1 Baami 20:6 - Baibo Busansulushi Bwa Libuku Ili

⁶ Ono ciilo paciindi ceenka cino ndaakutuma bacinenenene bangu kwaamba ayi bakalangoole muŋanda yanu amumaanda a bacinenenene banu boonse akubwesa shintu shoonse sheshi bakabone ayi nshibotu.”

1 Baami 20:6 Marejeleo ya Msalaba

Matalikilo 27:15

Lyalo wakabwesa shakufwala shiindaawo kubota shakwe Esau mwanaakwe musankwa munenebantu, isho nshaakalinga kusungite muŋanda, akufwalika Jakobo mwanikebantu.

2 Samwelo 24:14

Mpomunyaawo Defedi wakaamba ayi, “Nebo ndi mumapensho anene abuumbi. Ono inga cabota kwaabwa mumaansa a Mwaami Lesa mukwiinga ngushinkumbu, kwiinda kwaabwa mumaansa a bantu.”

1 Baami 20:5

Pesule balya bakatola nkombe bakaboola kuli Aabu. Ono bakaletelela ashimwi shakalinga kusuni mwaami Benadadi. Bakaamba ayi, “Ndakamutumina maswi akwaamba ayi mwaabe silifa, golodi, bamakaanu abana banu boonse.

1 Baami 20:7

Lyalo mwaami Aabu wakeeta bamaloba boonse mucishi cakwe akubaambila ayi, “Mwaboona muntu uyu utootupilinganya. Wantumina nkombe yakwe yaamba ayi ulisuni bakaangu, bana bangu, silifa yangu alimwi agolodi. Nebo ndasumina shoonse isho.”

Esila 8:27

mbale shifongomene sha golodi shakalinga kulema makilogilamu ali 8.4, alimwi ambale shifongomene shobilo sha bulonse sheelene ambale sha golodi mumweelo.

Isaya 44:9

Anu boonse bapanga shibumbwabumbwa taaku mbobabete ashalo shintu nshibabikaako maano tashicite mpindu. Bantu abo banyamuka akushimikila pali nshisho balitulookite meenso. Ncakwiila kubula lushibo kwabo kwabasebaanya.

Jelemiya 25:34

Amulile mibila akulila buumpute, mwebo nobeembeshi. Amwaalabangane mulusuko, mwebo nobamatanjilili ba litanga ceebo ciindi canu cakucaikwa cashikila. Mulaakuwa akupwayoolwa anga ninongo ibotu.

Malilo 1:10

Balwani ba njiyo bakabwesa buboni bwa njiyo boonse. Lyalo yakabona mishobo ya bakunsengwe keenjila amuŊanda yakwe Lesa. Ee, bantu abo Mwaami Lesa mbwaakalinga kukasha kwisa mumabungano akwe.

Malilo 1:7

Munshiku shakupenshekwa alimwi akwiingooka kwa njiyo, Ndabala ya Jelusalemu yayeeya abuboni boonse ubo mboyakalinga kucite kale kale. Bantu ba njiyo ndibakawita mumaansa a balwani ba njiyo, taaku muntu nabi womwi wakeecafwaako. Balwani ba njiyo bakeelangabo akwiiseka mboyakanyonyoolwa.

Osiya 13:15

Ono nabi bene Isilaeli bakanooswitilila pakati ka bamakwabo bamwi, ndaakutuma muuwo ulungula kuswa kuluyanga. Muuwo uyo ulaakuyumya tuntupu alimwi amikalo yabo. Muuwo uyo ulaakunyonyoola shintu shoonse shamakwebo mushipinda shabo shakusungilamo buboni.

Jowelo 3:5

Mwakabwesa silifa agolodi wangu pantu pomwi abuboni bwangu bumwi bwa makwebo akushitola mumaandaanu akulambililaamo.