1 Baami 2:5 - Baibo Busansulushi Bwa Libuku Ili

⁵ “Cimwi cikani nci. Uliingashite ncaakacita Joabu mwanaakwe Seluiya kuli ndime ndyaakacaya bamatanjilili bobilo ba bashilumamba bene Isilaeli, Abina mwanaakwe Na alimwi aAmasa mwanaakwe Jeta. Uliingashite mbuli mbwaakabacaya muciindi ca luumuno mukuboosha cishole pamfwa nshibakalengesha muciindi ca nkondo. Wakacaya bantu batacite mulandu. Ono nebo ndime ncite mulandu paceeco ncaakacita. Aboobo shoonse shamulandu uyo shilisukeme ndime.

1 Baami 2:5 Marejeleo ya Msalaba

2 Samwelo 17:25

Abusalomu wakalinga wasala Amasa kuba mutanjilili wa bashilumamba bakwe mumusena wakwe Joabu. Amasa wakalinga mwanaakwe Jeta mwine Ishimaeli uyo wakeeba Abigelo mwanaakwe Naashi alimwi nankashi yakwe Seluiya nyina Joabu.

2 Samwelo 18:12

Sombi musankwa uyo wakakumbula ayi, “Nakubi kwaamba ayi cilaamba kupekwa maali a silifa ali cuulu, nebo nshikoonshi kucita boobo kumwanaamwaami. Swebo soonse twakalinga kunyumfwite mwaami ndyaakalinga kwaambila ndimwe, baAbishayi alimwi abaItayi ayi, ‘Ceebobo ca ndime Abusalomu mutamuciisi.’

2 Samwelo 18:14

Mpomunyaawo Joabu wakaamba ayi, “Teshi mane ciindi kwaamba awebo!” Mpeeke wakabwesa masumo otatwe akukulunga Abusalomu mucaamba kaacili muumi mucisamu ca mubanga mulya.

2 Samwelo 18:5

Kuswawaawo Defedi wakaambila Joabu, Abishayi alimwi Itayi ayi, “Ceebobo ca ndime Abusalomu mutamuciisi.” Mpeeke bashilumamba boonse bakanyumfwa mwaami kaalwiita mutanjilili womwi awomwi pacikani cakutacisa Abusalomu.

2 Samwelo 2:13

Alakwe Joabu mwanaakwe Seluiya wakanyamuka abashilumamba bakwe Defedi akuya mukukumanaabo kucishiba ca Gibyoni. Likoto limwi lyakekala kulubasu lomwi lwa cishiba alimwi kulubasu lumwi.

2 Samwelo 2:18

Bana bakwe Seluiya basankwa botatwe boonse bakalingaawo. Meenaabo nguJoabu, Abishayi alimwi aAsayelo. Asayelo wakalinga anga ndiaki kulubilo.

2 Samwelo 20:10

Amasa taakalinga kulitabilite kumupeeni wakalinga kucite Joabu mulyaansa limwi. Mpeeke Joabu wakayasa Amasa mulifumo mpomunyaawo mala akalokela panshi. Amasa wakafwa peenka apo cakutamuyasaawo alimwi. Kuswawaawo Joabu aAbishayi mukwabo bakakonkela Sheba mwanaakwe Bikili.

2 Samwelo 3:27

Ono Abina ndyaakaboola kuEbuloni, Joabu wakamutola kulubasu kumwinjililo anga ulisuni kubandikaakwe cabushishi. Mpeeke kweenka uko wakamuyasa mulifumo, wafwa. Joabu wakacita boobo kwaamba ayi abooshe cishole cakucaya Asayelo mukwabo.

2 Samwelo 3:39

Sunu nakubi kwaamba ayi ndime mwaami wakasalwa aMwaami Lesa kwiinda mukunanikwa mafuta, ndalinyumfwa kuuba, alimwi bana bakwe Seluiya aba banjumina abuumbi. Mwaami Lesa aalambule bakapondo aba kweelana amicito yabo ibiibi!”

1 Baami 1:7

Mpeeke Adonija wakanyumfwana aJoabu mwanaamwanakashi wiitwa ayi Seluiya alimwi aBiyata mupailishi. Abalo bakasumina kumucafwa mucikani ico.

1 Baami 2:32

Mwaami Lesa utooboosha cishole kuli Joabu ceebo cakucaya uko nkwaakacita cakutashibisha mwaami Defedi. Joabu wakacaya basankwa bobilo abo bakalinga kuyandika kwiinda nguwe. Meena abo nguAbina mwanaakwe Na, mutanjilili wa bashilumamba bene Isilaeli alimwi aAmasa mwanaakwe Jeta, mutanjilili wa bashilumamba bene Juda.

Jelemiya 2:34

Kushakufwala shako bantu balacanaako bulowa bwa bakandu batacite milandu nakubi kwaamba ayi tookwe kubacata kabeepa. Nakubi boobo

Jelemiya 6:15

Sa bakafwa nsoni ceebo ca micito yabo ilensha bunya? Nabi na tabanyumfwiiwo nsoni napaceyi? Tabacite acoomba nkoye nabibo paniini. Paceebo ceeco balaakuwa bweenka mbuli bamwi. Ndaakumana kubapa mulandu, cilaakuba ngomeelelesho abo. Nebo neMwaami Lesa ndaamba.”

Mateyo 3:4

Joni wakalinga kufwala shakufwala shakapangwa abooya bwa ngamela alimwi alaamba wacipaya mubukome. Wakalinga kulyabo nsoshi abuuci.

Dutolonomi 27:24

“ ‘Aashinganishikwe muntu uli woonse uyo ucaya mubye cabushishi.’ “Mpeeke bantu boonse balaakwaamba ayi, ‘Ameni!’