1 Baami 14:9 - Baibo Busansulushi Bwa Libuku Ili

⁹ Webo weendaawo kucita shibiibi pabaabo bakalela webo kootana kuba mwaami. Wankaaka alimwi wasonkomona bukali bwangu kwiinda mukupanga shibumbwabumbwa, balesa ba golodi ayi unoolambila.

1 Baami 14:9 Marejeleo ya Msalaba

Esekelo 23:35

Mwaami Lesa Shinkusu shoonse waamba ayi, “Ono ceebo ca kundubaako akumfutatila ulaakupenga ceebo ca lunkumbwa abufuule bwako.”

Kulumbaisha 50:17

Mwebo tamusuni kufundwa kuswa kuli ndime alimwi mulafutatila maswi angu.

Neyemiya 9:26

“Nakubi boobo bakamubukila akukaka kumunyumfwila. Bakafutatila Milawo yanu. Bakacaya balaluki banu abo bakalinga kubacenjesha akubalwiita shakusandukila kuli ndimwe. Bakalinga kumucobola ciindi aciindi.

2 Makani 11:15

Jeloboamu wakasala bapailishi bakwe mwiine ayi banoosebensela pamisena yakulambililaako ya patulundu apa shibumbwabumbwa sha mpongo asha mucende mwaana isho nshaakabumba.

1 Baami 12:28

Ndyaakamana kuyeeya pacikani ici, wakabumba bacende baana ba golodi bobilo. Lyalo wakaamba kubantu bakwe ayi, “Mwakalinga kupenga kunooya kuJelusalemu mukulambila. Nobene Isilaeli, ono mbaaba balesa bakamukusha muIjipiti!”

Kulonga 34:17

“Tamweelete kupanga balesa basheela alimwi akunoobalambila.

1 Bene Kolinto 10:22

Sa tutooyanda kukalasha Mwaami? Nabi sa tulicite nkusu kwiinda nguwe?

Esekelo 8:17

Mpomunyaawo wakaŋambila ayi, “Webo omuntu, sa te washibona ishi? Sa taaku mbocibete kubene Juda bulya mbobatoocita shintu ishi shilensha bunya kuno? Sa balyeelete kususha cishi ashalunkutwe akunoosonkomonabo bukali bwangu? Bona mbobatooncobola munshila iindaawo kukalasha iyo njebakonsha!

Esekelo 8:3

Wakatandabika cakalinga kuboneka anga ndyaansa akunyamwita kumisusu. Mpomunyaawo mucili anga nciloto ico, Mushimu wakwe Lesa wakanyamuna kuntola pakati ka liculu acishi ca panshi akuntola kuJelusalemu. Wakantola kumulyango wa mwinjililo wa kumatwa wa lubansa lwa mukati lwa Ŋanda yakwe Lesa. Kumulyango uko kwakalinga kwiimfwi cibumbwabumbwa cakalinga kukalasha Mwaami Lesa.

Kulumbaisha 106:29

Bakakalasha Mwaami Lesa ceebo ca shintu nshebakacita, mpeeke mwaalu wakesa pakati kabo.

Kulumbaisha 78:40

Ndibakalinga muluyanga liinji liinji bakalinga kumubukila. Ncakwiila bakalinga kumulengesha kuungumana mumusena uyo utacite ncito.

Kulumbaisha 78:56

Sombi bantu bakasunka Lesa, bakaashukila Lesa wa kwiculu Wiindaawo, ncakwiila bakakaka kukonkela milawo yakwe.

2 Makani 33:6

Wakabenga bana bakwe basankwa ayi njimilambu yakutenta muCinyika ca Inomu. Wakalinga kusonda, kucita buloshi alimwi wakalinga kucebusha akwiipusha kubeshikwaamba abafu. Paceebo ceeco wakabisha abuumbi kuMwaami Lesa akusonkomona bukali bwakwe.

2 Baami 23:26

Sombi bukali buyoosha bwa Mwaami Lesa bwakasonkomonwa pabene Juda ceebo ca ceeco cakacita mwaami Manase. Anu asunu asunu tacina kumana.

2 Baami 21:3

Wakayakulula misena yakulambililaako ya patulundu iyo yakanyonyoola Esekiya. Wakayaka ashipaililo shakulambililaawo Baali akubumba cikoshanyo cakwe Ashela lesa mwanakashi bweenka bwakalinga bwacita Aabu mwaami wa bene Isilaeli. Manase lakwe wakalinga kulambila anyenyeenshi.

1 Baami 16:31

Taakwe kubishabo mbuli mbwaakabisha Jeloboamu mwanaakwe Nebati, sombi lakwe wakaya amukweeba walutundu wiitwa ayi Jesebelo, mwaana mwanakashi wakwe Etibaala mwaami wa bene Sidoni. Lyalo wakatalika kusebensela Baali akumulambila.

