1 Baami 21:3 - Baibo Busansulushi Bwa Libuku Ili

³ Sombi Naboti wakakumbula ayi, “Muunda uyu ndakashiilwabo kubamashali bangu bakulukulu alimwi Mwaami Lesa atansuminishi kwaamba ayi mupe muunda uyu!”

1 Baami 21:3 Marejeleo ya Msalaba

Matalikilo 44:17

Mpeeke Josefu wakaamba ayi, “Ne, sobwe, nshikoonshi kucita boobo. Uyobo eenka wacaninwa nkomeshi ngweshi abe musha wangu. Nomwacaala inga mwaboolela kuli baishiwanu kamwaangulukite.”

Matalikilo 44:7

Bakakumbula ayi, “Anu cilaambanshi kwaamba boobo nkambo? Tatukwe kucitaawo cintu ca mushobo uyo. Ubo twalumbila.

1 Makani 11:19

Wakaamba ayi, “Cintu ca mushobo uyu nsheelete kucicita napaceyi. Bantu aba beensha buumi bwabo mumaansa kuya mukuteka maanshi aya. Aboobo inga caba anga ntoonwa bulowa bwabo.” Munshila iyo wakakaka kunwa maanshi ayo. Shamushobo uyo nsheshintu bashilumamba bakalinga kupukite botatwe abo nshebakacita mukubula boowa.

Jobo 27:5

Teshi nkasumineewo ayi mwebo namata muliluleme, sobwe. Ndaakunokwaambabo ayi nshicite mulandu kushikila nkafwe.

Esekelo 46:18

Muleli taaelete kubwesa cishi ca bantu bakwe akucipa bana bakwe, sobwe. Sombi ulyeelete kubatimbwita kucishi ico ncaakapekwa. Taaelete kulyatilila bantu bangu mukubanyaya cishi cabo.”

Bene Lefi 25:23

“Muunda wanu tooelete kuulishikwa cakutolela limwi ceebo teshi waanu, ngwakwe Lesa. Mwebo mulibo anga mbaswamashi abo mbondakasuminisha kuusebensesha.

Shakubelenga 36:7

Nkokwaamba ayi shintu sha mwine Isilaeli woonse shilyeelete kunoolibo sha mumukowa wakwe.

Shakubelenga 36:9

alimwi cipansha ico teshi cikanootuntuluka kuswa kumukowa umwi akuya kuumwi. Mukowa uli woonse ulaakutolelela kuba acipansha ca nguwo.”

Bene Loma 3:31

Ono sa ici cilaamba ayi Milawo teecite ncito nditutokwaamba ayi nkwiinda mulushomo? Napaceyuubo! Tutooyumyabo Milawo.

Bene Loma 3:4

Napaceyuubo! Lesa ulashomeka nabi bantu boonse mbabeshi. Mbweeke bwaamba Malembo akwe Lesa ayi, “Kulilabo na waamba, bantu balyeelete kwishiba ayi nshalushinisho. Alimwi lyoonse ulyeelete kucanikwa ayi toocite mulandu pakukoombolosha.”

Bene Loma 3:6

Napaceyuubo! Na Lesa taaluleme, ino inga woombolosha buyani bantu mucishi?

Bene Loma 6:15

Ino ono cili buyani cikani ici? Sa tunoobishabo ceebo tatweendeleshekwi aMilawo, sombi aluse lwakwe Lesa? Kulaalebo!

Bene Loma 6:2

Sobwe napaceyi! Kweelana amakani abubi swebo twakafwa, ono inga twatolelela buyani kwikala mububi?

Bene Loma 7:13

Sa ici cilaamba ayi cintu cibotu ici ncecakanengesha ayi mfwe? Sobwe! Sombi mbubi bwakalengesha kwiinda mukusebensesha cintu cibotu ico kwaamba ayi bubi buboneke mbuli mbobubete. Aboobo kwiinda muMilawo bubi bulabicila limwi.

Bene Loma 7:7

Ino ono twaambe buyani? Sa twaambe ayi Milawo njibiibi? Sobwe, tabwishi mbocibete ubo! Sombi njiMilawo yakalengesha ayi nshibe bubi. Nikuteshi Milawo yaamba ayi, “Utabi amunyono pashintu sha mubyo”, naakwiinga nshishibiiwo lunkumbwa lwa mushobo uyu.

1 Bene Kolinto 6:15

Mwebo mulishi kwaamba ayi mibili yanu nshipansha sha mubili wakwe Jesu Klistu. Ono sa inga ndabwesa cipansha ca mubili wakwe Jesu akucipaankanya amufuule? Napaceyuubo.

Bene Galatiya 6:14

Nebo nshikoonshi kulisumpula mucintu nabi comwi, sombi mumucilingano wa Mwaami wesu Jesu Klistu weenkabo. Mukwiinga kwiinda mumucilingano, shabuumi bwa buntu shakafwa kuli ndime alimwi anebo ndyaanga ngumuntu ufwite kuli nshisho.

Joshuwa 22:29

Ono tatutookwaashukila Mwaami Lesa nabi kumufutatila napaceyi kwiinda mukuliyakila cipaililo ayi tunoobengelaawo milambu yakutenta, shipo sha fulaulo alimwi amilambubo imwi, kuleka ceeco ca Mwaami Lesa, Lesa wesu, ico ciyakitwe kunembo lya Tente yakwe ya Cipangano.”

Joshuwa 24:16

Mpeeke bantu bakakumbula ayi, “Calo cakufutatila Mwaami Lesa kwaamba ayi tusebensele balesa bamwi, taceelete akunyumfwika pakati kesu!

1 Samwelo 12:23

Kulubasu lwangu, nshisuni kwaamba ayi mbishishe Mwaami Lesa mukucileka kumupaililaako. Ndaakumwiisha nshila ibotu alimwi iluleme ayi mwiikonkele.

1 Samwelo 24:6

Wakaambila bashilumamba bakwe ayi, “Mwaami Lesa ansosoloshe kukucita cintu ca mushobo uyo kumwaami wangu, uyo mwiine ngwaakasala. Nteeleshi nabibo kumutyunka munwe ceebo kuba mwaami wakacita kusalwa aMwaami Lesa kwiinda mukunanikwa mafuta.”