1 Baami 8:15 - Baibo Busansulushi Bwa Libuku Ili

¹⁵ Wakaamba ayi, “Aalumbaishikwe Mwaami Lesa, Lesa wa bene Isilaeli! Wacita kweelana ambwaakashomesha bata baDefedi ndyaakaamba ayi,

1 Baami 8:15 Marejeleo ya Msalaba

2 Samwelo 6:18

Ndyaakamana kubenga milambu iyo, wakapa coolwe bantu boonse muliina lya Mwaami Lesa Shinkusu shoonse.

2 Samwelo 7:25

“Ono anu noBaami baLesa kushomesha kwanu uku, nkomwakashomesha pali ndime nemusebenshi wanu abamulunyungu lwangu, amukulaame kwanshiku shoonse shicisa. Amukacite kweelana ambomwakashomesha

2 Samwelo 7:5

“Uye ulwiite musebenshi wangu Defedi ayi, ‘Teshi ndiwe weelete kunjakila Ŋanda ayi nookalaamo.

1 Makani 16:36

Aalumbaishikwe Mwaami Lesa, Lesa wa bene Isilaeli. Amumulumbaishe lyoonse alyoonse. Lyalo bantu boonse bakaamba ayi, “Ameni,” akulemeka Mwaami Lesa.

1 Makani 17:12

Mwanaako uyo ngweshi akanjakile ŋanda alimwi ndaakulengesha cuuna cakwe ca bwaami ayi cikanooliikobo lyoonse alyoonse.

1 Makani 22:10

Mwaana uyo ngweshi akanjakile Ŋanda. Ulaakuba mwanaangu, anebo ndaakuba baishi alimwi ndaakulengesha cuuna cakwe ca bwaami ayi cikanooliikobo lyoonse alyoonse.’ ”

1 Makani 29:10

Mpomunyaawo mwaami Defedi wakalumbaisha Mwaami Lesa kunembo lya bantu boonse ayi, “NoBaami baLesa, baLesa ba mushali wesu mukulukulu Jakobo, amulumbaishikwe kwalyoonse alyoonse!

1 Makani 29:20

Kuswawaawo Defedi wakaambila bantu boonse ayi, “Amulumbaishe Mwaami Lesa, Lesa wanu!” Mpomunyaawo bantu boonse bakalumbaisha Mwaami Lesa, Lesa wa bamashali babo bakulukulu akufukama cakushisha shiwa panshi kunembo lya Mwaami Lesa alimwi amwaami wabo Defedi.

2 Makani 20:26

Pabushiku bwane bakabungana muCinyika ca Belaka akulumbaisha Mwaami Lesa pashintu shoonse nshaakacita. Nceceeco cinyika ico asunu nceciciitilwa ayi Belaka.

2 Makani 6:4

Wakaamba ayi, “Aalumbaishikwe Mwaami Lesa, Lesa wa bene Isilaeli! Wacita kweelana ambwaakashomesha bata baDefedi ndyaakaamba ayi,

Neyemiya 9:5

Bene Lefi nkokwaamba ayi Jeshuwa, Kadimyelo, Bani, Ashabineiya, Shelebiya, Odiya, Shebaniya alimwi aPetayiya bakaambila bantu ayi, “Amunyamuke mulumbaishe Mwaami Lesa, Lesa wanu. Amumulumbaishe kwalyoonse alyoonse. Bantu boonse abalumbaishe liina lyakwe lyabulemu, nakubi kwaamba ayi muntu taakoonshi kulilumbaisha cakulishishaawo.”

Kulumbaisha 115:18

Sombi swebo sotucili boomi ndiswe tulumbaisha Mwaami Lesa. Ndiswe tumulumbaisha cino ciindi kushikila muyayaya. Amulumbaishe Mwaami Lesa!

Kulumbaisha 138:2

Ndaakufukama kunembo lya Ŋanda yanu isalalite. Ndaakulumbaisha liina lyanu ceebo ca lusuno lwanu lutamaani akushomeka kwanu. Ee, mukwiinga mwasumpula liina lyanu amaswi anu kwiinda shintu shimwi shoonse.

Kulumbaisha 41:13

Aalumbaishikwe Mwaami Lesa, Lesa wa bene Isilaeli, aalumbaishikwe lyoonse alyoonse. Ameni alimwi ameni.

Isaya 1:20

Sombi na kamukaka akungalookila, inkondo ilaakumulobya. Nebo neMwaami Lesa ndaamba.”

Mateyo 24:35

Liculu alimwi acishi ca panshi shilaakumana, sombi maswi angu teshi akamaneewo, sobwe.

Luka 1:68

“Atulumbaishe Mwaami Lesa wa bene Isilaeli mukwiinga wesa mukufwakashisha bantu bakwe akubapulusha.

Luka 1:70

Kweelana ambwaakaamba kwiinda mubalaluki bakwe basalalite bakulukulu ayi

Luka 1:72

Wakaamba ayi ulaakunyumfwila nkumbu bamashali besu bakulukulu alimwi teshi akalubeeko cipangano cakwe cisalalite.

Bene Efeso 1:3

Atulumbe Lesa, baIshi Mwaami wesu Jesu Klistu! Mukwiinga kwiinda muli Klistu, wakatupa shoolwe sha mushimu shoonse shicanika mucishi ca kwiculu.

Joshuwa 21:45

Ono taaku nabi comwi pasheesho Mwaami Lesa nshaakashomesha bene Isilaeli shakaala, sombi shoonse shakacitika kweelana ambwaakashomesha.

1 Pita 1:3

Atulumbe Lesa Ishi Mwaami wesu Jesu Klistu! Ceebo ca nkumbu shakwe shiindaawo, wakatupa buumi bupya ayi tube akulangila kwiine kwiine kwiinda mukubusha Jesu Klistu kuswa kubafu.

1 Samwelo 25:32

Mpomunyaawo Defedi wakaambila Abigelo ayi, “Aalumbwe Mwaami Lesa, Lesa wa bene Isilaeli uyo walengesha ayi tubonane sunu.