1 Baami 7:15 - Baibo Busansulushi Bwa Libuku Ili

¹⁵ Ulamu wakapanga macinko obilo a bulonse. Lyomwi lyakalinga kulaampa mamita ali 8 kuya mwiculu amamita ali 5.3 mweela citako. Macinko ayo wakaabika kunembo lya mwinjililo wa Ŋanda yakwe Lesa.

1 Baami 7:15 Marejeleo ya Msalaba

1 Baami 7:16

Kwiculu lya ngawo wakapangilaako shitwi shobilo sha bulonse. Comwi cakalinga kulaampa mamita ali 2.2 kuya mwiculu.

1 Baami 7:21

Ulamu wakabika macinko obilo ayo a bulonse kunembo lya mwinjililo wa Ŋanda yakwe Lesa. Ilyo lyakalinga kumalenge wakalitumba ayi Jakini, lyakalinga kumatwa wakalitumba ayi Bowasi.

2 Baami 25:13

Mpomunyaawo bene Babiloni bakapwayoola macinko a bulonse, shikoci shakalinga mukati muŊanda yakwe Lesa pantu pomwi acingomo ca bulonse akutola bulonse woonse kuBabiloni.

1 Makani 18:8

Wakabwesa abulonse uunji abuumbi kuswa muTeba amuKuni, mandabala anene akalinga kweendeleshekwa aAdadesa. Kunembo Solomoni wakasebensesha bulonse uyo kupanga cingomo, macinko alimwi ashisebensesho sha muŊanda yakwe Lesa.

Jelemiya 27:19

Nebo neMwaami Lesa Shinkusu shoonse ndakaamba pamacinko, cingomo ca bulonse, shikoci ashisebensesho shimwi isho shakacaala mundabala inene ino.

Jelemiya 52:13

Mpeeke wakatenta Ŋanda yakwe Lesa, ŋanda ya bwaami alimwi amaanda oonse a bacinenenene muJelusalemu.

Jelemiya 52:17

Mpomunyaawo bene Babiloni bakapwayoola macinko a bulonse, shikoci shakalinga mukati muŊanda yakwe Lesa pantu pomwi acingomo ca bulonse akutola bulonse woonse kuBabiloni.

Jelemiya 52:21

Licinko lyomwi alyomwi lyakalinga kulaampa mamita ali 8 amamita ali 5.4 kulishinguluka. Lyakalinga kucite bulyango pakati alimwi ceela ca ndilyo cakalinga kucite mutika wakalinga masentimita ali 7.5.

Esekelo 40:49

Kwakalinga matantilo akalinga kuya mucipinda cakwinjililaako ico cakalinga kucite mamita ali 10 mubufwaafwi, amamita ali 6 kuswa kunembo kuya kwisule. Kwakalinga licinko lyomwi lyomwi kumbasu shobilo shoonse sha matantilo.