1 Baami 4:25 - Baibo Busansulushi Bwa Libuku Ili

²⁵ Bene Juda abene Isilaeli boonse kuswa kuDani kuya mukushika kuBiyasheba bakalinga kwikala muluumuno kwabuumi bwakwe boonsebo. Mukobo womwi awomwi wakalinga kucite minyansa yakwe ashisamu sha nkuyu.

1 Baami 4:25 Marejeleo ya Msalaba

2 Samwelo 17:11

Nebo muyeeyo wangu ngwakwaamba ayi mubunganyebo beene Isilaeli boonse kuswa kuDani tibili akuBiyasheba, kwaamba ayi bafule anga ngumuseese wa kuloombe lwa lweenge. Lyalo mwebo nobeene mubatanjilile kuya kunkondo.

2 Samwelo 24:15

Aboobo Mwaami Lesa wakatuma mwaalu pakati ka bene Isilaeli kuswa macuunsa ayo kushika ciindi cakalinga kweelete. Lyalo basankwa bali 70,000 bakafwa kuswa kuDani kuya mukushika akuBiyasheba.

2 Baami 18:31

Mutakutiki shitokwaamba Esekiya. Mwaami wa bene Asilya waamba ayi musweemo mundabala iyi akulyaaba mumaansaakwe. Lyalo mulaakusuminishikwa kunoolya minyansa kushisamu shanu, ankuuyu kushisamu shanu alimwi akunwa maanshi kuswa mumikalo yanu nobeene.

1 Makani 22:9

Sombi Mwaami Lesa wakanshomesha ayi, ‘Ulaakuba amwaana musankwa uyo weshi akanoolela muluumuno mukwiinga ndaakulengesha ayi akabule cakulisukama kuswa kubalwani bakwe beshi bakanoomushingulukite. Ulaakunookwiitwa ayi Solomoni mukwiinga mubwaami bwakwe, ndaakupa bene Isilaeli luumuno mukubula cakulisukama.

Isaya 36:16

Mutakutiki shitokwaamba Esekiya. Mwaami wa bene Asilya waamba ayi musweemo mundabala iyi akulyaaba mumaansaakwe. Lyalo mulaakusuminishikwa kunoolya minyansa kushisamu shanu, ankuuyu kushisamu shanu alimwi akunwa maanshi kuswa mumikalo yanu nobeene.

Isaya 60:18

Mucishi cako teshi mukanyumfwikewo tubili shankondo abucayi. Cishi cako teshi cikanyonyoolwewo tubili. Ndaakunookufunabo anga ndilinga liyumu, paceebo ceeco ulaakunumbaisha ceebo ndakupulusha.

Esekelo 38:11

Ulaakwaamba ayi, ‘Ndaakubukila cishi cicite mandabala atacite malinga. Ndaakulwana bantu bashiite muluumuno kwakubula cakulisukama. Nkokwaamba ayi boonse abo bekala kutaaku malinga, minjililo nabi mpingilo.

Esekelo 39:26

Lyalo baakwikala kwakubula cakulisukama mucishi cabo alimwi kwakubula muntu nabi womwi wakubaloondesha, balaakuluba nsoni shabo nshebacite ceebo cakutashomeka kwabo kuli ndime.

Mika 4:4

Muntu womwi awomwi ulaakunookala muluumuno pakati ka minyansa yakwe ashisamu shakwe sha nkuyu. Ncakwiila taaku eshi akamuloondeshe. Mwaami Lesa Shinkusu shoonse mbwaakashomesha ubo.

Sekaliya 3:10

Pabushiku ubo womwi awomwi pakati kanu ulaakutamba mubye kwisa mukwikala munshaashisamu sha minyansa asha nkuyu. Nebo neMwaami Lesa Shinkusu shoonse ndaamba.’ ”

Boomboloshi 20:1

Mpomunyaawo bene Isilaeli boonse bakabungana kuswa mushishi shoonse, nkokwaamba ayi kuswa kuDani kuya mukushika kuBiyasheba alimwi akucishi ca Gilyadi. Bakabungana mbuli muntu womwi kunembo lya Mwaami Lesa kuMisipa.

1 Samwelo 3:20

Mpeeke bantu boonse mucishi ca Isilaeli, kuswa kuDani tibili akuBiyasheba bakeshiba ayi Samwelo ncakwiila ngumulaluki wa Mwaami Lesa.