20:5

Mpeeke mwaami Jeoshafati wakeemikana pakati ka bene Juda abene Jelusalemu kuŊanda yakwe Lesa kunembo lya lubansa lupya

2 Makani 32:20

Mpomunyaawo mwaami Esekiya amulaluki Isaya mwanaakwe Amosi bakapaila kuli Lesa akumulilila ayi abacaafwe.

2 Makani 6:34

“Na mwaambila bantu banu kuya mukulwana balwani babo, na kuli koonse nkweenga kababete bapaila kuli ndimwe, kabalangite ndabala inene iyi njemwakasala, aŊanda yanu njendakamuyakila,

Danyelo 6:10

Danyelo ndyaakanyumfwa ayi mwaami wapanga mulawo uyo, wakenjila mucipinda ca peculu ca ŋanda yakwe apo pakalinga mbwelyo yakalinga kulangite kundabala ya Jelusalemu. Wakalinga kufukama mankanda otatwe pabushiku akupaila mukulumba Lesa wakwe bweenka mbwaakalinga kucita kuswabo kalekale.

Boomboloshi 4:6

Bumwi bushiku Debola wakatuma nkombe kuli Balaki mwanaakwe Abinoamu uyo wakalinga kwikala kuKedeshi mucishi ca bene Nafutali. Mpeeke wakamulwiita ayi, “Mwaami Lesa, Lesa wa bene Isilaeli waamba ayi, ‘Koya kuKalundu ka Tabo abasankwa bali 10,000 kuswa kumukowa wakwe Nafutali awakwe Sebuluni.

Boomboloshi 6:14

Lyalo Mwaami Lesa wakamulwiita ayi, “Koya ankusu shako shoonse nshiwakapekwa ukafune bene Isilaeli kuswa mumaansa a bene Midyani. Sa te ndime ntookutuma?”

1 Samwelo 15:18

Wakakupa milasho akukutuma ayi, ‘Koya ukanyonyoole bene Amaleki bantu balya beshikubisha cakutabashiyaako. Ukabalwaane kushikila boonse ukabamane kubacaya.’

1 Samwelo 15:3

Ono koya ukalwane bene Amaleki akunyonyoola shintu shoonse nshebacite cakumaninina. Kutashiya nabi comwi, ukacaaye basankwa, banakashi, banike, abakateta boonse, pantu pomwi aŋombe, mbelele, ngamela alimwi ambongolo shoonse.”

1 Samwelo 30:8

Mpeeke Defedi wakeepusha Mwaami Lesa ayi, “Sa beshikusaala bacita bobulya mbakonkele? Sa ntoobeensha?” Mwaami Lesa wakakumbula ayi, “Ee, bakonkele, utoobeensha alimwi utoofuna bantu bako.”