1 Baami 6:5 - Baibo Busansulushi Bwa Libuku Ili

⁵ Kulubumbu lomwi alomwi nkolwakalingila pansengwe, nkokwaamba ayi kumbasu shobilo akumafutila aŊanda yakwe Lesa, kwakayakwa ŋanda ya maanda otatwe kuya mwiculu.

1 Baami 6:5 Marejeleo ya Msalaba

1 Baami 6:16

Cipinda ca mukati mwiine ico cakalinga kwiitwa ayi Musena Usalalite Wiindaawo cakalinga kwisule lya Ŋanda yakwe Lesa. Mubulaamfu cakalinga kulaampa mamita ali 9 alimwi cakapansaanishikwa ashipulanga sha sida kuswa panshi kushika peculu.

1 Baami 6:31

Shisasa shobilo shakapangwa amapulanga acisamu ca olifi akushibika pamulyango wa Musena Usalalite Wiindaawo. Shisamu shicata shisasa pamulyango uyo shakapangwa cakuba ansonga peculu, nkokwaamba ayi shakaba amakonko osanwe.

1 Baami 6:6

Cipinda comwi acomwi ca ŋanda ya panshi cakalinga mamita ali 2.2 mubufwaafwi. Cipinda ca peculu cabili cakalinga mamita ali 2.7 mubufwaafwi alimwi cipinda ca peculu catatu cakalinga mamita ali 3.1 mubufwaafwi. Lubumbu lwa Ŋanda yakwe Lesa lwakalinga luniini kwiinda lwacipinda ca panshi, nkokwaamba ayi lubumbu lwakalinga kushimpila mulubye kutabika mitanti pakuyaka.

1 Makani 23:28

Milimo ya bene Lefi yakalinga yakucafwa bamulunyungu lwakwe Aloni mukucita shiyandika muŊanda yakwe Lesa mbuli kulama mumansa sha Ŋanda yakwe Lesa, kubona maanda ashinguluka Ŋanda yakwe Lesa, kusalasha shintu shoonse shakwe Lesa akucita milimo imwi muŊanda yakwe Lesa.

1 Makani 28:11

Defedi wakapa Solomoni miyeeyo yoonse bwakuyaka shipinda shoonse sha muŊanda yakwe Lesa, nkokwaamba ayi shipinda shakusungilamo shintu, shipinda shimwi shoonse kubikaawo acipinda ca Musena Usalalite Wiindaawo umo mulekelelelwa shibiibi.

1 Makani 9:26

Bamatanjilili ba beshikulindilila bone abo bakalinga bene Lefi bakapekwa ncito yakulama shipinda sha buboni muŊanda yakwe Lesa.

2 Makani 31:11

Mpomunyaawo mwaami Esekiya wakalwiita bantu kwaamba ayi bayake maanda akusungilaamo shintu mulubansa lwa Ŋanda yakwe Lesa.

2 Makani 4:20

Wakapanga shakubikaawo sha golodi wiine wiine amalampi a nshisho ayi kaanyaka kunembo lya Musena Usalalite Wiindaawo kweelana ambocakaambwa.

2 Makani 5:7

Lyalo bapailishi bakanyamuna Libokoshi lya Cipangano akulitola muŊanda yakwe Lesa akulibika muMusena Usalalite Wiindaawo muunshi lya mapapaminwa a bakelebu.

2 Makani 5:9

Kweela kwa shisamu shakunyamwisha kwakalinga kukonsha kuboneka kumuntu uli woonse weenga weemikana kunembo kwiine kwa Musena Usalalite Wiindaawo kuleka lubasu lumwi luli loonse. Ishi shisamu mposhili abobulya.

Neyemiya 10:37

Tulaakunootola busu butaanshi, shipo sha shili anga ngamaila, shisepo shitaanshi sha kushisamu shesu shoonse, waini upya alimwi amafuta a maolifi kubapailishi ba muŊanda yakwe Lesa. Tulaakunooleta calikumi ca shishango shesu shoonse kubene Lefi, ceebo mbene Lefi beelete kubwesa shalikumi mumishi umo motusebensela.

Neyemiya 12:44

Lyalo paciindi ici basankwa bakasalwa kunokweendelesha maanda akusungilamo shipo, shisepo shitaanshi ashalikumi. Bantu aba bakaba amulimo wakuyobolola shipansha sha bapailishi asha bene Lefi kuswa mumandabala kweelana abwaamba Milawo. Bapailishi abene Lefi bakasangalasha bene Juda boonse

Kulumbaisha 28:2

Amukutike kupaila kwangu ndyeemulila ayi muncaafwe, ee, ndyeentondeka maansa kuMusena wanu Usalalite Wiindaawo,

Kulonga 25:22

Ono nebo ndaakunookumana awebo peculu mpomunya apo, alimwi pakati ka shintu shobilo isho pacifwekesho, mpweshi nkakupete milawo yangu yoonse ayi ukalwiite bene Isilaeli.

Lwiimbo lwakwe Solomoni 1:4

Ndoboshe cakufwambaana tunooya! Katiya ube mwaami wangu akuntola mucipinda cako. Tulaakunoosangalala akukondwa muli ndiwe. Tulaakulumbaisha lusuno lwako kwiinda waini. Anu nceceeco bamyooye ncebakusunini!

Jelemiya 35:2

“Koya kumukowa wa bene Lekabu ukabataambe ayi bakese kucipinda cimwi ca kulubasu lwa Ŋanda yangu. Lyalo ukabape waini ayi bakanwe.”

Jelemiya 35:4

Lyalo boonse ndakabaleta muŊanda ya Mwaami Lesa akubenjisha mucipinda ca bana bakwe Anani mwanaakwe Igidaliya muntu wakwe Lesa. Cipinda ici cakalinga kubambene acipinda ca bacinenenene. Cipinda ici cakalinga peculu lya cipinda cakwe Maseiya mwanaakwe Shalumu shikulindilila mulyango wa Ŋanda yakwe Lesa.

Esekelo 40:17

Mpeeke muntu uyo wakantola kulubansa lwa pansengwe. Uko ndakabona shipinda shili 30 shakalinga kuyakitwe muya lubumbu lwa pansengwe. Kunembo lya shipinda isho pakalinga musena wakayalwa mabwe panshi.

Esekelo 40:44

Kuswawaawo wakantola kulubansa lwa mukati uko nkondakabona shipinda shobilo. Cipinda comwi cakalinga kulangite kumalenge kacili lubamba amwinjililo wakumatwa, cimwi kacilangite kumatwa kacili lubamba amwinjililo wakumalenge.

Esekelo 41:4

Lyalo wakapima cipinda ciine akucana ayi cakalinga kucite mamita ali 10 mumbasu shoonse. Mpeeke wakandwiita ayi, “Uyu nguMusena Usalalite Wiindaawo.”

Bene Lefi 16:2

Wakaamba ayi, “Lwiita mukwanu Aloni ayi teelete kwiinjila muMusena Usalalite Wiindaawo uli kwisule lya cisani cakushitilisha kulilabo na wayanda, mukwiinga umo moombonekela mulikumbi peculu lya cifwekesho ca Libokoshi lya Cipangano. Na akabule kunyumfwila, ulaakufwa.

Shakubelenga 7:89

Ono Mose ndyaakenjila muTente ya Cipangano mukwaamba aMwaami Lesa, wakanyumfwa lakwe kaamwaambila kuswa pakati ka shintu shobilo shicite mapapaminwa shiitwa ayi bakelebu peculu lya cifwekesho ca nkumbu paLibokoshi lya Cipangano.