1 Baami 15:4 - Baibo Busansulushi Bwa Libuku Ili

⁴ Sombi ceebo cakwe Defedi, Mwaami Lesa, Lesa wakwe wakapa Abija mwaana musankwa ayi apyane bwaami bwakwe muJelusalemu akulama kabotu Jelusalemu.

1 Baami 15:4 Marejeleo ya Msalaba

Matalikilo 12:2

Ndaakukupa bamulunyungu lwako baanji, alimwi balaakuba mushobo wiindaawo. Ndaakukupa coolwe akulengesha liina lyako kupuka ayi bantu bakabe acoolwe ceebo ca ndiwe.

Matalikilo 19:29

Sombi Mwaami Lesa ndyaakanyonyoola mandabala a muliwesa umo mwakalinga kwikala Loti, wakalinga kwiingashite kusenga kwakwe Abulaamu aboobo wakasuminisha Loti kuswaamo akuloboka.

Matalikilo 26:5

mukwiinga Abulaamu wakanyumfwila akukonkela milawo yangu yoonse anshindakamulwiita ayi acite.”

2 Samwelo 21:17

Sombi Abishayi mwanaakwe Seluiya wakesa wacafwa Defedi mukulwana musankwa uyo akumucaya. Kuswawaawo bashilumamba bakalengesha Defedi kushomesha cakulumbila ayi teshi akayaabo tubili kunkondo. Mpeeke bakaamba ayi, “Kulangila kwa bene Isilaeli kuli pali ndimwe, aboobo tatusuni kwaamba ayi tukabulwewobo.”

1 Baami 11:12

Nakubi boobo ceebo cakwe Defedi iso, teshi ncite boobo paciindi cino webo koociliiwo. Sombi ndaakucicita paciindi ico mwanaako aakunoolela.

1 Baami 11:32

Solomoni ulaakusunga mukowa womwi ceebo ca musebenshi wangu Defedi alimwi aceebo ca ndabala ya Jelusalemu iyo njendakasala ayi njaangu mucishi coonse ca Isilaeli.

1 Baami 11:36

Sombi ndaakupa mwanaakwe Solomoni mukowa womwi kwaamba ayi nkabeewo awamulunyungu lwa musebenshi wangu Defedi uyo weshi akanoolela ndabala ya Jelusalemu iyo njendakasala ayi mweshi banoonambilila.

2 Makani 21:7

Sombi Mwaami Lesa taakwe kuyeeyawo kunyonyoola bamuŋanda yakwe Defedi mukwiinga wakapanga cipangano aDefedi akushomesha ayi bamulunyungu lwakwe balaakunoolela lyoonse.

Kulumbaisha 132:17

Uko nkweshi nkabike womwi pabamulunyungu lwakwe Defedi mwaami shinkusu. Anu ndaakulengesha bwaami bwa mwaami ngondakasala kutolelela pabamulunyungu lwakwe.

Kulumbaisha 18:28

Mwebo noBaami baLesa ndimwe munyasha mumuni wa buumi bwangu, mulapalanganya munshinshe kunembo lyangu.

Kulumbaisha 87:5

Ono pandabala ya Siyoni cilaakwaambwa ayi, “Ulya awoolya bakashalwa muli njiyo. Lesa wa kwiculu Wiindaawo ulaakushimpya ndabala iyo ayi itakawi.”

Isaya 14:32

Anu tutoobakumbula ayinshi beshinkombe bene Filisiti? Tutoobaambila ayi, “Mwaami Lesa weemika ndabala ya Siyoni kwaamba bantu bakwe batoopenga bakapulukile nkuko.”

Isaya 37:35

Ndaakutabilila ndabala inene ino akwiipulusha, ceebo ca bulemu bwangu acakwe Defedi musebenshi wangu.’ ”

Isaya 62:7

Ee, amutolelele kushikila akalengeshe ndabala ya Jelusalemu kuba mboyakalinga akwiilengesha ayi ibe ndabala inene iyo bantu boonse njeshi bakanoolumbaisha.

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Jelemiya 33:2

Mwaami Lesa, uyo wakalenga cishi ca panshi, uyo wakacibumba alimwi akucibika pamusena wa ncico, ee, uyo ucite liina lya Mwaami Lesa wakaamba kuli ndime ayi,

Mateyo 16:18

Ono ntookwaambila ayi ndiwe Pita, aboobo pamwaandami uyu mpweshi nkayakile coonde cangu alimwi nkusu sha lufu teshi shikacikomeewo nalilaampi.

Luka 2:32

Uyu ngomumuni wakwaamba ayi baswamashi bakunsengwe balashe akubona lusuno lwanu akwalo kubantu banu baIsilaeli ngooleta bulemu.”

Joni 8:12

Jesu wakaambila baFalisi alimwi ayi, “Ndi mumuni umunikila bantu boonse. Uyo woonse unkonkela teshi akeende mumunshinshe napaceyi, sombi ulaakuba amumuni upa buumi.”

Bene Loma 11:28

Ono mukwiinga baJuda balakaka Makani Abotu, mbalwani bakwe Lesa. Ici calengesha kwaamba ayi mwebo nobaswamashi bakunsengwe mupulushikwe. Ceebo Lesa wakabasala, balisunikwi kuli nguwe, mukwiinga wakapangana abamashali babo bakulukulu.

Dutolonomi 4:37

Ceebo ca bamashali banu bakulukulu, wakamusala alimwi kwiinda munkusu shakwe shinene wakamukusha mucishi ca Ijipiti.

Ciyubululo 22:16

“Nebo neJesu, ndatuma munjelo wangu kwaamba ayi amulwiite shintu ishi mushoonde. Ndakashalwa mulunyungu lwakwe Defedi, alimwi ndime nyenyeenshi iyo imunika abuumbi iitwa ayi ntanda.”