1 Baami 5:7 - Baibo Busansulushi Bwa Libuku Ili

⁷ Ilamu wakakondwa abuumbi ndyaakatambula maswi akaswa kuli Solomoni akwaamba ayi, “Aalumbaishikwe Mwaami Lesa sunu ceebo cakupa Defedi mwaana musongo bobulya kwaamba ayi abe muleli wa mushobo unene uyu!”

1 Baami 5:7 Marejeleo ya Msalaba

Matalikilo 33:5

Esau ndyaakacebooka akubona balutundu alimwi abaana wakeepusha ayi, “Mbaani bantu aba mbooli abo?” Jakobo wakakumbula ayi, “Nkambo, aba mbaana abo Lesa mbwaakampa ceebo ca luse lwakwe.”

1 Baami 1:48

akupaila ayi, ‘Atulumbaishe Mwaami Lesa, Lesa wa bene Isilaeli, uyo sunu walengesha wamulunyungu lwangu kuba shikupyana bwaami bwangu akulengesha ayi ici cicitike mumeenso angu kaancili muumi!’ ”

1 Baami 10:9

Aalumbaishikwe Mwaami Lesa, Lesa wanu! Wabonesha mbwaasangalete pali ndimwe kwiinda mukumubika pacuuna ca bwaami bwa bene Isilaeli. Mukwiinga lusuno lwakwe pabene Isilaeli teshi lukamaane, wamupa bwaami kwaamba ayi pakati kabo pabe koombolosha kwakutanyengelela alimwi abululami.”

1 Baami 3:9

Aboobo amumpe busongo bwakukonsha kulela bantu banu cabululami akwishiba cibotu acibiibi. Kwabula boobo inga ndakonsha buyani kulela mushobo wa bantu banu uyu unene bobulya?”

1 Baami 4:7

Solomoni wakasala beendeleshi likumi abobilo mushipansha sha cishi coonse ca Isilaeli. Aba mulimo wabo wakalinga ngwakuleta shakulya kumwaami abamuŋanda yakwe kuswa mushipansha shabo. Uli woonse wakalinga kuleta shakulya shikwana mweenshi womwi mumwaaka.

1 Baami 5:6

Ono amutume bantu banu kuLebanoni bakantimbwiteeko shisamu sha sida. Bantu bangu balaakunoosebensa abaanu, alimwi ndaakulipila bantu banu shoonse nsheshi muyeeye. Mbuli mbomwishi, bantu bangu tabacishi kutimbula shisamu mbuli bantu banu bene Sidoni.”

1 Baami 5:8

Lyalo Ilamu wakatuma nkombe kuli Solomoni yakwaamba ayi, “Ndatambula maswi anu alimwi nebo ndilibambite kucita boonse mbomwasenga. Ndaakubamba shisamu sha sida alimwi ashisamu sha paini.

Kulumbaisha 137:6

Mulaka aukalamatile kwiculu lya mulomo, na nkakuluube oJelusalemu, nabi na nkabule kukuyeeya ayi ndiwe wiindaawo kunsangalasha.

Tushimpi 10:1

Utu ntushimpi tumwi twakwe Solomoni. Mwaana musongo ulasangalasha baishi, sombi mwaana muluya ulalensha buumba banyina.

Tushimpi 13:1

Mwaana musongo ulanyumfwa kululikwa kuli baishi, sombi shikucelebula taasuniiwo kukalalilwa.

Tushimpi 15:20

Mwaana musongo ulasangalasha baishi, sombi muluya ulasebaanya banyina.

Tushimpi 23:24

Baishi muntu ululeme balasangalala abuumbi pali nguwe. Uyo ucite mwaana musongo ulakondwa ceebo ca nguwe.

Isaya 8:18

Ono bulya ndime abaana Mwaami Lesa mbwaakampa. Mwaami Lesa Shinkusu shoonse ucite cuuna ca bwaami paKalundu ka Siyoni, watutuma kwaamba ayi tube nkombe yakwe yuumi kubene Isilaeli.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”