1 Baami 6:7 - Baibo Busansulushi Bwa Libuku Ili

⁷ Mabwe ayo ngobakalinga kuyakisha taakalinga kubeselwa mpobakalinga kuyakila Ŋanda yakwe Lesa, sombi bakalinga kwaabesela kooko nkwaakalinga kuswa. Aboobo uko kwakalinga kuyakilwa Ŋanda yakwe Lesa tekwakalinga kubaawo coongo ca nsando, tweembe nabi cisebensesho cimwi, sobwe.

1 Baami 6:7 Marejeleo ya Msalaba

1 Baami 6:6

Cipinda comwi acomwi ca ŋanda ya panshi cakalinga mamita ali 2.2 mubufwaafwi. Cipinda ca peculu cabili cakalinga mamita ali 2.7 mubufwaafwi alimwi cipinda ca peculu catatu cakalinga mamita ali 3.1 mubufwaafwi. Lubumbu lwa Ŋanda yakwe Lesa lwakalinga luniini kwiinda lwacipinda ca panshi, nkokwaamba ayi lubumbu lwakalinga kushimpila mulubye kutabika mitanti pakuyaka.

1 Baami 6:8

Mulyango wa ŋanda ya panshi wakalinga kumalenge a Ŋanda yakwe Lesa. Kwakalinga citantilo cakuya kucipinda ca peculu cabili alimwi acatatu.

Kulonga 20:25

Na mukampangile cipaililo ca mabwe, mutakapangishi mabwe akubesa mukwiinga na mwasebensesha ceela cakubesesha mabwe, nkokwaamba ayi mwaamana ncito kuli ndime.

Tushimpi 24:27

Ulyeelete kutaanguna kumana milimo yako imwi yoonse, bunene bunene yakubamba myuunda yako, pesule ndyeenga wayaka ŋanda yako.

Isaya 42:2

Teshi akapikishe nabi koolobesha, nabi kuya bwaambilisha mumashila.

Milimo ya Batumwi 9:31

Muciindi ici, bashomi mushishi shoonse sha Judeya, Galili alimwi aSamaliya bakalinga muluumuno. Bashomi aba bakalinga kucatene pantu pomwi, bakafulilaako kwiinda mukuyuminishikwa aMushimu Usalashi alimwi bakalinga kulemeka Mwaami.

Bene Loma 9:23

Wakacita boobo kwaamba ayi ayubulule bulemu bwakwe bwancinencine kuli ndiswe, sotwakanyumfwilwa nkumbu akubambilwa limwi ayi tukatambuleko bulemu ubu.

2 Bene Kolinto 5:5

Lesa ngowakacibamba boobo alimwi wakatupa Mushimu Usalashi ayi ube anga ncecisumina mulandu kwaamba ayi tulaakutambula shoonse isho nshaakatubambila.

Bene Kolose 1:12

mulyeelete kunoolumba Lesa Ishiwesu uyo wakamulengesha ayi mube bantu beelete kutambula shipo isho nshaasungila bantu bakwe, muBweene bwakwe busalalite.

Jemusi 1:20

Ceebo bukali bwa muntu tabukoonshi kuleta shiluleme isho nshaasuni Lesa, sobwe.

1 Pita 2:5

Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.