1 Baami 2:19 - Baibo Busansulushi Bwa Libuku Ili

¹⁹ Mpeeke Batisheba wakaya kumwaami Solomoni mukwaambililaako Adonija. Mwaami wakanyamuka akwansha banyina akubakotamina mukubapa bulemu. Lyalo wakekala pacuuna ca bwaami akutumisha cuuna cimwi cabwaami ayi acise apo banyina mpobakekala kulubasu lwakwe Solomoni lwalulyo.

1 Baami 2:19 Marejeleo ya Msalaba

Kulumbaisha 45:9

Pakati ka banakashi balemekwa, mpopacanika baana banakashi ba bamaami. Kululyo lwa cuuna canu ca bwaami nkokuli nabwiinga wa kubwalo ulifwete shakubotesha sha golodi wiine wiine.

Kulumbaisha 110:1

Mwaami, Lesa wakaambila mwaami wangu ayi, “Kala kulyaansa lyangu lyalulyo kushikila nkaalule balwani bako kwaamba ayi babe mpopakulyata myeendo yako.”

1 Baami 15:13

Wakakusha bankambiyakwe banakashi baMaaka pacuuna cabo kuŋanda ya kubwalo mukwiinga bakalinga bapanga cikoshanyo cilensha bunya cakwe lesa mwanakashi Ashela. Asa wakacitimbula akucitenta muCinyika ca Kidiloni.

Bene Lefi 19:32

“Kamubonesha bulemu kubamanene alimwi akubalemeka. Kamumpa bulemu akunyumfwila. Nebo ndime Mwaami Lesa.

Bene Lefi 19:3

“Womwi awomwi ulyeelete kulemeka banyina abaishi, alimwi mulyeelete kulama inshiku shakookesha kweelana ambondamulwiita. Nebo ndime Mwaami Lesa wanu.

Kulonga 20:12

“Lemeka baiso abanyoko kwaamba ayi ukekale nshiku shiinji mucishi ico nebo neMwaami Lesa nceshi nkakupe.

Mateyo 25:33

Ulaakubika mbelele kululyo lwakwe, ashalo mpongo kucipiko.

1 Baami 2:18

Batisheba wakakumbula ayi, “Cilibo kabotu, ntookwaambililaako kumwaami.”

Matalikilo 48:12

Lyalo Josefu wakabakusha pamubili pali Jakobo akufukama kunembo lyakwe cakushisha ciwa panshi.