1 Baami 18:1 - Baibo Busansulushi Bwa Libuku Ili

¹ Ndipakeenda ciindi, mumwaaka watatu wa cilanga, Mwaami Lesa wakaambila Elija ayi, “Koya ulishiishe kumwaami Aabu, lyalo ndaakutuma mfula.”

1 Baami 18:1 Marejeleo ya Msalaba

Luka 4:25

“Ono amunyumfwe, kwakalinga bamukalubinje banakashi baanji mulya muIsilaeli munshiku shakwe Elija mulaluki mukulukulu, ndikwakabula mfula myaaka yotatwe amyeenshi yosanwe awomwi, kwakaba nsala inene mucishi coonse.

Jemusi 5:17

Amubone Elija wakalinga muntu bweenka mbuli ndiswe. Wakapaila kuswa kuunshi kwa moyo kwaamba ayi mfula italoki, ncakwiila taikwe kuloka kwamyaaka yotatwe amusa.

1 Baami 17:1

Ono mulaluki wakalinga kwiitwa ayi Elija, wa mundabala ya Tishibe mucishi ca Gilyadi, wakaambila mwaami Aabu ayi, “Kweelana ambocibete lushinisho ayi Mwaami Lesa, Lesa wa bene Isilaeli uyo ngoonsebensela ngumuumi, ntoomwaambila ayi teshi kukabewo mume nabi mfula kwamyaaka ili yobilo nabi yotatwe kushikila nkaambe ayi kube boobo.”

Dutolonomi 28:12

Mwaami Lesa ulaakunoomuloshesha mfula kuswa moomo mwaisunga mwiculu paciindi ceelete, akumupa coolwe mumilimo yoonse. Mpeeke mulaakukweletesha mishobo iinji, sombi mwebo taaku nkweshi mukakweleteewo.

1 Baami 18:2

Mpomunyaawo Elija wakanyamuka. Paciindi ico nsala mucishi ca Samaliya yakalinga yakalala.

Jowelo 2:23

Nobene Siyoni, amukondwe Amusangalalile muMwaami Lesa, Lesa wanu mukwiinga wamupa mfula ya mainsa mubululami bwakwe. Wamupa amfuula inene yakutalikila ayakumeelelesho mbuli kataanshi.

Bene Lefi 26:4

ndaakumupa mfula paciindi ceelete kwaamba ayi mumyuunda mukaswe shakulya alimwi ashisamu shikacate shisepo.

Ciyubululo 11:6

Bakamboni aba balicite nkusu shakushinka mwiculu, kwaamba ayi mfula italoki munshiku nshebatooshimikila makani akwe Lesa. Balicite nkusu shakusandula tuntupu twa maanshi ayi tube bulowa alimwi ankusu shakuleta mwaalu uli woonse mucishi ca panshi ciindi cili coonse ncebasuni.

Amosi 4:7

Ndakamucatila amfuula kakucili myeenshi yotatwe ayi kutebula kushikile. Ndime ndakalengesha mfula kuloka mundabala yomwi, sombi kuteshi mundabala imwi. Ndakeelengesha kuloka mumuunda womwi, sombi kuteshi mumuunda umwi, aboobo mwakayumabo nta!

Jelemiya 14:22

Sa shibumbwabumbwa shilicite nkusu shakuleta mfula? Sa liculu lyeenka inga lyakonsha kulosha mfula yatepetepe? Sobwe, ndimwebo, Nobaami baLesa, baLesa besu. Aboobo kulangila kwesu kulibo kuli ndimwe ceebo ndimwebo nweenka nomucita shoonse ishi.

Jelemiya 10:13

Na waluluma, maanshi a mwiculu alayooma. Ulalengesha makumbi kunyamuka kuswa mweela cishi ca panshi. Lyalo ulalengesha kubeka mumfula akuleta muuwo kuswa mumisena yakwe yakusungilamo shintu.

Isaya 5:6

Ndaakulengesha muunda uyo kuba musena utacite mpindu mukutakwesoolaako nabi kuusakwita. Mpeeke palaakumena lukupu amyuumfwa. Ncakwiila ndaakukasha makumbi kulosheshawo mfula.”

1 Baami 17:15

Mpeeke mukalubinje uyo wakaya mukucita mbuli mbwaakamulwiita Elija. Lyalo boonse botatwe bakaba ashakulya sha nshiku shiinji.

1 Baami 17:7

Ndipakeenda ciindi kalonga ako kakayuma mukwiinga tekwakalinga mfula.

Ciyubululo 11:2

Sombi utapimi musena uli kunsengwe lya Ŋanda yakwe Lesa mukwiinga wakapekwa kubaswamashi bakunsengwe, abo mbweshi bakalyatoole Ndabala inene Isalalite kwamyeenshi ili makumi one alimwi ayobilo.

1 Baami 8:36

amubakutike uko kwiculu. Amulekelele shibiibi sha mwaami asha bantu banu bene Isilaeli. Amubaiishe kucita shiluleme. Lyalo, noBaami baLesa amutume mfula mucishi canu ico ncemwakapa bantu banu ayi ncabo kwalyoonse alyoonse.