1 Baami 5:4 - Baibo Busansulushi Bwa Libuku Ili

⁴ Sombi ono Mwaami Lesa, Lesa wangu wampa luumuno koonse kumanyinsa. Nshicite balwani alimwi taaku babwenekete ayi inga bandwana.

1 Baami 5:4 Marejeleo ya Msalaba

2 Samwelo 7:5

“Uye ulwiite musebenshi wangu Defedi ayi, ‘Teshi ndiwe weelete kunjakila Ŋanda ayi nookalaamo.

1 Baami 11:25

Lesoni wakalinga kupatene abene Isilaeli ciindi Solomoni kacili muumi kwiilika pamapensho akalinga kulengeshekwa aAdadi.

1 Baami 4:24

Solomoni wakalinga kulela cishi coonse cakalinga kumbo lya Mulonga wa Yufuletisi kuswa kuTifusa kuya mukushika akundabala inene ya Gasa. Bamaami boonse kumbo lya Yufuletisi bakalinga mumaansaakwe alimwi wakalinga kwikala muluumuno ashishi shakalinga kumushingulukite.

1 Baami 5:18

Mpomunyaawo bayaki bakwe Solomoni alimwi abakwe Ilamu abasankwa bamundabala inene ya Gebali bakabamba mabwe amapulanga akuyakisha Ŋanda yakwe Lesa.

2 Baami 18:8

Wakakoma bene Filisiti akunyonyoola mandabalaabo oonse, kuswa kumishi iniini kushikila kumandabala anene kubikaawo aGasa amisena ishingukulukite.

1 Makani 22:9

Sombi Mwaami Lesa wakanshomesha ayi, ‘Ulaakuba amwaana musankwa uyo weshi akanoolela muluumuno mukwiinga ndaakulengesha ayi akabule cakulisukama kuswa kubalwani bakwe beshi bakanoomushingulukite. Ulaakunookwiitwa ayi Solomoni mukwiinga mubwaami bwakwe, ndaakupa bene Isilaeli luumuno mukubula cakulisukama.

Esila 4:20

Mundabala iyo mwakalinga bamaami beshinkusu abo bakalinga kweendelesha mandabala oonse a kwitala lya Yufuletisi, alimwi akunoopekwa misonko ipusenepusene.

Kulumbaisha 72:7

Bululami bulaakukula kwabuumi bwakwe boonse, alwalo lusumpuko lulaakutolelela kushikila mweenshi ukacileeke kubala.

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Milimo ya Batumwi 9:31

Muciindi ici, bashomi mushishi shoonse sha Judeya, Galili alimwi aSamaliya bakalinga muluumuno. Bashomi aba bakalinga kucatene pantu pomwi, bakafulilaako kwiinda mukuyuminishikwa aMushimu Usalashi alimwi bakalinga kulemeka Mwaami.

Joshuwa 15:47

Nkokwaamba ayi Ashidodi alimwi aGasa pantu pomwi amishi ya ngawo, kuswa kuCinyika ca Ijipiti kuya mukweela muLweenge lwa Mediteleniyani.