1 Baami 8:11 - Baibo Busansulushi Bwa Libuku Ili

¹¹ Likumbi ilyo lyakalinga kubengeshima kumumuni wa bulemu bwa Mwaami Lesa. Aboobo bapailishi bakaalilwa kuboolela mukati kuya mukucita milimo yabo.

1 Baami 8:11 Marejeleo ya Msalaba

1 Baami 8:10

Bapailishi ndibakalinga kuswa muŊanda yakwe Lesa mwakesula likumbi cakuteengashila.

1 Baami 8:12

Lyalo Solomoni wakapaila ayi, “NoBaami baLesa, mwakaamba ayi munanooli mulikumbi lishiya.

2 Makani 5:14

Mpeeke bapailishi bakaalilwa kucita mulimo wabo mukwiinga muŊanda yakwe Lesa mwakesula likumbi lya bulemu bwa Mwaami Lesa.

Kulumbaisha 90:16

Amututondeshe milimo ikankamika sobasebenshi banu. Amusuminishe bamulunyungu lwesu kubona nkusu shanu sha bulemu.

Kulonga 29:43

Uko nkomunya, ndaakunookumana abene Isilaeli alimwi bulemu bwangu bulaakusalasha musena uyo.

Kulonga 40:34

Mpeeke likumbi lyakafwekelesha Tente ya Cipangano akwiisusha bulemu bwa Mwaami Lesa.

Kulonga 40:35

Paceebo ceeci Mose wakaalilwa kwinjila muTente ya Cipangano mukwiinga likumbi lyakaselukila peenka apo paTente akwiisusha abulemu bwa Mwaami Lesa.

Isaya 6:1

Mumwaaka wakafwitaamo mwaami Usiya, ndakabona Mwaami Lesa kaashite pacuuna cakwe ca bwaami ico cakalinga peculu akusumpulwa. Mungaanjo wakwe wakalinga ulaamfu cakwisula ŋanda yakwe yoonse.

Esekelo 10:4

Lyalo mumuni utowa uyo utondesha bulemu bwa Mwaami Lesa wakanyamuka akuya mwiculu kuswa pabakelebu kumwinjililo wa Ŋanda yakwe Lesa. Likumbi lyakesusha Ŋanda iyi. Alwalo lubansa lwa njiyo loonse lwakesulabo mumuni wa bulemu ubo.

Esekelo 43:2

uko nkondakabona mumuni utowa uyo utondesha bulemu bwakwe Lesa wa bene Isilaeli koosa kuswa kwicwe. Liswi lyakwe lyakalingabo anga nkupoota kwa maanshi atookunka. Cishi ca panshi cakabeka kumumuni utowa uyo wakalinga kwisa.

Esekelo 44:4

Kuswawaawo muntu uyo wakanyinsha kumwinjililo wa kumatwa kuya kunembo lya Ŋanda yakwe Lesa. Mpeeke ndakalangilisha akubona Ŋanda ya Mwaami Lesa yesula mumuni utowa utondesha bulemu bwa Mwaami Lesa. Aboobo ndakaliwaala panshi akushishaawo ciwa.

Bene Lefi 9:23

Mpomunyaawo Mose aAloni bakenjila muTente ya Cipangano. Ndibakaswaamo, bakapa coolwe bantu, mpeeke bulemu bwa Mwaami Lesa bwakabonekela kubantu boonse.

Bene Lefi 9:6

Lyalo Mose wakaamba ayi, “Mwaami Lesa walasha ayi mucite shoonse ishi kwaamba ayi bulemu bwakwe buboneke kuli ndimwe.”

Agayi 2:7

Ndaakutenkaanya mishobo yoonse abuboni bwa njiyo bulaakuletwa kuno. Lyalo ndaakususha Ŋanda yangu abulemu.

Joni 1:14

Mpeeke Liswi ili lyakaba muntu akwisa mukwikala pakati kesu, kaaswite luse alushinisho. Twakabona bulemu bwakwe ubo mbwaakatambula ceebo wakalinga Mwaana eenkabo wa baIshi.

Milimo ya Batumwi 7:55

Sombi Sitifini ndyaakesushikwa Mushimu Usalashi, wakalanga kwiculu akubona bulemu bwakwe Lesa alimwi aJesu kaaimfwi kululyo lwakwe Lesa.

Bene Loma 9:4

Aba mbene Isilaeli abo Lesa mbaakasala ayi babe bana bakwe akubabonesha bulemu bwakwe. Lesa wakapanganaabo shipangano alimwi akubapa Milawo. Wakabeeisha mbobeelete kumulambila akubalasha shintu nsheshi akabacitile.

2 Bene Kolinto 3:18

Swebo soonse sotucite shiwa shitafweketwe shisani, tuli anga nshilola shitondesha bulemu buswa kuMwaami. Tutoosandululwa kuba mbuli nguwe, kuswa mubulemu bumwi kuya mubuumbi bwiindaawo, kwiinda muMwaami uli nguMushimu.

2 Bene Kolinto 4:6

Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.

Ciyubululo 21:11

Yakalinga kubeka ceebo ca bulemu bwakwe Lesa. Ndabala inene iyi yakalinga kubekabo anga ndibwe lyamakwebo libeka abuumbi, ee, anga ndibwe lya maanshi.

Ciyubululo 21:23

Mundabala inene momunya umo tamuyandiki lisuba nabi mweenshi kwaamba ayi shimunikileemo ceebo bulemu bwakwe Lesa mbobumunikaamo alimwi Mwanaambelele njelampi ya mumo.