1 Baami 20:7 - Baibo Busansulushi Bwa Libuku Ili

⁷ Lyalo mwaami Aabu wakeeta bamaloba boonse mucishi cakwe akubaambila ayi, “Mwaboona muntu uyu utootupilinganya. Wantumina nkombe yakwe yaamba ayi ulisuni bakaangu, bana bangu, silifa yangu alimwi agolodi. Nebo ndasumina shoonse isho.”

1 Baami 20:7 Marejeleo ya Msalaba

2 Baami 5:7

Ono mwaami wa bene Isilaeli ndyaakabelenga nkalata iyo, wakakwamoona shakufwala shakwe akoolobesha ayi, “Sa nebo ndime Lesa? Sa inga ndacaya akubusha kuswa kubafu? Ceebonshi mwaami wa bene Silya ncaatumina muntu uyu ayi nshilike bulwashi bwakwe bwa manata? Ono mwalibonena ayi ulisunibo pakunsumwita!”

Danyelo 11:27

Lyalo bamaami bobilo abo bakwikala akulya pantu pomwi kabacite miyeeyo ibiibi akubecana. Sombi taaku ceshi cikaswitilile ceebo meelelesho alaakucitika paciindi cibambitwe ico ceshi cikanoocili kunembo.

Tushimpi 24:2

ceebo myoyo yabo balo ilayeeyabo kucita shalunkutwe. Ayalo milomo yabo ilaambabo shakubusha nshimfulunganya.

Tushimpi 11:27

Muntu uyandoola shibotu ulashicana, sombi uyo ucita shibiibi, shilamuboolela mwiine.

Tushimpi 11:14

Na taaku butanjilili, mushobo ulafwa, sombi na kuli beshikupandako maano baanji, ncakwiila mushobo ulakoma.

Tushimpi 6:14

Balayeeya bubi mubumpele bwabo nkokwaamba ayi balo mbeshikubalamuna makatasho ciindi coonse.

Kulumbaisha 140:2

Bantu abo mbeshikupangabo miyeeyo ibiibi mumyoyo yabo, akubusha nkondo nshiku shoonse.

Kulumbaisha 62:3

Ino nciindi cilaamfu buyani kamuuma muntu cakumucisa? Ee, muntu uyo uli anga ndubumbu lucite myaansha nabi lushito lutootenkaana.

Kulumbaisha 36:4

Balo nabi balilete pabulo mulimo wabo nkupanga miyeeyo ibiibi. Taaku cintu cibotu nabi comwi ncebacita, alimwi taaku cintu cibiibi cili coonse ncebakakaawo.

Kulumbaisha 7:14

Amubone mucita shibi ulamita bubi, ncakwiila ulamita mapensho akutumbuka shakubeca.

Jobo 15:35

Bantu aba balamita mapensho akutumbuka bubi. Ncakwiila myoyo yabo iliswitebo bubeshi lyoonse.”

1 Makani 28:1

Mwaami Defedi wakeeta bacinenenene bene Isilaeli boonse ayi babungane muJelusalemu. Wakeeta bamatanjilili ba mikowa, bamatanjilili ba makoto a beshikweendelesha mulimo wa bwaami, bamatanjilili ba bashilumamba bali cuulu aba bali mwaanda, beshikweendelesha buboni boonse ashifubwa shoonse sha mwaami abana bakwe, bacinenenene ba kuŋanda ya bwaami, basankwa bapukite alimwi abashilumamba boonse batacite boowa.

1 Makani 13:1

Ono Defedi wakeepusha bamatanjilili ba bashilumamba bakwe abo bakalinga kweendelesha bashilumamba bali 1,000 nabi bashilumamba bali 100.

1 Baami 8:1

Lyalo kuJelusalemu mwaami Solomoni wakeeta bamaloba bamatanjilili ba mikowa aba shipani ba bene Isilaeli kuleta Libokoshi lya Cipangano kuŊanda yakwe Lesa kuswa kuSiyoni, mundabala yakwe Defedi.

1 Baami 20:6

Ono ciilo paciindi ceenka cino ndaakutuma bacinenenene bangu kwaamba ayi bakalangoole muŋanda yanu amumaanda a bacinenenene banu boonse akubwesa shintu shoonse sheshi bakabone ayi nshibotu.”

1 Baami 20:8

Bamaloba abantu bamwi boonse bakakumbula ayi, “Kutamukutika sobwe. Kuteelesha kusumina ncaatokwaamba napaceyi.”

1 Baami 21:8

Mpeeke Jesebelo wakalemba makalata wabikaawo aliina lyakwe Aabu, wacala akalamatila wa mwaami akutumina bamaloba abacinenenene bene Jesiliilu.