1 Baami 19:21 - Baibo Busansulushi Bwa Libuku Ili

²¹ Mpomunyaawo Elisha wakaya kubasune bakwe akubacaya. Wakabateleka, majoko ngwaakaba nkuni. Mpeeke wakapa bantu nyama abalo bakalya. Lyalo wakaya, wakonkela Elija akuba mucafwi wakwe.

1 Baami 19:21 Marejeleo ya Msalaba

2 Samwelo 24:22

Alauna wakaambila Defedi ayi, “Ncibotu, nobaami inga mwaciita cili coonse cimusangalasha kubenga kuMwaami Lesa. Abasune mba ba mulambu wakutenta. Ishi shileyi amajoko aya shibebo nkuni.

Kulonga 24:13

Mpomunyaawo Mose alimwi aJoshuwa shikumucafwa, bakalibambila. Lyalo bakatalika kutanta kalundu kakwe Lesa.

Filimoni 1:13

Ndalinga kusuni ayi nkalaakwe kuno kwaamba ayi anoncafwaako mumusena wako, ndyencili muntolongo ceebo ca Makani Abotu.

2 Timoti 4:11

Luka eenka ngooli anebo. Ukabwese Maako akwisaakwe ceebo ulakonsha kuncafwa mumulimo.

Milimo ya Batumwi 13:5

Ndibakashika mundabala ya Salamisi, bakashimikila maswi akwe Lesa mushoonde sha baJuda. Bakalinga aJoni Maako uyo wakalinga kubacafwa.

2 Baami 3:11

Sombi mwaami Jeoshafati wakeepusha ayi, “Sa kuliiwo mulaluki wa Mwaami Lesa weenga watwiipushishaako kuMwaami Lesa?” Lyalo mutanjilili umwi wa bashilumamba bakwe Jolamu wakakumbula ayi, “Elisha mwanaakwe Shapati nkwaali. Wakalinga kucafwa Elija.”

2 Baami 2:3

Likoto lya balaluki bakalinga kwikala kweenka uko bakaya kuli Elisha akumwiipusha ayi, “Sa ulishi kwaamba ayi sunu Mwaami Lesa utootola mwaami wako kuswa kuli ndiwe?” Elisha wakakumbula ayi, “Ee, ndishi, sombi atwaaleeke.”

1 Baami 18:43

Lyalo Elija wakaambila musebenshi wakwe ayi, “Koya ulange cakulweenge.” Musebenshi uyo wakaya walangaako akwaamba ayi, “Taakuuwo ncendabona.” Mankanda osanwe aobilo Elija wakaambila musebenshi wakwe ayi, “Koya, ulangeeko.”

1 Samwelo 6:14

Cikoci cakaya mumuunda wa musankwa wakalinga kwiitwa ayi Joshuwa uyo wakalinga kwikala muBeti Shemeshi akwiimikana umo pafwaafwi amwaandami. Mpeeke bantu bakatimboola cikoci ico cakalinga ca mapulanga, bacaya mpwishi isho akushibenga ayi ngumulambu wakutenta kuMwaami Lesa.