1 Baami 8:43 - Baibo Busansulushi Bwa Libuku Ili

⁴³ amukutike mipailo yakwe. Amumukutike kwiculu uko nkomwikala akucita sheesho nshaasenga kwaamba ayi bantu ba mucishi ca panshi bamwishiibe akunoomunyumfwila bweenka mbuli bene Isilaeli mbobacita. Lyalo balaakwishiba ayi Ŋanda yanu iyi njendakayaka ngomusena uko mwebo nkomweelete kulambililwa.

1 Baami 8:43 Marejeleo ya Msalaba

1 Baami 18:36

Paciindi cakubenga mulambu wa macolesha, mulaluki Elija wakaya kucipaililo akupaila ayi, “NoBaami baLesa, baLesa bakwe Abulaamu, Isaki alimwi aJakobo, amulitondeshe ayi ndimwe baLesa ba bene Isilaeli alimwi ayi ndi musebenshi wanu. Amutondeshe alimwi ayi ndabamba shoonse ishi ceebo mwebo nobeene mwandwiita.

1 Baami 8:60

Paceebo ceeco mishobo yoonse ya mucishi ca panshi ilaakwishiba ayi Mwaami Lesa eenkabo ngoLesa, taaku aumwi.

2 Baami 19:19

Ono noBaami baLesa, baLesa besu, amutufuune kuswa kubene Asilya, kwaamba ayi mishobo yoonse ya mucishi ca panshi ikeshibe ayi mwebo noBaami baLesa ndimwebo baLesa.”

1 Makani 16:8

Amulumbe Mwaami Lesa, amumulambile mukwiita liina lyakwe. Amupukishe nshaakacita kumishobo yoonse.

2 Makani 6:33

amukutike mipailo yakwe. Amumukutike kwiculu uko nkomwikala akucita sheesho nshaasenga kwaamba ayi bantu bamucishi ca panshi bamwishiibe akunoomunyumfwila bweenka mbuli bene Isilaeli mbobacita. Lyalo balaakwishiba ayi Ŋanda yanu iyi njendakayaka ngomusena uko mwebo nkomweelete kulambililwa.

Kulumbaisha 102:15

Mishobo yoonse ilaakuloonda liina lya Mwaami Lesa. Bamaami boonse ba pacishi ca panshi balaakumulemeka.

Kulumbaisha 22:27

Bantu ba mumishobo yoonse balaakwiibaluka akusandukila kuMwaami Lesa. Ndushinisho bamumaanda a mishobo imwi yoonse balaakumulambila,

Kulumbaisha 33:14

Boonse bashiite pacishi ca panshi ulababona kuswa pacuuna cakwe ca bwaami.

Kulumbaisha 67:2

kwaamba ayi bamucishi ca panshi coonse beshibe kuyanda kwanu, ee, kwaamba ayi mishobo yoonse ishibe lupulusho lwanu.

Kulumbaisha 86:9

NoBaami baLesa, mishobo yoonse njemwakalenga ilaakwisa mukumufukamina, alimwi balaakulumbaisha bulemu bwa liina lyanu.

Isaya 11:9

Ncakwiila paSiyoni kalundu kasalalite ka Mwaami Lesa, teshi pakabeewo cintu cikali alimwi teshi pakabeewo bubi. Mucishi ca panshi coonse bantu balaakunooswitebo lushibo lwa Mwaami Lesa, bweenka lweenge mboluswite maanshi.

Jelemiya 25:29

Amubone ntooyanda kutalika kuleta mapensho pandabala iyo iitwa liina lyangu. Sa ncakwiila mutooyeeya ayi nkamulekebo kutamupa mulandu? Sobwe, teshi nkamulangebo kwakutamupa mulandu ceebo ndaakuleta nkondo pali boonse abo bekala mucishi ca panshi. Nebo neMwaami Lesa Shinkusu shoonse ndaamba.’

Dutolonomi 26:15

Ono amulange panshi kuswa kwiculu kusalalite uko kuli cuuna canu akupa bantu banu bene Isilaeli coolwe. Cishi acalo ico ncemwakashomesha kubamashali besu bakulukulu ayi mulaakutupa, cishi muli bubile abulongo bubotu.’

Joshuwa 4:23

Mukanoobasansulwita ayi Mwaami Lesa, Lesa wanu wakayumya Mulonga wa Joodani kunembo lyanu kushikila mwasubuka. Wakacita bweenka mbwaakayumya Lweenge Lusalala ayi tusubuke.

Joshuwa 4:24

Wakacita boobo kwaamba ayi bantu boonse mucishi ca panshi bakabone nkusu shakwe mboshibete alimwi ayi mwebo mukanoolemeka Mwaami Lesa, Lesa wanu lyoonse.”

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”

1 Samwelo 17:46

Sunu Mwaami Lesa utookwaaba mumaansaangu ayi kuncaaye akukusutula mutwi. Mibili ya bene Filisiti sunu ntooipa bayuni abanyama bamuluundu. Lyalo bantu ba mucishi ca panshi coonse batooshiba ayi muli Lesa muIsilaeli.