1 Baami 2:44 - Baibo Busansulushi Bwa Libuku Ili

⁴⁴ Ulishi shibiibi shoonse nshewakacitila bata baDefedi. Ono Lesa utooboosha cishole pashibiibi isho.

1 Baami 2:44 Marejeleo ya Msalaba

1 Baami 2:43

Ono ceebonshi webo wakapwaya cipangano cako akutanyumfwila ncendakaamba?

2 Baami 11:1

Ono Ataliya banyina mwaami Aasiya ndyaakabona ayi mwanaakwe musankwa bamucaya, wakaamba ayi boonse bamuŋanda ya bwaami bacaikwe.

2 Baami 11:12

Lyalo Jeoiyada wakakusha Joashi, wamufwalika mushini wa bwaami kumutwi. Lyalo wakamupa pakalembwa milawo ya bwaami. Mpomunyaawo Joashi wakananikwa mafuta akwaambilishikwa ayi ngumwaami. Bantu bakasangalala, bakamba mapaka akwaamba ayi, “Mwaami kaabukila buumi!”

Kulumbaisha 109:20

NoBaami baLesa, amupe mulandu balwani bangu munshila iyi, ee, abo baamba shibiibi pali ndime.

Kulumbaisha 7:16

Bubi bwakwe bulamuboolela mwiine, bukali bwakwe bulamulokela pamutwi wakwe.

Tushimpi 5:22

Micito ya mucita shibi nkoose kuli nguwe mwiine. Ncakwiila mwiine ulacatwa kumwaando wa shibiibi shakwe.

Esekelo 17:19

“Paceebo ceeco nebo neMwaami Lesa Shinkusu shoonse ndaamba ayi, ‘Kweelana ambocibete lushinisho ayi ndi muumi, ndaakumupa mulandu ceebo wakapwaya cipangano ico ncaakashomesha cakulumbila muliina lyangu ayi ulaakucilama.

Osiya 4:9

Ono bweenka mbweshi nkape milandu bantu abo panshila shabo amicito yabo, mbweeke ubo amwebo nobapailishi mbweshi mukacitwe pabubi bwanu.

Joni 8:9

Ndibakanyumfwa boobo, bakatalika kuswa womwi womwi, kutalikila kubamanene, kushikila Jesu wacaalabo eenka amwanakashi uyo kaaimfwi peenkaapo.

Bene Loma 2:15

Nshebacita shilatondesha kwaamba ayi shaamba Milawo shililembetwe mumyoyo yabo. Shintu nshebayeeya mumyoyo yabo shilatondesha ayi nshancinencine ceebo cimwi ciindi shilabalwiita ayi babisha nabi bacita kabotu.

1 Joni 3:20

Na myoyo yesu yatushinina, tuleshiba ayi lushibo lwakwe Lesa ndunene kwiinda lwa myoyo yesu alimwi ayi lakwe ulishi shintu shoonse.

1 Samwelo 25:39

Lyalo Defedi ndyaakanyumfwa ayi Nabali wakafwa, wakaamba ayi, “Aalumbwe Mwaami Lesa uyo waboosha cishole kuli Nabali ceebo cakutananga kabotu. Wanciba nebo nemusebenshi wakwe ayi ntaciti cibiibi akubooshela Nabali cibiibi cakwe.” Mpeeke Defedi wakatuma basankwa bakwe ayi bamwiipushisheko kuli Abigelo shakweeba.