1 Baami 21:11 - Baibo Busansulushi Bwa Libuku Ili

¹¹ Bamaloba bacinenenene bene Jesiliilu bakacita bweenka bwakabalwiita Jesebelo mumakalata.

1 Baami 21:11 Marejeleo ya Msalaba

1 Baami 21:10

Mubike basankwa beshishimfulunganya bobilo kwikala kabalangene anguwe kwaamba ayi bamubekeshe ayi wakashingana Mwaami Lesa alimwi amwaami wa cishi. Lyalo mumukusheewo akumutola kunsengwe lya ndabala mukumuuma mabwe akumucaya.”

1 Baami 21:12

Bakasala bushiku bwakulikasha kulya, bakeeta bantu boonse akwikalika Naboti pacuuna ca bulemu.

2 Makani 24:21

Sombi bantu abo bakabukila Sekaliya. Lyalo mukutumwa kumwaami Joashi, bakamuuma mabwe mulubansa lwa Ŋanda yakwe Lesa akumucaya.

Kulonga 1:17

Sombi beshikutumbusha abo bakalinga kuloonda Lesa. Aboobo tabakwe kukonkela maswi akaamba mwaami wa Ijipiti, sombi bakalinga kuleka baana basankwa ayi bakule.

Kulonga 1:21

Ono mukwiinga banakashi abo bakalinga kuloonda Lesa, wakabapa baana baanji.

Tushimpi 29:12

Na muleli wanyumfwila makani abubeshi, bacinenenene bakwe boonse balaba bamucita shibi.

Tushimpi 29:26

Baanji balisuni ayi muleli abanyumfwile nkumbu, sombi koombolosha kululeme kulaswabo kuMwaami Lesa.

Isaya 59:14

Ee, anu nceceeco koombolosha kululeme ncekwatutalamukila. Nceceeco kweenda cakubula kampenda ncekwabeta kulaale aswebo. Lushinisho talunyumfwikiiwo mumikwakwa, akwalo kushomeka kuleelabo kulaale.

Osiya 5:11

Bene Isilaeli batoolyatililwa, bashiya cishi ico cakalinga caabo kwakubula mwiipusho ceebo cakukakatila kucinka manungo mushibumbwabumbwa isho shitakoonshi kubacafwa.

Bene Lefi 19:15

“Mulyeelete kushomeka akululika pakoombolosha. Mutabi akasalulushi kubantu bakandu nabi kuloonda babile.

Mika 6:16

Kulaakuba boobo mukwiinga mwakakonkela milawo ibiibi yakwe Omuli akukonkela micito yoonse ya muŋanda yakwe Aabu mwanaakwe. Ncakwiila mwakalinga kukonkela tushiyashiya twabo. Paceebo ceeco ndaakumulengesha ayi mukanyonyooke. Bantu boonse balaakumusebaanya ee, kuli koonse bantu balaakunoomushibuluka.”

Mateyo 2:12

Lesa wakabacenjesha muciloto mashiku ayi batabooleli kuli Elodi, aboobo bakeenda nshila imwi pakuya kumishaabo.

Mateyo 2:16

Ono Elodi ndyaakabona ayi bamwiinda kumaano bantu balya basongo, wakakalala abuumbi. Lyalo wakatuma bantu ayi baye bakacaye baana basankwa boonse muBetileemu alimwi amumisena yakalinga kushingulukite, abo bakalinga kucite myaaka yobilo kuboola panshi. Wakapima myaaka iyo kweelana aciindi nceyakaboneka nyenyeenshi mbuli mbobakamulwiita basongo.

Milimo ya Batumwi 4:19

Sombi Pita aJoni bakabakumbula ayi, “Mwebo nobeene amusale ciluleme pameenso akwe Lesa, na swebo tunyumfwile ndimwe nabi kunyumfwila Lesa.

Milimo ya Batumwi 5:29

Mpeeke Pita abatumwi bamwi boonse bakakumbula ayi, “Tulyeelete kunyumfwila Lesa, kuteshi bantu, sobwe!

1 Samwelo 22:17

Lyalo mwaami uyo wakaambila beshikulindilila bakalinga kwiimikana pafwaafwi anguwe ayi, “Amucaye bapailishi aba ba Mwaami Lesa boonse mukwiinga abalo bali kulubasu lwakwe Defedi. Bakalinga kwishi ayi utooloboka, sombi tabakwe kundwiita.” Nakubi boobo balo tebakalinga kusuminite kucaya bapailishi ba Mwaami Lesa.

1 Samwelo 23:20

Ono nobaami inga mwesa kucishi cine misheesu mpweenga mwayandila nobeene, mpeeke swebo tulaakubikaako maano kwaamba ayi mumucate.”