1 Baami 21:13 - Baibo Busansulushi Bwa Libuku Ili

¹³ Lyalo basankwa beshishimfulunganya bobilo abo bakekala kabalangene anguwe akumubekesha ayi wakashingana Mwaami Lesa alimwi amwaami wa cishi. Lyalo bakamukusha mundabala akumucaya kumabwe.

1 Baami 21:13 Marejeleo ya Msalaba

1 Baami 21:14

Lyalo nkombe yakatumwa kuli Jesebelo ayi, “Naboti twamucaya amabwe.”

2 Baami 6:32

Mpomunyaawo wakatuma muntu ayi alete Elisha. Muciindi ico, Elisha wakalinga kuŋanda abamaloba abo bakalinga bamufwakashila. Shinkombe wa mwaami kaatana kushika, Elisha wakaambila bamaloba ayi, “Mucayi ulya watuma muntu kwisa mukunsutula mutwi! Ono na apole, mucalisheeko kumulyango kwaamba ayi atenjili. Lakwe mwaami unanooli kwisule lya muntu uyo, keesa.”

2 Baami 9:26

‘Ndakabona Naboti mbwaakacaikwa abana bakwe ciilo. Ndamushomesha ayi ndaakukupa mulandu muno mweenka mumuunda.’ Ono tola mubili wakwe Jolamu akuusowa mumuunda wakwe Naboti kwaamba ayi kushomesha kwa Mwaami Lesa kucitike cancinencine.”

2 Makani 24:21

Sombi bantu abo bakabukila Sekaliya. Lyalo mukutumwa kumwaami Joashi, bakamuuma mabwe mulubansa lwa Ŋanda yakwe Lesa akumucaya.

Jobo 1:11

Amweeleshe kumunyaya nshaacite mulinyumfwile mbweshi amushingane.”

Jobo 1:5

Ono kwakalinga nkwishibila kwakwe Jobo kwaamba ayi na kusekelela kwamana, lakwe macuunsacuunsa wakalinga kubengela mwanaakwe womwi awomwi mulambu wakutenta mukumusalasha. Wakalinga kucita boobo mukwiinga wakalinga kuyeeya ayi, “Cimwi ciindi bana bangu bakabisha akushingana Lesa cakuteshiba.”

Jobo 2:9

Mpomunyaawo mukaakwe wakamwambila ayi, “Sa abobulya mucishomekabo? Amushinganebo Lesa, mufwe.”

Jobo 31:39

na ndalya shakulya isho shimenaamo akuleka mwine muunda kaakolwa nsala,

Kulumbaisha 27:12

Mutandekeli mumaansa a balwani bangu, mukwiinga bakamboni babeshi bambukila alimwi banengesha kunyumfwa boowa.

Kulumbaisha 35:11

Bakamboni babeshi baleemikana akunshinina, ncakwiila balanshinina pashikani nshenteshi.

Kulonga 20:16

“Utapi bukamboni bwakubeca pali shikamukobonyoko.

Tushimpi 19:28

Kamboni mubiibi ulacobola koombolosha kululeme. Mulomo wa mucita shibi ulamina bubi.

Tushimpi 19:5

Kamboni mubeshi teshi akalangwebo cakutapekwa mulandu, ee, uyo waamba shabubeshi teshi akalekelelweewo.

Tushimpi 19:9

Kamboni mubeshi teshi akalangwebo cakutapekwa mulandu, alakwe waamba shabubeshi ulaakuloba.

Tushimpi 25:18

Muntu upa bukamboni bwakubeca kumubye uli anga ninkoli, mupeeni nabi mufwi ukolete.

Tushimpi 6:19

kamboni mubeshi alimwi amuntu shikuleta lupato pakati ka baabo banyumfwana.

Shikushimikila 10:20

Utatukani mwaami nabibo mumiyeeyo yako. Utashingani mubile mucipinda ncoonaamo mukwiinga kayuni keenda mwiculu inga katola maswi ako. Ee, kayuni kooluka inga kaya mukuluula nceenga waamba.

