Biblia Todo Logo
Biblia ya mtandaoni

- Matangazo -




1 Baami 20:1 - Baibo Busansulushi Bwa Libuku Ili

1 Paciindi ico Benadadi mwaami wa bene Silya wakabunganya bashilumamba bakwe boonse. Bamaami bamwi bali makumi otatwe abobilo bakesa mukumucafwa amaaki abo ashikoci shabo. Bakashinguluka ndabala ya Samaliya akwiilwana.

Tazama sura Nakili




1 Baami 20:1
28 Marejeleo ya Msalaba  

Mpeeke mwaami Asa wakabwesa silifa alimwi agolodi shoonse isho shakacaala muŊanda yakwe Lesa alimwi amuŋanda ya bwaami washituma mumaansa a bacinenenene bakwe kuDamasikasi. Wakashituma kuli Benadadi mwaami wa bene Silya mwanaakwe Tabilimoni alimwi wakalinga ngumushikulu kuli Esioni. Ono shakaya ankoombe yakwaamba ayi,


Ono mwaami wa bene Silya wakaambila bamatanjilili ba bashilumamba balwanina mushikoci bakalinga makumi otatwe abobilo, ayi batayi mukucaya umwi, sombibo mwaami wa bene Isilaeli.


Mwaami Benadadi wakasumina shaakaamba Asa akutuma bashilumamba abamatanjilili babo ayi baye balwane mandabala anene a mucishi ca Isilaeli. Bakakoma Ijoni, Dani, Abelo Beti Maaka, musena uli kufwaafwi aLweenge lwa Galili alimwi acishi coonse cakwe Nafutali.


Ndaakutuma mulilo paŋanda ya bwaami yakwe Asayelo akutenta shiyubilo shakwe Benadadi.


Mwebo nobaami muli baami ba bamaami. Lesa wa kwiculu wakamupa bulelo, nkusu shoonse alimwi abulemu.


“Nebo neMwaami Lesa Shinkusu shoonse ndaamba ayi, ‘Kuswa kumatwa ndaakuleta Nebukadinesa mwaami wa bene Babiloni, mwaami wiinda bamaami boonse kwisa mukulwana Taya. Ulaakwisa amaaki ashikoci, bashilumamba beshikulwanina pamaaki alimwi alikoto linene lya bashilumamba.


Ndaakutenta lubumbu lwa Damasikasi ashiyubilo shakayaka mwaami Beni Adadi. Nebo neMwaami Lesa Shinkusu shoonse ndaamba.”


Kwiinda mubeshinkombe bako walundika matushi pali ndime neMwaami Lesa.’ Wakaamba ayi, ‘Ndatanta tulundu ashikoci shiinji, ee, ndatanta atulundu tulaamfu twa mucishi ca Lebanoni. Ndakatimboola shisamu sha sida shilaamfu alimwi ashisamu sha mapaini shiindaawo kubota. Ndakashika kweela misaansa ya ncico, ee, mukati mumisaansa iindaawo kubota.


Ulalisumpula akwaamba ayi, “Bamatanjilili bangu ba bashilumamba boonse mbamaami.


“Ndime Atasakisesi, Mwaami wa baami, Ntoolembela ndiwe Esila mupailishi alimwi mufundishi wa Milawo yakwe Lesa wakwiculu. Ndakwaansha.


Ono amucite bobulya. Amukusheewo bamaami abo bali makumi otatwe abobilo pabutanjilili bwa nkondo, mubikeewo bamatanjilili ba bashilumamba.


Kulwana kwakatalika ciindi lisuba ndilyakashika pakati ka mutwi. Paciindi ico Benadadi abamaami abo mbwaakalinga kucafwanaabo bakalinga makumi otatwe aobilo ndibakalinga kucikolwa mumatente abo.


Kuswawaawo wakoola Kalundu ka Samaliya amaali asilifa ali 6,000 akaswa kumusankwa wakalinga kwiitwa ayi Shema. Omuli wakayaka ndabala akubikako lilinga liyumu akwiitumba ayi Samaliya, ili liina lyakaswa kuli Shema uyo wakalinga mwine kalundu ako.


Bene Filisiti bakalibungabunga ayi balwane bene Isilaeli. Bakalinga kucite shikoci sha nkondo shili shuulu makumi otatwe, beshikulwanina pamaaki bali shuulu shosanwe acomwi alimwi abashilumamba bamwi baanji anga ngumuseese wa muloombe lwa lweenge. Bakaya kuMikimashi kwicwe lya Beti Afeni akuyaka misumba yabo uko.


Mwaami Jabini uyo wakalinga kucite shikoci sha nshimbi shili 900 alimwi wakalinga kweendelesha bene Isilaeli calunkutwe kwamyaaka makumi obilo. Paceebo ceeci bene Isilaeli bakalilila Mwaami Lesa ayi abacaafwe.


Mpeeke Adonibeseki wakaamba ayi, “Ndakasutula shikumo shinene sha kumaansa akumyeendo sha bamaami bali makumi osanwe aobilo abo mbondakaambila kunoobweselela busekele panshi lya tebulu lyangu. Ono Lesa wambooshesha cishole.” Kuswawaawo bakamutola kuJelusalemu uko nkwaakaya mukufwita.


Mpeeke balaakulwana abantu ba mumandabala oonse ali mucishi ico Mwaami Lesa, Lesa wanu ncaatoomupa. Anu malinga alaamfu ayumu ayo ngomushoma oonse alaakumana kuwa.


“Na mutooya mukulwana abalwani banu, ono mwaboona ayi balicite maaki aanji, shikoci shiinji alimwi bashilumamba baanji kwiinda banenu, tamweelete kubaloonda. Mwaami Lesa, Lesa wanu uyo wakamukusha mucishi ca Ijipiti, ulaakuba amwebo.


Mpeeke ndaakuleta nkondo pali ndimwe akumupensha ceebo ca kupwaya cipangano cesu. Na mukabungane mumandabalaanu anene mukuyuba, lyalo ndaakumutumina malwashi atashilikwi. Aboobo mulaakukakatishikwa kulyaaba mumaansa a balwani banu.


Lyalo wakanyamuka ashikoci shakwe shoonse shankondo, kubikaawo ashimwi shiindaawo kubota shili myaanda yosanwe awomwi isho shakalinga kutanjililwa abamatanjilili ba nshisho.


Benadadi wakatuma nkombe mundabala inene iyo kuli Aabu mwaami wa cishi ca Isilaeli yakwaamba ayi, “Baami baBenadadi balisuni ayi


Mwaami wa kuSilya wakalinga kulwana abene Isilaeli. Wakeepusheepusha bamatanjilili ba bashilumamba bakwe akusala musena wakuyakawo misumba yabo.


Geyasi ndyaakalinga kulwiita mwaami mbuli Elisha mbwaakabusha muntu kuswa kubafu, mwanakashi uyo wakesa mukusenga kumwaami ayi abooshe ŋanda yakwe amuunda wakwe kuli nguwe. Mpomunyaawo Geyasi wakaambila mwaami ayi, “Nomulemekwa, anooyu mwanakashi alimwi amwanaakwe uyo Elisha ngwaakabusha kuswa kubafu.”


Tufuate:

Matangazo


Matangazo