1 Baami 15:34

Alakwe wakabishisha Mwaami Lesa bweenka mbwaakacita mwaami Jeloboamu akutanjilila bene Isilaeli mucibiibi.

1 Baami 14:22

Bene Juda bakabishisha Mwaami Lesa akusonkomona bukali bwakwe kwiinda bwakacita bamashali babo bakulukulu.

1 Baami 14:16

Mwaami Lesa ulaakusuula bene Isilaeli boonse mukwiinga wa kubisha kwakwe Jeloboamu uyo wakalengesha bene Isilaeli kubisha.”

Boomboloshi 5:8

Ciindi bantu ndibakasala balesa beensu, ayalo nkondo yakabashikila. Tekwakalinga kuboneka lisumo nabi buta pakati ka bantu bali 40,000 ba kuIsilaeli.

Dutolonomi 32:21

Bakanengesha kunyumfwa busuba ceebo cakulambila citeshi Lesa. Bakankalasha ceebo cakulambila shibumbwabumbwa shitaaku mboshibete. Aboobo ndaakubalengesha busuba mukupa bulemu mushobo utacite ankooya. Ndaakubakalasha mukusuna bantu batacite lushibo.

Dutolonomi 9:24

Kuswabo paciindi ndindakamwishiba mulibo beshikwaalookila Mwaami Lesa.

1 Baami 15:29

Lyalo cakufwambaana wakatalika kucaya boonse bamuŋanda yakwe Jeloboamu. Kweelana abwakaamba Mwaami Lesa kwiinda mumusebenshi wakwe, mulaluki Aija wa kuShilo, boonse bamuŋanda yakwe Jeloboamu bakacaikwa. Taaku nabi womwi wakacaalaawo.

1 Baami 16:25

Omuli wakabisha pameenso a Mwaami Lesa kwiinda mbobakabisha boonse bakataanguna kuba baami.

1 Baami 16:30

Wakabisha pameenso a Mwaami Lesa kwiinda mbobakabisha boonse bakataanguna kuba baami.

1 Baami 16:33

Wakeemika cikoshanyo cakwe Ashela lesa mwanakashi. Wakacita ashimwi shiinji shakusonkomona bukali bwa Mwaami Lesa, Lesa wa bene Isilaeli, kwiinda bamaami boonse bene Isilaeli kuswa kumatalikilo a bwaami.

2 Baami 3:3

Nakubi boobo wakakakatila kushibiibi shakalinga kucita Jeloboamu mwanaakwe Nebati akulengesha bene Isilaeli kubisha bweenka mbuli nguwe. Ncakwiila taakwe kushilekaawo.

Kulumbaisha 78:58

Bakakalasha Lesa ceebo ca misena yakulambililaamo balesa ba baswamashi. Bakamulengesha kufutatika moyo ceebo ca shibumbwabumbwa shabo.

Jelemiya 7:18

Baana batootepa nkuni. Bamashali babo batookunka mulilo. Abalo banakashi batookanda fulaulo akupanga shinkwa wa mise wakupa lesa umwi mwanakashi wiitwa ayi Mwaami mwanakashi wa Kwiculu. Batoopa shipo sha shakunwa balesa bamwi kwaamba ayi bankalashe.

Jelemiya 32:18

Mulatondesha lusuno lwanu kushuulu sha bantu, sombi mulapa milandu baana ceebo cakubisha kwa bamashali babo. Mwebo ndimwe baLesa bacite nkusu shinene abuumbi. Liina lyanu ndimwe Baami baLesa Beshinkusu shoonse.

Bene Lefi 19:4

“Tamweelete kushiya ndime akutalika kulambila shibumbwabumbwa. Tamweelete kubumba balesa ba sheela akutalika kubalambila. Nebo ndime Mwaami Lesa wanu.

1 Baami 15:30

Ici cakacitika mukwiinga Jeloboamu wakasonkomona bukali bwa Mwaami Lesa, Lesa wa bene Isilaeli kwiinda mushibiibi isho nshaakacita akulengesha bene Isilaeli bamwi boonse kushicita.

Neyemiya 9:25

Bantu banu bakakoma mandabala acite malinga acishi cicite bulongo bubotu. Bakabwesa maanda ayo akalinga kuswite buboni, mikalo yakakabilwa limwi, shisamu sha maolifi, shisamu shicata shisepo shimwi amyuunda ya minyansa. Bakalinga kulya cili coonse ncebasuni akwiina abuumbi. Bakasangalala abuumbi mushintu shibotu nshemwakabapa.

Jelemiya 7:26

Sombi tamukwe kunyumfwila nabi kubikako maano. Mwakayumya myoyo yanu akubisha kwiinda bamashali banu bakulukulu.’