1 Baami 22:16 - Baibo Busansulushi Bwa Libuku Ili

¹⁶ Sombi Aabu wakaamba ayi, “Na utoondwiita cikani muliina lya Mwaami Lesa, amba calushinisho! Ulisuni nkaambe mankanda ongaye pacikani ici?”

1 Baami 22:16 Marejeleo ya Msalaba

Milimo ya Batumwi 19:13

Ono baJuda bamwi bakalinga kweendeenda kabaya bukusha bashikaswa, abalo bakeelesha kusebensesha liina lya Mwaami Jesu pakucita mulimo wabo. Bakalinga kwaamba ayi, “Ndamwaambila muliina lyakwe Jesu uyo ngwaashimikila Paulo ayi muswe!”

Maako 5:7

Wakoolobesha aliswi lya peculu ayi, “Ino utooyanda kuncita buyani webo Jesu oMwanaakwe Lesa wa kwiculu Wiindaawo? Ndaseenga muliina lyakwe Lesa ayi utampenshi.”

Mateyo 26:63

Sombi Jesu wakoomunabo tontolo. Mupailishi munene wakeepusha Jesu alimwi ayi, “Ntookwaambila muliina lyakwe Lesa muumi ayi, ulumbile na ndiwe Usalitwe wakwe Lesa ulya, Mwanaakwe Lesa.”

2 Makani 18:15

Sombi Aabu wakaamba ayi, “Na utoondwiita cikani muliina lya Mwaami Lesa, aamba calushinisho! Ulisuni nkaambe mankanda ongaye pacikani ici?”

1 Samwelo 14:24

Ono bushiku ubo bene Isilaeli bakalinga balefuka kunsala mukwiinga Saulo, kwiinda mukushomesha cakulumbila kuli Lesa, wakalinga waambilisha ayi, “Lishingo libe pamuntu uli woonse eshi alye cakulya bushiku bwasunu kaantana kuboosha cishole pabalwani bangu.” Aboobo taaku shilumamba nabi womwi wakalya bushiku ubo.

Joshuwa 6:26

Paciindi ico Joshuwa wakabakonkomesha akubacenjesha ayi, “Uyo woonse eshi akeeleshe kuyaka ndabala inene ya Jeliko alimwi, Mwaami Lesa ulaakumushingana. Uyo woonse eshi akakabe lwiimbi, ulaakufwitwa mwaana wakwiiya musankwa. Uyo woonse eshi akayake minjililo, ulaakufwitwa shikeela musankwa.”

1 Baami 22:15

Mpeeke mulaluki ndyaakashika mukubonekela kumwaami Aabu, mwaami wakamwiipusha ayi, “Mikaya, sa nebo amwaami Jeoshafati tuye tukalwaane ndabala ya Lamoti nabi sobwe?” Mikaya wakakumbula ayi, “Kamuya mukalwaane! Ee, mulaakwiikoma. Mwaami Lesa ulaakumupa coolwe cakukoma.”

1 Baami 22:17

Lyalo Mikaya wakwaamba ayi, “Ntoobona bashilumamba bene Isilaeli bapalangene patulundu anga nimbelele shitacite mweembeshi. Ono Mwaami Lesa waamba ayi, ‘Aba bantu tabacite mutanjilili, amubaleeke baye kumishaabo muluumuno.’ ”

Jelemiya 37:17

Mpeeke mwaami Sedekiya wakatuma bantu kwisa mukumbwesa ayi bantole kuŋanda yakwe ya bwaami. Lyalo mwaami wakanjipusha kweela ayi, “Sa kuliwo maswi aswa kuMwaami Lesa?” Nebo ndakamukumbula ayi, “Ee, nkwaali. Mwebo mulaakwaabwa mumaansa a mwaami wa bene Babiloni.”

Jelemiya 38:14

Mpeeke mwaami Sedekiya wakantumina beshinkombe ayi bantole kuli nguwe. Mpeeke bakantola akumbika kumwinjililo watatu uya kuŊanda ya Mwaami Lesa. Kuswawaawo mwaami wakaŋambila ayi, “Ntooyanda kukwiipusha cimwi cikani. Ono utanshisi nabi comwi.”

Shakubelenga 22:38

Balaamu wakakumbula ayi, “Ndesa ono? Ono teshi ŋambe cili coonse nceensuni, sombibo ceeco Mwaami Lesa nceshi andwiite.”

Jelemiya 23:28

Mulaluki uyo ucite ciloto, aacipandulule, sombi uyo ucite maswi angu, aambe maswi ayo cakushomeka. Sa shibuba inga sheelana amancebele?