1 Baami 18:5 - Baibo Busansulushi Bwa Libuku Ili

⁵ Obadiya ndyaakashika, Aabu wakamwaambila ayi, “Tiya tukabone mutuntupu amuya mulonga moonse kwaamba ayi tubone na inga twakacanaawo bwiisu buunji bwakwaamba ayi maaki ashifubwa shili anga nimbongolo shitafwi kunsala. Mpashi teshi tukacaye shifubwa shesu nabi comwi.”

1 Baami 18:5 Marejeleo ya Msalaba

1 Baami 18:4

Paciindi Jesebelo ndyaakalinga kucaya balaluki ba Mwaami Lesa, Obadiya wakashisa balaluki bakalinga mwaanda mushimfwengo shobilo. Mucimfwengo comwi amomwi kamuli bantu makumi osanwe, osanwe. Balaluki abo wakalinga kubapa shakulya amaanshi.

1 Baami 18:6

Lyalo bakaabana cishi. Aabu wakalanga kumwi, alakwe Obadiya kumbi.

Kulumbaisha 104:14

Mulalengesha mweemfu wakulya ŋombe kukula alimwi ashishango isho bantu nshebalima kwaamba ayi kuswa mubulongo bacane shakulya,

Jelemiya 14:3

Bacinenenene balatumaako basebenshi babo mukuteka maanshi, sombi mumikalo tabacaniimo maanshi, sobwe. Balaboolamobo anongo shabo shitacite maanshi. Lyalo balalifweka pameenso ceebo ca nsoni akutyongola.

Jowelo 1:18

Ŋombe shitoolila kunsala ceebo mumafulo a nshisho taamu bwiisu. Ashalo mbelele shapenga abuumbi.

Jowelo 1:20

Ncakwiila abanyama bamuluundu batoomulilila mukwiinga tulonga toonse twamana kuyuma. Aalo mafulo amana kupya kulumwi.

Jowelo 2:22

Nobanyama ba muluundu mutaloondi. Mafulo asonsa mweemfu. Shisamu shatalika kucata shisepo alimwi shisamu sha nkuyu asha minyansa shacata shisepo shiinji.

Amosi 4:8

Bantu bakalinga kuya citalantanta kuswa kundabala yomwi tibili akuimwi kuya ciyandoola maanshi akunwa. Nakubi boobo tabakwe kucanaako maanshi akwana kunwa. Sombi mwebo tamukwe kusandukilawo kuli ndime. Nebo neMwaami Lesa ndaamba.”

Abakuku 3:17

Nakubi kwaamba ayi mikuyu teecite maluba, nabi myuunda ya minyansa teekwe kucata shisepo, nabi shisamu sha maolifi tashikwe kucata, nabi myuunda yoonse teekwe kukusha shilyo nabi taamu mbelele mushimpati alimwi aŋombe mushimpati sha nshisho