1 Baami 3:26 - Baibo Busansulushi Bwa Libuku Ili

²⁶ Nyina mwiine wakanyumfwa nkumbu abuumbi pamwanaakwe musankwa akwaambila mwaami ayi, “Nomulemekwa, ndaseenga mutacaayi mwaana uyu! Amumupebo walutundu uyu!” Sombi umwi lakwe wakaamba ayi, “Mutapi nabi womwi pakati kesu, amumutimbulebo pakati.”

1 Baami 3:26 Marejeleo ya Msalaba

Matalikilo 43:30

Mpomunyaawo Josefu wakanyamukaawo lubilo mukwiinga nkumbu shakalinga shafula abuumbi pamwanike wakwe. Pakacaalabo paniini naakwiinga wakalila palya peenka, aboobo wakaya walila kucipinda cakwe.

1 Baami 3:25

wakaamba ayi, “Amutimbule mwaana muumi pakati napakati mwaabanye banakashi aba aumwi cipansha aumwi cipansha.”

1 Baami 3:27

Lyalo Solomoni wakaamba ayi, “Mutatimbuli mwaana uyu! Amupe mwanakashi mutaanshi, ngonyina mwiine.”

Kulumbaisha 39:3

Moyo wangu wapenga abuumbi mucaamba cangu. Ndindakalinga kuyeeya, moyo wangu wakapenshekwa abuumbi. Lyalo ndakaamba kumulomo wangu ayi,

Isaya 49:15

Paceebo ceeco Mwaami Lesa wakumbula ayi, “Sa mushali mwanakashi inga waluba mwaana ngwaayamwisha? Sa inga wabula nkumbu kumwaana ngwaakashala mwiine? Ono nabi lakwe inga wamuluba, nebo teshi nkamulubeewo, napaceyi!

Jelemiya 31:20

Sa Efuleemu teshi mwanaangu musankwa ngoonsuni abuumbi? Sa teshi ngomwaana unsangalasha? Nakubi kwaamba ayi ndamukalookila, sombi ndamuyeeya. Aboobo moyo wangu ulakumbwa kumubona. Ee, ndamwiibaluka akumufwita nkumbu abuumbi. Nebo neMwaami Lesa ndaamba.

Osiya 11:8

“Anu inga ndakukakilanshi Efuleemu? Anu inga ndakwaabilanshi Isilaeli? Sa inga ndakunyonyoola bweenka mbondakacita Adima? Anu inga ndacita buyani kuli ndiwe bweenka mbondakacita Seboimu? Moyo wangu tookoonshi kunsuminisha kucita boobo. Lusuno lwangu pali ndiwe ndunene abuumbi!

Bene Loma 1:31

Mbantu bataliseendi, tabashomeki, tabacite nkumbu alimwi aluse.

Bene Filipi 1:8

Lesa inga wambeta bukamboni kwaamba ayi ndamuyeeya abuumbi mukwiinga ndimusuni amoyo wangu woonse alusuno luli mbuli lwakwe Klistu Jesu mwiine.

Bene Filipi 2:1

Na muli kuyuminishikwa muli Klistu, na muli lucafwo mulusuno lwakwe, na muli bwanabwankashi muMushimu Usalashi alimwi kunyumfwilana nkumbu,

2 Timoti 3:3

batacite lusuno, batalekelelani, beshikubekesha shikani, batalitibuki, bakali, batasuni shintu shibotu.

1 Joni 3:17

Na mubile wabona umwi utacite shiyandika mubuumi, sombi wabula kumucafwa, inga waamba buyani ayi lusuno lwakwe Lesa luli muli nguwe?