1 Baami 18:7 - Baibo Busansulushi Bwa Libuku Ili

⁷ Obadiya ndyaakalinga kuya bweenda, wakakumanya Elija. Wakamwishiba, mpeeke wakafukama panembo lyakwe, akwiipusha ayi, “Sa ncakwiila ndimwe nkambo?”

1 Baami 18:7 Marejeleo ya Msalaba

Mateyo 11:8

Ino nciinshi ncemwakaya mukubona? Sa ngumuntu wakalinga kufwete shakufwala shibotu? Tau, bafwala shakufwala shibotu balekala mumaanda a bamaami.

Mateyo 3:4

Joni wakalinga kufwala shakufwala shakapangwa abooya bwa ngamela alimwi alaamba wacipaya mubukome. Wakalinga kulyabo nsoshi abuuci.

Isaya 60:14

Ncakwiila baana basankwa ba baabo bakalinga kukulyatilila balaakunoosa mukufukama kunembo lyako. Boonse abo bakusebaanya balaakwisa mukufukama muliimfwa lyako alimwi balaakunookwiita ayi, ‘Ndabala inene ya Mwaami Lesa Siyoni, ndabala ya Usalalite wa bene Isilaeli.’

1 Baami 11:29

Bumwi bushiku Jeloboamu wakalinga kuya bweendeenda kuswa kuJelusalemu, wakakumanya Aija mulaluki kaaswa kuShilo eenka, mucishi citacite shisamu kaafwete amungaanjo upya.

2 Samwelo 19:18

Bakasubuka mulonga kwaamba ayi bashindikile bamuŋanda yakubwalo akucita cili coonse mwaami Defedi ncaakalinga kusuni. Mpeeke mwaami Defedi ndyaakalinga kuyanda kusubuka, Shimeyi wakaya waliwaala kunembo lyakwe

1 Samwelo 20:41

Mwanike ndyaakaya, Defedi wakanyamuka kuswa kulubasu lwakumalenge a mulwi wa mabwe akufukamina Jonasani mankanda otatwe cakushisha ciwa panshi. Kuboolaawo bakafyontana akulila buumpute boonse bobilo. Nakubi boobo Defedi wakeendaawo kulila.

Shakubelenga 12:11

wakaambila Mose ayi, “Ndapapaata nkambo, ayi mutatulengeshi kuba amulandu uyu ceebo ca cibiibi ca buluya bwesu.

Matalikilo 50:18

Lyalo bamakwabo bakesa palwaabo bene akukotamina Josefu akwaamba ayi, “Twalileta, tuli basha banu.”

Matalikilo 44:33

Ono aboobo nobaami, amuleke nebo nemusebenshi wanu ncaale akuba musha wanu mumusena wa mwanike wesu. Lakwe aye abamakwabo.

Matalikilo 44:20

Twakakumbula ayi, ‘Tulicite baishiwesu bacembele amwanike wesu musankwa ngobakashalila kubucembele. Mukwabo mwanike uyo ulifwite, aboobo ngowacaalawobo kuli banyina. Ono baishi balimusuni abuumbi.’

Matalikilo 44:16

Juda wakakumbula ayi, “Anu inga twaambanshi nkambo? Anu inga twapikisha amaanonshi? Anu inga twatondesha buyani ayi tatucite mulandu? Lesa wayubulula mulandu wesu, bulya swebo soonse tuli basha banu kuteshibo wooyo wacaninwa nkomeshi.”

Matalikilo 18:12

Aboobo Saala wakaseka mwiine eenka akwaamba ayi, “Ono bulya mbondacembela akumana nkusu sa inga kukumana abamaandaangu kwankonda? Alimwi abalo bamaandaangu bakula.”

Matalikilo 18:2

wakeenamuka akubona bantu botatwe kabeemfwi pafwaafwi bulya. Ndyaakababonabo wakabacicilila kwaamba ayi abaanshe. Wakafukama akushisha ciwa panshi,

1 Baami 18:6

Lyalo bakaabana cishi. Aabu wakalanga kumwi, alakwe Obadiya kumbi.

1 Baami 18:8

Elija wakakumbula ayi, “Ee, ndime. Ono koya ukalwiite mwaami wako ayi Elija ndamucana.”