1 Baami 17:6 - Baibo Busansulushi Bwa Libuku Ili

⁶ Wakalinga kunwa maanshi akalinga kuswa muKalonga ka Keliti alimwi abalo bacikwangala bakalinga kuleta shinkwa anyama lyoonse macuunsa amacolesha.

1 Baami 17:6 Marejeleo ya Msalaba

Luka 22:35

Jesu wakeepusha bashikwiiya bakwe ayi, “Lilya ndindakamutuma kamutacite mpotomona, coola nabi nsapato, sa kuli ncemwakapenga?” Balo bakakumbula ayi, “Taaku.”

Mateyo 19:26

Jesu wakabalanga akubaambila ayi, “Kubantu ici inga tacicitikiiwo, sombi kuli Lesa inga cacitika mukwiinga shoonse shintu shilakonsheka kuli nguwe.”

Jelemiya 37:21

Mpomunyaawo mwaami Sedekiya wakapa mulawo ayi mbikwe mulubansa lwa ŋanda ya bwaami alimwi akunoopekwa shinkwa womwi bushiku abushiku uswa kubeshikuupanga kushikila woonse ukamaane mundabala inene iyo. Aboobo nebo neJelemiya ndakekala kumusena uyo.

Isaya 33:16

Uyu ngomuntu weshi akabule cakulisukama. Uyo ulaakunoolibo anga ngumuntu ucite ciyubilo pakalundu. Ulaakunoopekwa shakulya aalo maanshi teshi akamumanineewo.

Kulumbaisha 37:19

Teshi bakapengeewo nabibo muciindi cibiibi. Muciindi ca nsala balo balaakunoocite shakulya shiinji.

Bene Ebulu 6:18

Anu shintu shobilo ishi, kushomesha alimwi akulumbila, shilaakucitika cancinencine alimwi Lesa inga taabeciiwo pali nshisho. Aboobo, Lesa wakalinga kutuyumyayumya sotwakacicila kuli nguwe, ayi tuyuminine mukulangila nkwaakatupa.

Kulumbaisha 37:3

Cinka manungo muMwaami Lesa akucita shibotu. Lyalo ulaakukonsha kwikala mucishi ici kakutaaku cakulisukama.

Boomboloshi 14:14

Mpomunyaawo wakabaambila ayi, “Mucintu cilya babye mwakaswa cakulya, mucintu cankusu mwakaswa shicite mise.” Panshiku shotatwe bakaalilwa kukasansulula.

Shakubelenga 11:23

Alakwe Mwaami Lesa wakeepusha ayi, “Sa nkusu shangu nebo shileela? Onoonobo utoobona na nceendaamba citoocitika nabi sobwe!”

Jelemiya 40:4

Sombi sunu ntookwaangulula ncetani shili kumikono yako. Katiya soonse kuBabiloni na ulisuni. Ndaakukulama. Ono na kootasuni, cilibo kabotu. Bona, inga wasala musena uli woonse ngweenga koosuni mucishi cino akuya mukwikala.”

Kulonga 16:35

Bene Isilaeli bakalinga kulya mana kwamyaaka ili makumi one tibili ndibakashika mucishi mwakalinga kwikala bantu. Bakalinga kulya mana tibili ndibakashika kunyinsa ya cishi ca Kenani.

1 Baami 17:5

Elija wakanyumfwila shakaamba Mwaami Lesa akuya mukwikala kuKalonga ka Keliti kwicwe lya Joodani.

1 Baami 17:7

Ndipakeenda ciindi kalonga ako kakayuma mukwiinga tekwakalinga mfula.

1 Baami 13:28

Mpeeke wakanyamuka akuya mukucana mubili wa mulaluki kookungubete munshila. Mbongolo ankalamu ashalo shakalinga kwiimfwi pafwaafwi amubili. Nkalamu taikwe kulyaawo mubili nabi kulumaawo mbongolo, sobwe.

1 Baami 19:6

Wakalangalanga wabona shinkwa womwi wakayokwa pamakalangasha anongo ya maanshi pafwaafwi akumutwi wakwe. Wakalya akunwa akuboolela mutulo alimwi.

1 Baami 19:8

Elija wakabuka walya akunwa. Lyalo cakulya cakamupa nkusu shakweenda nshiku makumi one kuya mukushika kuSinayi kalundu kasalalite.

Kulumbaisha 33:18

Sombi meenso a Mwaami Lesa ali pabaabo bamulemeka, abo bacinkite manungo mulusuno lwakwe lutamaani.