1 Baami 5:8 - Baibo Busansulushi Bwa Libuku Ili

⁸ Lyalo Ilamu wakatuma nkombe kuli Solomoni yakwaamba ayi, “Ndatambula maswi anu alimwi nebo ndilibambite kucita boonse mbomwasenga. Ndaakubamba shisamu sha sida alimwi ashisamu sha paini.

1 Baami 5:8 Marejeleo ya Msalaba

2 Makani 3:5

Kulubumbu lwa cipinda cinene bayalaako tupulanga twa sida akutunanika golodi wiine wiine. Bakatubotesha kwiinda mukutalaamo tupukupuku alimwi ancetani.

1 Baami 6:34

Kwakalinga ashisasa shobilo sha cisamu ca paini. Comwi acomwi cakalinga kufungwaamo lyomwi.

1 Baami 6:15

Mumbu shamukati shakafwekeleshekwa tupulanga twa shisamu sha sida kuswa panshi kushika akwiculu, apalo panshi pakabikwa mapulanga abotu apaini.

2 Samwelo 6:5

Defedi abene Isilaeli boonse bakalinga kusekelela cankusu shabo shoonse mukupa bulemu Mwaami Lesa. Bakalinga kwiimba, kulisha tulumbu tuniini atunene, misebe ipusenepusene alimwi atusenke twakulisha.

1 Baami 5:7

Ilamu wakakondwa abuumbi ndyaakatambula maswi akaswa kuli Solomoni akwaamba ayi, “Aalumbaishikwe Mwaami Lesa sunu ceebo cakupa Defedi mwaana musongo bobulya kwaamba ayi abe muleli wa mushobo unene uyu!”

1 Baami 5:9

Bantu bangu balaakukusha shisamu kuLebanoni kushileta kulweenge, akushaanga pantu pomwi mumilwimilwi kwaamba ayi shikanooya buseela pamaanshi pafwaafwi aloombe lwa lweenge kushika ampomusuni ayi shishikile. Bantu bangu apo balaakushaangulula, lyalo bantu banu bakashibweese. Ono mwebo lubasu lwanu ndisuni kwaamba ayi mukapebo shakulya shiyandika kubantu bangu.”

2 Makani 2:16

Mutulundu twa muLebanoni tulaakutimbula shisamu shoonse sha sida nshoosuni akushaanga pantu pomwi mumilwimilwi akushiseelesha mulweenge kushikila akuJopa. Kuswa kooko inga mwashibwesa akushitola kuJelusalemu.”