1 Baami 2:6 - Baibo Busansulushi Bwa Libuku Ili

⁶ Webo ulishi cakucita. Utakamuleeki ayi afwe lufubo.

1 Baami 2:6 Marejeleo ya Msalaba

Matalikilo 42:38

Sombi Jakobo wakaamba ayi, “Mwanaangu taakoonshi kuya awebo. Mukwabo ulifwite, ono ngowacaalabo eenka. Cimwi cintu inga cacitika munshila. Ndacembela, aboobo buumba mbweenga wandetela inga bwancaya.”

Matalikilo 9:5

Na muntu watila bulowa bwa mubye, ulaakupekwa mulandu. Ndaakupa mulandu akucaya munyama uli woonse ucaya muntu.

Matalikilo 9:6

Muntu wakalengwa mucikoshanyo cangu, aboobo muntu uli woonse ucaya umwi, alakwe muntunyina ulaakumucaya.

2 Samwelo 3:39

Sunu nakubi kwaamba ayi ndime mwaami wakasalwa aMwaami Lesa kwiinda mukunanikwa mafuta, ndalinyumfwa kuuba, alimwi bana bakwe Seluiya aba banjumina abuumbi. Mwaami Lesa aalambule bakapondo aba kweelana amicito yabo ibiibi!”

1 Baami 2:7

“Sombi bana bakwe Basilayi wa kuGilyadi ukabafwite nkumbu akubalama kabotu mukwiinga bakantondesha nkumbu ndindakalinga kucica mukwanu Abisalomu.

1 Baami 2:9

Sombi utakamulekibo. Ulishi cakucita, ulyeelete kubona ayi uyu muntu wacaikwa.”

1 Baami 3:12

ntoocita ico ncewasenga. Ntookupa busongo alushibo kwiinda shakabawo kale amuntu uli woonse nabi nsheshi akabaasho.

2 Baami 22:20

Aboobo webo ulaakufwabo muluumuno kaantana kupa mulandu ndabala ya Jelusalemu.’ ” Lyalo basankwa abo bakaboolela kumwaami Josiya amakani ayo.

Kulumbaisha 37:37

Amuyeeye muntu utacite kampenda, ululeme. Muntu shiluumuno ulaakuba abamulunyungu bakwe.

Tushimpi 20:26

Mwaami musongo ulapupulusha akukusha bamucita shibi akubapa milandu kwakutabanyumfwila nkumbu.

Tushimpi 28:17

Muntu uyo upenshekwa aceebo cakutila bulowa bwa umwi ulaakunoocicacicabo kushikila akafwe, kuteelesha kumufuna.

Shikushimikila 8:11

Na beshimilandu bacelwa kupekwa milandu, bantu baanji balatalika kuyeeya kucita shintu shibiibi.

Isaya 48:22

Mwaami Lesa waamba ayi, “Sombi taaku luumuno kubamucita shibi.”

Isaya 57:2

Abo bekala buumi bubotu balenjila muluumuno. Kufwa kwabo kulaba nkoona ayi bookeshe.

Isaya 57:21

Taaku luumuno kubamucita shibi.” Mwaami Lesa waamba.

Isaya 65:20

“Muli njiyo teshi mukabeewo tubili kateta weshi akekalebo nshiku shiniini akufwa, nabi mucembele weshi akafwe kaatana kumana myaaka ya buumi bwakwe. Uyo weshi akafwe kaacitebo myaaka mwaanda, ulaakunoyeeyelwa ayi walinga kucilibo cikula bwangu. Alakwe uyo weshi akafwe kaatana kushika myaaka ili mwaanda, ulaakunooyeeyelwa ayi wakashinganwa.

Shakubelenga 35:33

Mutabishi cishi ncemushiiteemo ceebo kucaya muntu kulabisha cishi. Cishi tacikoonshi kusalashikwa kweelana amulawo, sombibo na mucayi uyo alakwe wacaikwa.