1 Baami 19:2 - Baibo Busansulushi Bwa Libuku Ili

² Aboobo Jesebelo wakatuma nkombe kuli Elija ayi “Na ciilo paciindi ceenka cino nkabule kucita kuli ndiwe mbowakacita balaluki abo, balesa abakancaaye.”

1 Baami 19:2 Marejeleo ya Msalaba

2 Samwelo 19:13

Amasa lakwe mumulwiite ayi, ‘Webo tuli bulowa bomwi. Ono Mwaami Lesa ampe mulandu nabi unene cili buyani na kuswa sunu webo teshi ube mutanjilili wa likoto lya bashilumamba bangu mumusena wakwe Joabu.’ ”

2 Samwelo 3:9

Ono Mwaami Lesa aampe mulandu nebo neAbina, nabibo unene, na mbule kucitila Defedi ico Mwaami Lesa ncaakamushomesha cakulumbila.

1 Baami 2:23

Mpeeke Solomoni wakashomesha cakulumbila muliina lya Mwaami Lesa ayi, “Lesa aancaaye na mbule kulengesha Adonija kulipila buumi bwakwe pakusenga kwakwe uku!

1 Baami 2:28

Joabu, uyo wakalinga kulubasu lwakwe Adonija kuteshi kuli Abusalomu, ndyaakanyumfwa shakacitika, wakacicila kuTente ya Cipangano akucata mumakonko a cipaililo aboneka anga ngameeca.

1 Baami 20:10

Lyalo Benadadi wakatuma aimwi nkombe kuli Aabu yakwaamba ayi, “Ntooleta bashilumamba baanji kwaamba ayi bese banyonyoole ndabala yanu inene akwiipelapela cakubabo lusuko. Balesa bangu bancaaye na mbule kucita cintu ici!”

2 Baami 19:22

Ngani ngowalinga kutukana akucobola? Ngani ngootookalookila akusaamuna meenso cakulisumpula? Sa te ngooyo Usalalite wa bene Isilaeli?

2 Baami 6:31

Mpeeke wakoolobesha ayi, “Mwaami Lesa ampe mulandu nabi unene buyani na Elisha mwanaakwe Shafati mbule kumusutula mutwi lisuba kalitana kuwa!”

Kulonga 10:28

Kuswawaawo mwaami Falawo wakaambila Mose ayi, “Swa waawa! Nshisuni kukubona lyobilo! Bushiku bwakukubona, bulaakuba ndolufu lwako!”

Kulonga 15:9

“Mpeeke mulwani wakaamba ayi, ‘Ntoobakonkela kushikila mbacaane. Ntoobaanya buboni bwabo, ntoobwesa shoonse nsheensuni. Ntookusha mupeeni wangu, ntoobanyonyoola alyaansa lyangu.’

Tushimpi 27:1

Mutalilumbaishi palwa ciilo, ceebo tamwishi ciilo mbweshi bukace.

Jelemiya 20:10

Nebo ndanyumfwa maswi aanji kaatepeta ayi, “Kuli mapensho ayoosha kumbasu shoonse! Aaluulwe! Ee, atumuluule!” Beensuma boonse batoolindilila ayi ndubye akwaamba ayi, “Mpashi inga weendwa kumaano, lyalo inga twamucata akumubooshesha cishole.”

Jelemiya 26:21

Ono mwaami Jeoiyakimu, bacinenenene bakwe boonse alimwi abamatanjilili ndibakanyumfwa maswi akwe, mwaami wakalinga kusuni ayi amucaaye. Sombi Uliya wakanyumfwa cikani ico, aboobo wakaloonda akucicila kuIjipiti.

Danyelo 3:15

Ono bulya na mukanyumfwe mapeenga, pesule mukanyumfwe mitoolilo, tunkobele, tulumbu tunene atuniini alimwi akulila kwa shakulisha shimwi shoonse, mukafukame akulambila cibumbwabumbwa. Ono na mukabule kucita boobo, ciindi ceenka ico mulaakuwaalwa mumunyumbi mutoonyaka mulilo uyoosha. Sa mutooyeeya ayi kuli lesa weshi akamupulushe kuswa mumaansaangu?”

Lute 1:17

Uko nkweshi mukafwite, anebo nkweshi nkafwite alimwi kweenka uko nkweshi nkabikwe. Lesa aakampe mulandu na cimwi, kuleka lufu, cikampansaanye amwebo!”