1 Baami 3:14 - Baibo Busansulushi Bwa Libuku Ili

¹⁴ Ono na awebo unoonyumfwila akukonkela kwiisha kwangu amilawo bweenka bwakalinga kucita iso Defedi, ndaakukupa buumi bulaamfu.”

1 Baami 3:14 Marejeleo ya Msalaba

Tushimpi 3:2

Kwiisha kwangu kulaakukulengesha kwikala buumi bulaamfu abuumbi alimwi kulaakukulengesha kuswitilila mushintu shoonse.

Kulumbaisha 91:16

Ndaakubapulusha akubapa buumi bulaamfu, ndaakubatondesha lupulusho lwangu.

Sekaliya 3:7

“Mwaami Lesa Shinkusu shoonse waamba ayi, ‘Na ukanokweenda munshila shangu akucita nsheensuni, ulaakunokweendelesha Ŋanda yangu amansa shangu. Lyalo ndaakukupa musena pakati ka baanjelo aba beemfwi waawa.

1 Baami 15:5

Mwaami Lesa wakacita boobo mukwiinga Defedi wakacita shakamukonda alimwi taakwe kupwayaawo milawo yakwe, kulekabo cikani cakwe Uliya mwine Iti.

Tushimpi 3:16

Busongo inga bwakulengesha kuba abuumi bulaamfu, ncakwiila inga bwakulengesha kubila akuba abulemu.

2 Makani 34:2

Josiya wakacita shiluleme pameenso a Mwaami Lesa mukukonkela shoonse isho shakalinga kucita Defedi mushali wakwe mukulukulu. Wakalinga kukonkela milawo yoonse yakwe Lesa cakutapusa.

1 Baami 3:6

Solomoni wakakumbula ayi, “Lyoonse mwakalinga kutondesha lusuno kuli bata baDefedi basebenshi banu mukwiinga bakalinga babotu, bashomeka alimwi baluleme mubushicibusa bwabo amwebo. Mwatolelela kubatondesha lusuno lwanu lunene alimwi lutamaani kwiinda mukubapa mwaana uyo utoopyana bwaami bwabo sunu.

Milimo ya Batumwi 13:22

Lesa ndyaakakusha Saulo pabwaami, wakasala Defedi ayi abe mwaami wabo. Ngaaya maswi ngaakaamba pali Defedi, ‘Ndacana kwaamba ayi Defedi mwanaakwe Jese ngomuntu ngoonsuni abuumbi, alimwi ulaakucita shintu shoonse nshensuni.’

Kulumbaisha 132:12

Na bana bako basankwa bakalaame cipangano cangu alimwi na bakakonkele kwiisha kwangu, bwaami bwako bulaakunoolibo pabamulunyungu lwabo kwalyoonse alyoonse.”

Kulumbaisha 21:4

Wakamusenga buumi ncakwiila amwebo mwakamupa. Mwakamupa buumi bwa lyoonse alyoonse.

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

Dutolonomi 5:16

“ ‘Lemeka baiso abanyoko kweelana ambondakaamba nebo neMwaami Lesa, Lesa wanu ayi shintu shoonse shikakweendele kabotu alimwi ayi ukekale nshiku shiinji mucishi ico nebo neMwaami Lesa nceshi nkakupe.

1 Timoti 4:8

Kwiisha mubili kuyuma kulacafwa paniini, sombi kwiisha kwikala kweelana akuyanda kwakwe Lesa kulacafwa munshila shoonse, ceebo kulalengesha kuba abuumi bubotu bulya alimwi aciindi citoosa.

2 Makani 29:2

Wakacita shiluleme pameenso a Mwaami Lesa bweenka bwakacita Defedi mushali wakwe mukulukulu.

1 Baami 3:3

Solomoni wakalinga kumusuni Mwaami Lesa alimwi wakakonkela kwiisha kwa baishi baDefedi. Sombi alakwe wakalinga kubenga milambu akutenta tununkila kabotu pashipaililo shipusenepusene.

Dutolonomi 25:15

Mulyeelete kuba ashipimo shancinencine alimwi sheelete, ayi mukekale nshiku shiinji mucishi ico Mwaami Lesa, Lesa wanu ncaatoomupa.

Dutolonomi 5:33

Mukeekonkele yoonse kwaamba ayi shintu shinoomweendela kabotu, alimwi kwaamba ayi mutolelele kunooli boomi mucishi ico ncemutooya mukubwesa.

1 Baami 11:34

Sombi teshi nkabwese bwaami boonse bwakwe Solomoni, sombi ndaakumuleka ayi anoocili mwaami kwabuumi bwakwe boonse ceebo ca musebenshi wangu Defedi uyo ngondakasala. Lakwe wakalinga kukonkela milawo amilasho yangu.

1 Makani 28:7

Ndaakulengesha bwaami bwakwe ayi bukanooliikobo lyoonse alyoonse na akatolele kukonkela milawo amilasho yangu yoonse bweenka mbwaatoocita bulya.’

Kulumbaisha 21:5

Bulemu bwakwe bwafula kwiinda mukumulengesha kukoma. Ndushinisho mwamupa bulemu abwaami.