1 Baami 3:7 - Baibo Busansulushi Bwa Libuku Ili

⁷ “Ono noBaami baLesa, baLesa bangu mwansuminisha kupyana bwaami bwa bata, nacibi kwaamba ayi ncili mwanike alimwi nshishi abwakulela.

1 Baami 3:7 Marejeleo ya Msalaba

2 Samwelo 5:2

Kale kale, Saulo kaacili mwaami wesu, ndimwe mwakalinga kutanjilila bashilumamba ba bene Isilaeli kuya kunkondo. Paciindi ico Mwaami Lesa wakamulwiita ayi, ‘Ulaakutanjilila bantu bangu bene Isilaeli akuba mwaami wabo.’ ”

1 Makani 22:5

Lyalo Defedi wakayeeya ayi, “Ŋanda yakwe Lesa iyo mwanaangu Solomoni njeshi akayake ilyeelete kubota abuumbi alimwi ikankamika bamucishi coonse ca panshi. Sombi mwanaangu ucili mwanike alimwi taana kuba alushibo. Ono nebo ndyeelete kutalika kulibambila.” Mpomunyaawo Defedi wakabamba shintu shiinji shakuyakisha kaatana kufwa.

1 Makani 22:9

Sombi Mwaami Lesa wakanshomesha ayi, ‘Ulaakuba amwaana musankwa uyo weshi akanoolela muluumuno mukwiinga ndaakulengesha ayi akabule cakulisukama kuswa kubalwani bakwe beshi bakanoomushingulukite. Ulaakunookwiitwa ayi Solomoni mukwiinga mubwaami bwakwe, ndaakupa bene Isilaeli luumuno mukubula cakulisukama.

1 Makani 29:1

Mpomunyaawo mwaami Defedi wakaambila bantu boonse ayi, “Mwanaangu Solomoni uyo Lesa ngwaakasala ucili mwanike alimwi taana kuba alushibo. Mulimo uyu ngunene mukwiinga teshi kuyaka ŋanda ya bwaami ya muntu wa pacishi cino, sombi niŊanda ya Mwaami Lesa, Lesa wesu.

Kulumbaisha 121:8

Mwaami Lesa ngweshi akakulaame koonse nkweshi ukaye kuswa sunu kushikila muyayaya.

Tushimpi 18:12

Muntu na kaatana kuwa ulalisumpula, sombi muntu ulapekwabo bulemu na waliceyesha.

Shikushimikila 10:16

Mapensho kuli ndiwe ocishi cicite mwaami uli anga ngumwanike, alimwi oocite baleli baba akusekelela malumwi amashiku.

Jelemiya 1:6

Lyalo ndakakumbula ayi, “NoBaami baLesa, noBeshinkusu shoonse, nebo nshicishiiwo kwaamba alimwi ncili mwanike.”

Jelemiya 1:7

Sombi Mwaami Lesa wakankumbula ayi, “Utaambi ayi ucili mwanike. Sombi ulyeelete kuya kubantu abo mbondakutumako mukubalwiita shoonse nsheenga ndakulwiita.

Danyelo 2:21

Ulasandula nshiku ashiindi sha mumwaaka. Ulabika bantu pabwaami alimwi akubakushaawo. Ulapa busongo amaano akunyumfwisha shintu.

Danyelo 4:25

Mulaakutandaanishikwa kuswa pakati ka bantu akuya mukwikala abanyama bamuluundu. Mulaakunoolya bwiisu anga niŋombe alimwi mume kuswa kwiculu ulaakunoomutontosha. Cilaakuba boobo kushikila myaaka yosanwe amyaaka yobilo ikeende. Kuswawaawo ndyeshi mukasumine ayi Mwaami Lesa wa kwiculu Wiindaawo ngomwaami pamalelo a bantu alimwi ngooapa kubantu abo mbwaasuni.

Danyelo 4:32

Ulaakutandaanishikwa kuswa pakati ka bantu akuya mukwikala abanyama bamuluundu. Ulaakunoolya bwiisu anga niŋombe kwamyaaka yosanwe amyaaka yobilo. Kuswawaawo ulaakusumina ayi Mwaami Lesa wa kwiculu Wiindaawo ngomwaami pamalelo a bantu alimwi ayi ngooapa kubantu abo mbwaasuni.”

Danyelo 5:18

“Nobaami, Lesa wa kwiculu Wiindaawo wakapa bashali banu baNebukadinesa bwaami, bulemu, nkusu abulemu bwa bulelo bwabo.

Danyelo 5:21

Kuswawaawo bakabatandaanya kuswa pakati ka bantu alimwi maano abo akasanduka kuba abunyama. Bakekala ambongolo sha muluundu akunoolya bwiisu anga niŋombe alimwi mume kuswa kwiculu wakalinga kubatontosha. Kuswawaawo bakasumina ayi Mwaami Lesa wa kwiculu Wiindaawo ngomwaami pamalelo a bantu alimwi ngooapa kubantu abo mbwaasuni.

Shakubelenga 27:17

akubalwiita shakucita munkondo kwaamba ayi bantu banu bakabule kuba anga nimbelele shitacite mweembeshi.”

Joni 10:9

Ndi mulyango alimwi uyo woonse unjila kwiinda muli ndime ulaakupulushikwa. Ulaakwinjila akuswa alimwi akucana cakulya.

Dutolonomi 31:2

“Ono bulya ndicite myaaka ili 120, paceebo ceeci inga nshicikoonshi kunoocili mutanjilili wanu. Kuteshibo ceeco ceenka, sombi Mwaami Lesa wakandwiita ayi teshi nkasubuke Mulonga wa Joodani.

1 Samwelo 18:16

Sombi bantu boonse mucishi ca Isilaeli aca Juda bakalinga kusuni Defedi abuumbi mukwiinga wakalinga mutanjilili mubotu uswitilila.