1 Baami 16:12 - Baibo Busansulushi Bwa Libuku Ili

¹² Mpomunyaawo kweelana amakani akaamba Mwaami Lesa kuli Baasha kwiinda mumulaluki Jewu, Simuli wakacaya boonse bamuŋanda yakwe Baasha.

1 Baami 16:12 Marejeleo ya Msalaba

1 Baami 14:18

Lyalo bene Isilaeli bakamulila mwaana uyo akumufukila, bweenka bwakaamba Mwaami Lesa kwiinda mumusebenshi wakwe mulaluki Aija.

1 Baami 15:16

Asa mwaami wa bene Juda alimwi aBaasha mwaami wa bene Isilaeli bakalinga mbeshikulwanabo muciindi coonse cakulela kwabo.

1 Baami 16:1

Lyalo Mwaami Lesa wakaambila mulaluki Jewu mwanaakwe Anani makani akushinina Baasha ayi,

1 Baami 16:3

Aboobo ntookunyonyoola webo abamuŋanda yako boonse bweenka mbondakacita Jeloboamu mwanaakwe Nebati.

1 Baami 16:7

Makani akaswa kuMwaami Lesa akushinina Baasha abamuŋanda yakwe akaambwa kwiinda mumulaluki Jewu mukwiinga wa shibiibi isho nshaakacita kuMwaami Lesa. Wakasonkomona bukali bwa Mwaami Lesa, kuteshibo ceebo ca bubi ubo mbwaakacita mbweeke bwakacita mwaami Jeloboamu, sombi aceebo cakucaya bamuŋanda yakwe Jeloboamu boonse.

1 Baami 17:16

Fulaulo tookwe kumanaawo mumbale aalo mafuta taakwe kumanaawo munkomeshi kweelana abwakashomesha Mwaami Lesa kwiinda muli Elija.

2 Baami 14:25

Wakakoma alimwi shishi shoonse shakalinga sha bene Isilaeli kuswa kumwinjililo wa kuAmati kumatwa tibili akuLweenge lwa Mwiinyo kumalenge. Ici nceceeco Mwaami Lesa, Lesa wa bene Isilaeli ncaakashomesha kumusebenshi wakwe mulaluki Jona mwanaakwe Amitayi uyo wakalinga kuswa kuGati Efeli.

2 Makani 10:15

Cakacitika boobo kweelana akuyanda kwa Mwaami Lesa kwaamba ayi nshaakaambila Jeloboamu mwanaakwe Nebati kwiinda muli Aija mulaluki wa kuShilo, shicitike cancinencine. Nceceeco mwaami Leoboamu ncaatakwe kubikila maano kubantu.

2 Makani 19:2

Mpeeke Jewu mulaluki mwanaakwe Anani, wakaya mukukumanya mwaami akumwaambila ayi, “Sa mutooyeeya ayi cililuleme kucafwa bamucita shibi akulwana kulubasu lwa bantu bapatite Mwaami Lesa? Ici ncemwacita calengesha bukali bwa Mwaami Lesa kwisa pali ndimwe.

2 Makani 20:34

Shintu shoonse shimwi shakacita Jeoshafati mubwaami bwakwe kuswa kumatalikilo kushikila kumeelelesho, shililembetwe mulibuku lyakwe Jewu mwanaakwe Anani. Libuku ili ncipansha ca libuku lya buumi bwa bamaami ba bene Isilaeli.

Tushimpi 26:6

Kutuma muluya makani cilibo anga nkulitimbula mweendo, nabi kuliletela mapensho.