Shikushimikila 4:1

Ndakalangilisha alimwi akubona kulyatililana kucitika pacishi ca panshi. Ndakabona minsonshi ya bantu balyatililwa, tebakalinga kucite abeshikuboombulusha. Ndakabona ayi nkusu shakalinga kubaabo bakalinga kubalyatilila. Ncakwiila tebakalinga kucite abeshikuboombulusha.

Isaya 8:21

Ono bantu balaakwiingaila mucishi ca panshi kabatyongwete akufwa nsala. Muciindi ico balaakushingana mwaami wabo aLesa wabo ceebo ca nsala abukali. Balaakunoolanga kwiculu

Amosi 7:10

Amasiya mupailishi wa kuBetelo wakalalukila Jeloboamu mwaami wa bene Isilaeli ayi, “Amosi utoopinga kumubukila pakati ka bantu boonse. Nshaatokwaamba shitoonyonyoola cishi ici coonse.

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Mateyo 9:3

Mpeeke bamwi bafundishi ba Milawo bakalyaamboosha beene ayi, “Uyu muntu utoocobola Lesa.”

Luka 23:2

Lyalo bakatalika kumubekesha shikani ayi, “Twakacana muntu uyu kayungoola bantu ba mucishi cesu ayi babukile cishi cino. Wakalinga kubaambila ayi bacileeke kupeleka musonko kuli Sisa, muleli munene wa kuLoma. Peculu lya waawo wakalinga kwaamba ayi uyu mwiine ngoUsalitwe wakwe Lesa alimwi ayi ngumwaami.”

Joni 19:12

Ndyaakanyumfwa boobo, Pilato wakalinga kusuni kwaangulula Jesu, sombi baJuda bakoolobesha ayi, “Na mwaangulule muntu uyo, ingayi tamubete shicibusa wakwe Sisa muleli munene wa kuLoma. Uyo woonse ulipa bwaami, ingayi ngumulwani wa muleli munene wa kuLoma.”

Milimo ya Batumwi 24:5

Twacana kwaamba ayi musankwa uyu taanyumfwi. Ngushi kutalika shimfulunganya pakati ka baJuda mucishi coonse alimwi ngumutanjilili wa likoto lya bene Nasaleti.

Milimo ya Batumwi 6:11

Lyalo bakayungoola basankwa bamwi kumapela ayi bakaambe ayi, “Twakamunyumfwa kaamba makani akucobola Mose alimwi aLesa!”

Dutolonomi 13:10

Mumuume mabwe kushikila afwe, mukwiinga walinga kusuni kumukusha kuMwaami Lesa, Lesa wanu, uyo wakamukusha mucishi ca Ijipiti umo momwakalinga basha.

Dutolonomi 21:21

Mpomunyaawo basankwa boonse ba mundabala iyo balyeelete kumucaya kumabwe. Munshila iyi mulaakukusha bubi ubu pakati ka bene Isilaeli. Mpeeke bantu boonse balaakunyumfwa cikani ico akuloonda abuumbi.

Dutolonomi 22:21

balyeelete kumutola pamulyango wa ŋanda ya baishi, apo basankwa ba mundabala mpobeelete kumucaya amabwe ceebo wacita cintu cilensha nsoni muIsilaeli, kwiinda mukukumana abasankwa kaacili muŋanda ya baishi. Munshila iyi mulaakukusha bubi ubu pakati kanu.

Dutolonomi 22:24

boonse bobilo balyeelete kutolwa kumwinjililo wa ndabala iyo akubacaya amabwe. Mwanakashi ulaakucaikwa ceebo nabi wakalinga mundabala taakwe kutama ayi bamufuneeko. Alakwe musankwa ulaakufwita ceebo cakukumana amwanakashi wakamamikilwa. Munshila iyi mulaakukusha bubi ubu pakati kanu.

Dutolonomi 5:20

“ ‘Utabekeshi shikamukobonyoko.

Bene Ebulu 11:37

Bamwi bakalinga kucaikwa kwiinda mukuumwa mabwe, bamwi bakalinga kupasulwa pakati, abalo bamwi bakalinga kucaikwa amipeeni. Bamwi bakalinga kweenda kabafwete shipaya sha mbelele nabi sha mpongo, bakalinga bakandu akupenshekwa alimwi akushupikwa.