1 Baami 13:6 - Baibo Busansulushi Bwa Libuku Ili

⁶ Mwaami Jeloboamu wakaambila mulaluki ayi, “Ndakusenga mpailileeko kuMwaami Lesa wako kwaamba ayi alengeshe lyaansa lyangu kuba kabotu!” Mpeeke mulaluki wakapaila kuMwaami Lesa, lyalo lyaansa lya mwaami lyakaba kabotu.

1 Baami 13:6 Marejeleo ya Msalaba

1 Baami 13:5

Cakufwambaana cipaililo cakamwayuluka, milota yoonse yakapalangana, mbweeke mulaluki mbwaakaamba muliina lya Mwaami Lesa.

Kulumbaisha 119:58

Ndamusenga amoyo wangu woonse, mumfwite nkumbu kweelana ambomwakashomesha.

Kulonga 10:17

Ono amundekelele alimwi cibiibi cangu, alimwi mumpailileeko kuMwaami Lesa, Lesa wanu kwaamba ayi akushe mwaalu uleta lufu uyu wancitikila.”

Kulonga 12:32

Mubwese ambelele, mpongo alimwi aŋombe shanu shoonse munooya. Alimwi kamumpaililaako kwaamba ayi mbe acoolwe.”

Kulonga 8:28

Mwaami Falawo wakaamba ayi, “Ntoomusuminisha kuya mukubenga milambu kuMwaami Lesa, Lesa wanu muluyanga na mubule kuya kulaale. Ono kamumpaililaako.”

Kulonga 8:4

Babombwe balaakunoosotookabo pamubili wako, mibili ya bantu ba mucishi cako alimwi aya bacinenenene bako.’ ”

Kulonga 8:8

Mpeeke mwaami Falawo wakeeta Mose aAloni akubaambila ayi, “Amupaile kuMwaami Lesa kwaamba ayi akushe babombwe aba, anebo ndyeshi nsuminishe bantu banu ayi baye bakabenge milambu kuMwaami Lesa.”

Kulonga 9:28

Amupaile kuMwaami Lesa! Twapeenga abuumbi kukukalooka kwa mfuula ya mabwe iyi. Ntoomulwitilisha ayi ntoomuleka munooya, tamweelete kunoocishiite.”

Jelemiya 37:3

Mpeeke mwaami Sedekiya wakatuma Jeukali mwanaakwe Shelemiya amupailishi Sefaniya mwanaakwe Maseiya kuli ndime neJelemiya mukwaamba ayi, “Amutupailileeko kuMwaami Lesa, Lesa wesu.”

Sekaliya 7:2

Bene Betelo bakatuma Shalesa alimwi aLegemu Meleki kubikaawo abasankwa bakwe kuya kuŊanda ya Mwaami Lesa Shinkusu shoonse mukusenga nkumbu kuli nguwe

Shakubelenga 12:13

Lyalo Mose wakalilila Mwaami Lesa ayi, “NobaLesa, amumushilike!”

Shakubelenga 21:7

Ndibakabona boobo, bakesa kuli Mose akwaamba ayi, “Twakabisha nditwakatongookela Mwaami Lesa alimwi amwebo. Ono amupaile kuMwaami Lesa.” Aboobo Mose wakabapaililaako.

Mateyo 5:44

Sombi nebo ntoomulwiita ayi, ‘Amusune balwani banu akubapaililaako abo bamupensha,

Luka 23:34

Mpeeke Jesu wakaamba ayi, “Ta, amubalekelele mukwiinga tabeshi ncebatoocita.” Kuswawaawo bakooma cisolo kwaamba ayi baabane shakufwala shakwe.

Milimo ya Batumwi 7:60

Kuswawaawo wakafukama akupaila muliswi lya peculu ayi, “Nkambo, amubalekelele cibiibi ici ncebatoocita!” Ndyaakamana kwaamba boobo, wakatula moyo. Alakwe Saulo wakasumina ayi bacita kabotu kumucaya.

Milimo ya Batumwi 8:24

Lyalo Simoni wakaambila Pita aJoni ayi, “Anu amumpailileeko mwebo kuMwaami Lesa kwaamba ayi shoonse nshemwaamba shitancitikili.”

Bene Loma 12:14

Kamupaila kuli Lesa kwaamba ayi ape coolwe abo bamupensha. Ee, mulyeelete kubasengela coolwe kuteshi mashingo.

Bene Loma 12:21

Paceebo ceeco mutaleeki bubi kwaamba ayi bumukoome, sombi amubukoome kwiinda mukucita shintu shibotu.

Ciyubululo 3:9

Ono bona, kubantu abo ba mulikoto lyakwe Satana, balibanda ayi mbaJuda, sombi kabateshi mbabo, ndaakulengesha ayi bakese mukufukama muliimfwa lyako. Lyalo balaakwishiba ayi ndikusuni.

1 Samwelo 12:19

Mpomunyaawo bantu bakaambila Samwelo ayi, “Amutupailileeko kuMwaami Lesa, Lesa wanu, kwaamba ayi tutafwi. Tweshiiba ono kwaamba ayi peculu pashibiibi shesu shimwi shoonse, tweelikaawo acibiibi cakusenga mwaami.”

1 Samwelo 12:23

Kulubasu lwangu, nshisuni kwaamba ayi mbishishe Mwaami Lesa mukucileka kumupaililaako. Ndaakumwiisha nshila ibotu alimwi iluleme ayi mwiikonkele.