1 Baami 18:12 - Baibo Busansulushi Bwa Libuku Ili

¹² Ino na cicanike kwaamba ayi mushimu wa Mwaami Lesa wamutola kumusena utashibikitwe ndaswaawobo? Ono na ndwiite mwaami Aabu ayi muli kokuno, sombi abule kumucanaako, ncakwiila ulaakuncaya. Amwiibaluke kwaamba ayi nebo nemusebenshi wanu ndi muntu ulambila Mwaami Lesa abuumbi kuswabo kubwanike bwangu.

1 Baami 18:12 Marejeleo ya Msalaba

1 Baami 18:11

Ono mutoondwiita ayi nebo nje nkalwiite mwaami wangu ayi mwebo muli kokuno?

2 Baami 2:11

Mpomunyaawo kabaya cibandika, pakati pali mbabo pakaboneka cikoci ca mulilo cakalinga kukwelwa amaaki a mulilo. Lyalo kapupuulwa kakatola Elija kwiculu.

2 Baami 2:16

akwaamba ayi, “Swebo tuli makumi osanwe alimwi soonse tuli bayumu. Amutusuminishe tuye tulangoole mwaami wanu. Mpashi Mushimu wa Mwaami Lesa wamutola pakalundu kamwi nabi mucinyika cimwi.” Elisha wakakumbula ayi, “Sobwe mutayi.”

2 Makani 34:3

Mumwaaka wasanu ayotatwe wa bwaami bwakwe, lakwe kacilibo mwanike, wakatalika kulambila Lesa wakwe Defedi mushali wakwe mukulukulu. Lyalo mumwaaka walikumi ayobilo wa bwaami bwakwe, wakatalika kunyonyoola misena yakulambililaako ya patulundu, shikoshanyo shakwe Ashela lesa mwanakashi ashibumbwabumbwa shimwi shoonse mucishi ca Juda amundabala ya Jelusalemu.

Kulumbaisha 71:5

Kulangila kwangu kuli muli ndimwe noBaami baLesa bangu Beshinkusu shoonse. Ndicinkite manungo muli ndimwe kuswabo kubwanike bwangu.

Tushimpi 8:13

Kuloonda Mwaami Lesa nkupata bubi. Nebo ndipatite kulisumpula, kulyuuma mucaamba, mibo ibiibi akwaamba shintu shitaluleme.

Shikushimikila 7:18

Ncibotu kucata comwi cakutapusumusha cimwi. Muntu ulemeka Lesa ulakonsha kucita boobo.

Isaya 50:10

Ono ngani pakati kanu ulemeka Mwaami Lesa akunyumfwila shaamba musebenshi wakwe? Uyo woonse weendela mumunshinshe, ee, uyo utacite mumuni, aacinke manungo muMwaami Lesa akushomabo Lesa wakwe.

Esekelo 11:24

Lyalo mucili anga nciloto ico, Mushimu wakwe Lesa wakanyamuna akumboosha kubaabo bakatolwa mubusha bakalinga kuBabiloni. Pesule cili anga nciloto ico cakashimingana.

Esekelo 37:1

Mpeeke nkusu sha Mwaami Lesa shakanselukila. Mushimu wakwe wakantola pakati ka cinyika ico cakalinga kuswitebo mafuwa.

Esekelo 8:3

Wakatandabika cakalinga kuboneka anga ndyaansa akunyamwita kumisusu. Mpomunyaawo mucili anga nciloto ico, Mushimu wakwe Lesa wakanyamuna kuntola pakati ka liculu acishi ca panshi akuntola kuJelusalemu. Wakantola kumulyango wa mwinjililo wa kumatwa wa lubansa lwa mukati lwa Ŋanda yakwe Lesa. Kumulyango uko kwakalinga kwiimfwi cibumbwabumbwa cakalinga kukalasha Mwaami Lesa.

Mateyo 2:16

Ono Elodi ndyaakabona ayi bamwiinda kumaano bantu balya basongo, wakakalala abuumbi. Lyalo wakatuma bantu ayi baye bakacaye baana basankwa boonse muBetileemu alimwi amumisena yakalinga kushingulukite, abo bakalinga kucite myaaka yobilo kuboola panshi. Wakapima myaaka iyo kweelana aciindi nceyakaboneka nyenyeenshi mbuli mbobakamulwiita basongo.

Mateyo 4:1

Lyalo Jesu wakatanjililwa aMushimu Usalashi kuya muluyanga ayi akasunkwe aMubiibi.

Luka 1:15

Mwaana uyo ulaakunoocite bulemu bunene kuli Lesa alimwi teshi akanwewo waini nabi shimwi shikola. Lakwe ulaakushalwa kaaswite Mushimu Usalashi.

Milimo ya Batumwi 12:19

Elodi ndyaakanyumfwa boobo, wakapingula ayi bamulangoole, sombi tabakwe kumucana. Lyalo wakeepushisha bashilumamba abo akwaamba ayi balyeelete kucaikwa. Kuswawaawo, Elodi wakaswaako kuJudeya akuya kuSisaliya nkwaakaya mukwikala nshiku shiniini.

Milimo ya Batumwi 8:39

Ndibakaswa mumaanshi, Mushimu wa Mwaami wakanyamunawo Filipo. Kuswawaawo mweendeleshi uyo taakwe kumubonaawo alimwi, sombi wakatolelela lweendo lwakwe kaasangalete.

2 Timoti 3:15

alimwi uleebaluka kwaamba ayi kuswa kubwanike ulishi Malembo akwe Lesa asalalite, ayo akonsha kukupa busongo bweenga bwakuletela lupulusho kwiinda mukushoma Klistu Jesu.

1 Samwelo 16:2

Sombi Samwelo wakaamba ayi, “Nshikoonshi kuya mukwiinga Saulo cikani ico utoocinyumfwa lyalo utooncaya.” Mwaami Lesa wakaamba ayi, “Nyamunina akapwishi uye waambe ayi, ‘Ndesa mukubenga mulambu kuMwaami Lesa.’

1 Samwelo 2:18

Sombi Samwelo abwanike bwakwe, wakatolelela kusebensela Mwaami Lesa. Wakalinga kufwala cakufwala ca bupailishi ciitwa ayi efodi.

1 Samwelo 2:26

Mwanike Samwelo wakalinga kuya bukula akuya ciba muntu ukondelesha Mwaami Lesa abantu boonse.