1 Baami 2:22 - Baibo Busansulushi Bwa Libuku Ili

²² Mwaami Solomoni wakeepusha ayi, “Nceebonshi mulisuni kwaamba ayi nsuminishe Adonija kweeba Abishagi? Sa te kunembo inga mwamusengela acuuna ca bwaami? Kuteelabo waawo, Adonija ngumunene wangu, alimwi Abiyata mupailishi aJoabu mwanaakwe Suluiya bali kulubasu lwakwe.”

1 Baami 2:22 Marejeleo ya Msalaba

2 Samwelo 12:8

Ndakakupa bamuŋanda yakwe akubika bamakaakwe mumaansaako. Ndakakupa bwaami bwa bene Isilaeli abene Juda. Na ishi shoonse shakaceya naakwiinga ndakwiilikilaawo ashimwi.

2 Samwelo 16:21

Ayitofelo wakakumbula ayi, “Amukumanebo abakasuwa bakashiya baishiwanu ayi balame ŋanda ya bwaami iyi. Lyalo bene Isilaeli balaakunyumfwa ayi mwalipatisha cakutalyatana kuli baishiwanu. Munshila iyo beshikumukonkela baanji balaakuyuminishikwa.”

1 Baami 1:11

Mpeeke Natani wakaya kuli Batisheba, banyina Solomoni, akumwiipusha ayi, “Sa mwanyuumfwa ayi Adonija mwanaakwe Agiti walibika pabwaami alimwi baami besu baDefedi taaku ncebeshi?

1 Baami 2:15

Adonija wakakumbula ayi, “Mulishi kwaamba ayi nebo ndakalinga kweelete kuba mwaami alimwi bantu boonse muIsilaeli mbobakalinga kuyeeya ubo. Sombi cacitika ncimbi, mwanike wangu ngowakaba mwaami mukwiinga nkuyanda kwa Mwaami Lesa.

1 Makani 3:2

Wakuboolaawo nguAbusalomu ngwaakashalila muli Maaka mwanaakwe Talumayi mwaami wa bene Geshuli. Wakuboolaawo nguAdonija ngwaakashalila muli Agiti.

1 Makani 3:5

akushala baana bamwi baanji uko. Wakalinga kweebete Batisheba mwanaakwe Amiyelo. Batisheba wakamushalila baana bone, nkokwaamba ayi Shimeya, Shobabu, Natani alimwi aSolomoni.

Mateyo 20:22

Sombi Jesu wakabaambila ayi, “Tamwishi ncemutoosenga. Sa inga mwanwita munkomeshi ya mapensho njeshi nkanwiteemo?” Abalo bakakumbula ayi, “Ee, inga twacikonsha.”

Maako 10:38

Sombi Jesu wakabaambila ayi, “Tamucishi ncemutoosenga. Sa inga mwanwita munkomeshi ya mapensho njeshi nkanwiteemo? Sa inga mwabombekwa bweenka mbweshi nkabombekwe nebo?”

Jemusi 4:3

Alimwi nabi mwaseenga inga tamushitambuli ceebo miyeeyo njemucitila boobo njibiibi. Mulasenga shintu kwaamba ayi mushisebenseshe mukulikondelesha mwebo nobeene.