1 Baami 4:13 - Baibo Busansulushi Bwa Libuku Ili

¹³ Beni Geba wakalinga kweendelesha ndabala inene ya Lamoti mucishi ca Gilyadi, amishi ya muGilyadi yakalinga ya mukowa wakwe Jeya wamulunyungu lwakwe Manase. Wakalinga kweendelesha amusena wa Agobu mucishi ca Bashani. Mandabala anene ayo oonse akalinga 60. Yomwi ayomwi kaishingulushitwe alubumbu ashisasa sha paminjililo sha nshimbi sha bulonse.

1 Baami 4:13 Marejeleo ya Msalaba

1 Baami 22:3

Aabu wakeepusha bacinenenene bakwe ayi, “Ceebonshi tatutooya mukubwesa ndabala ya Lamoti ili mucishi ca Gilyadi kuswa mumaansa a mwaami wa kuSilya? Ndabala ilya njesu!”

2 Baami 9:1

Ono mulaluki Elisha wakaambila umwi wa mulikoto lya balaluki ayi, “Pimpa cakufwala cako ca peculu uye kuLamoti mucishi ca Gilyadi. Uyumune amusaashi uyu wa mafuta a olifi.

2 Baami 9:14

Lyalo Jewu mwanaakwe Jeoshafati, mwishikulu wakwe Nimushi wakapingila Jolamu. Ono Jolamu abashilumamba boonse bene Isilaeli bakalinga kutabilila ndabala ya Lamoti mucishi ca Gilyadi kuli Asayelo mwaami wa bene Silya.

1 Makani 2:23

Sombi mwaami wa bene Geshuli alimwi awa bene Alamu bakakoma mandabala ali makumi osanwe amandabala likumi muGilyadi, kubikaawo amushi wa Jeya awa Kenati. Bakakoma amandabala oonse akalinga pafwaafwi amandabala ayo. Bantu boonse bakalinga kwikala kooko bakalinga bamulunyungu lwakwe Makiya, ishi Gilyadi.

Kulumbaisha 22:12

Balwani baanji bambika pakati anga mbacende. Boonse banshinguluka anga mbacende bacite nkusu ba kuBashani.

Kulumbaisha 68:15

OKalundu ka Bashani, kalundu kacite bulemu. OKalundu ka Bashani, kalundu kacite nsonga shiinji!

Shakubelenga 32:41

Alakwe Jeya, wamumukowa wakwe Manase wakalwana akubwesa mishi yabo imwi akwiitumba ayi “Mishi yakwe Jeya.”

Dutolonomi 3:10

“Twakabwesa cishi coonse cakwe Ogi mwaami wa Bashani. Twakabwesa mandabala anene ali pacitunta, cishi ca Gilyadi aca Bashani, kuya kwicwe kushika akumandabala aSaleka aEdileyi.”

Dutolonomi 3:4

Paciindi ceenka ico twakabwesa mandabala anene akwe oonse kutashiya nabi yomwi. Mandabala oonse akabwesekwa akalinga makumi osanwe ayomwi, nkokwaamba ayi cishi coonse ca Aligobu cakalinga kweendelesha mwaami Ogi wa kuBashani.

Dutolonomi 3:8

“Paciindi ico twakabwesa cishi cakalinga kwicwe lya Joodani kuswa kubamaami bobilo aba ba bene Amoli, kuswa kuMulonga wa Anoni kushika kuKalundu ka Emoni.”

Dutolonomi 4:43

Bamumukowa wakwe Lubeni bakapekwa ndabala inene ya Besa, mucitunta ca muluyanga. Bamumukowa wakwe Gadi bakapekwa ndabala inene ya Lamoti mucishi ca Gilyadi. Ingayi bamumukowa wakwe Manase bakapekwa ndabala ya Golani mucishi ca Bashani.

Joshuwa 20:8

Kwicwe lya Joodani, mucitunta ca muluyanga, kwicwe lya Jeliko, bakasala Besa mucishi ca mukowa wakwe Lubeni, Lamoti muGilyadi mucishi ca mukowa wakwe Gadi alimwi aGolani muBashani mucishi ca mukowa wakwe Manase.

Joshuwa 21:38

Mucishi ca mukowa wakwe Gadi bakapekwa ndabala ya Lamoti, iyo yakalinga muGilyadi, ndabala yakulobokelaako kuwooyo wacaya muntu mumapuso, Maanaimu,