1 Baami 4:26 - Baibo Busansulushi Bwa Libuku Ili

²⁶ Solomoni wakalinga kucite shipinda sha maaki atinta shikoci shili 4,000 pantu pomwi amaaki amwi ali 12,000.

1 Baami 4:26 Marejeleo ya Msalaba

2 Samwelo 8:4

Defedi wakacata busha bashilumamba balwanina mushikoci sha maaki bali 1,700, bapanshibo bali 20,000. Mpeeke Defedi wakatyoloola myeendo ya maaki oonse akushiyabo akwana shikoci shili mwaanda.

1 Baami 4:27

Beendeleshi bakwe bali likumi abobilo, womwi awomwi mumweenshi ngwaakapekwa wakalinga kutumya shakulya kumwaami Solomoni shalinga kuyandika kuli nguwe abaabo boonse mbwaakalinga kulyaabo.

1 Baami 9:19

Wakayakulula mandabala anene uko shakulya nkoshakalinga kusungwa alimwi akooko kwakalinga kusungwa maaki ashikoci shakwe. Kuswawaawo wakayaka shoonse shaakalinga kusuni muJelusalemu, muLebanoni akumwi koonse mucishi cakwe.

2 Makani 1:14

Solomoni wakalinga kucite shikoci sha nkondo shili 1,400 amaaki a nkondo ali 12,000. Shimwi pasheeshi wakalinga kushisungila mundabala inene ya Jelusalemu, shimwi wakalinga kushisungila mumandabala amwi.

2 Makani 9:25

Solomoni wakalinga kucite amaanda ali 4,000 a maaki alimwi ashikoci. Wakalinga kucite maaki a nkondo ali 12,000. Shimwi pasheeshi wakalinga kushisungila mundabala inene ya Jelusalemu, shimwi wakalinga kushisungila mumandabala amwi.

Kulumbaisha 20:7

Bamwi balicinkite manungo mushikoci sha maaki, abamwi mumaaki abo. Sombi swebo tulicinkite manungo muMwaami Lesa, Lesa wesu.

Dutolonomi 17:16

Mwaami uyo teelete kuba amaaki aanji a bashilumamba bakwe nabi kutuma bantu bakwe kuIjipiti ayi bakaletelewo amwi, mukwiinga Mwaami Lesa wakakasha bantu bakwe kuboola nkuko.